აშშ-ში ინფლაცია 40 წლის მაქსიმუმზეა და გუშინ აშშ-ს ეკონომიკური ანალიზის ბიურომ განაცხადა, რომ მთლიანი შიდა პროდუქტი (მშპ) წლის მეორე კვარტალში 0.9%-ით შემცირდა. წლის პირველ კვარტალში კი ამ მაჩვენებელმა 1.6%-ით დაიკლო. უარყოფითი ეკონომიკური ზრდის ორი კვარტალი ტექნიკურად რეცესიაა, მაგრამ ეკონომიკური ზეწოლის ერთ-ერთი საპირისპირო წერტილი არის Mastercard-ის ბოლო მეორე კვარტლის ანგარიში, რომელიც ძლიერი აღმოჩნდა და აჩვენა, რომ მომხმარებელმა არა მხოლოდ გაუძლო რთულ პერიოდს, არამედ სიმტკიცეც შეინარჩუნა. მოდით, დეტალურად განვიხილოთ.
სამომხმარებლო ხარჯები და მოგზაურობა კვლავ ძლიერია
მთლიანი დოლარის მოცულობა Mastercard-ის უზარმაზარი გადახდების ქსელში წლიდან წლამდე 14%-ით – $2.1 ტრილიონამდე გაიზარდა.
ზრდა განპირობებული იყო ტრანსსასაზღვრო მოცულობის მატებით, რომელიც წელიწადში 58%-ით გაიზარდა და ახლა 2019 წლის დონიდან 139%-ზეა. შეერთებულ შტატებში გადახდის მოცულობა ახლა 2019 წლის დონიდან 146%-ით არის გაზრდილი და აშშ-ის ფარგლებს გარეთ 162%-ს აჭარბებს.
შედეგად, Mastercard-მა მეორე კვარტალში გამოიმუშავა $2.34-ის ოდენობით განზავებული მოგება თითო აქციაზე (EPS) ხოლო მთლიანი შემოსავალი – $5.5 მილიარდი, რომლებიც შესაბამისად, წლიდან წლამდე 21%-ით და 13%-ით გაიზარდა. ორივე მაჩვენებელმა ანალიტიკოსების მოლოდინს გადააჭარბა.
ეს არ არის დიდი სიურპრიზი მას შემდეგ, რაც Visa-მ, Mastercard-ის მთავარმა კონკურენტმა, ამ კვირის დასაწყისში მსგავსი შედეგები დააფიქსირა და მსხვილი ბანკების უმეტესობამ ხაზი გაუსვა წლის მეორე კვარტალში ძლიერ სამომხმარებლო ხარჯებს.
Mastercard-ის აღმასრულებელმა დირექტორმა – მაიკლ მიბაქმა გუშინ განაცხადა, რომ მენეჯმენტმა რა თქმა უნდა მაკრო გამოწვევების (ინფლაცია, საპროცენტო განაკვეთების ზრდა, გეოპოლიტიკური და მიწოდების ჯაჭვის პრობლემები) შესახებ იცის, მაგრამ მათ ჯერ ბიზნესში არ შემოუღწევია.
„მიუხედავად ამისა, უმუშევრობის დონე დაბალია, ხელფასები იზრდება და მომხმარებელთა დაზოგვის დონე მაღალი რჩება. ამ ფონზე, სამომხმარებლო და განსაკუთრებით მოგზაურობასთან დაკავშირებული ხარჯები კვლავ ძლიერია“ – თქვა მიბაქმა.
Mastercard-მა შემოსავლის პროგნოზები გაზარდა და ახლა ელის, რომ მთელი წლის შემოსავლის ზრდა, წინა წელთან შედარებით, 20%-ს ოდნავ გადააჭარბებს. ეს ყველაფერი ხდება იმის მიუხედავად, რომ Mastercard რუსეთში ოპერაციებს წყვეტს, რაც შემოსავალს ამცირებს.
შენარჩუნებული სიძლიერე მესამე კვარტალში
ივლისის პირველი სამი კვირის განმავლობაში Mastercard-ის ბიზნესი გაიზარდა. მთლიანი ტრანსსასაზღვრო მოცულობა ახლა 2019 წლის დონიდან 140%-ით არის გაზრდილი. ტრანსსასაზღვრო მოგზაურობის მოცულობა, რომელიც მეორე კვარტალში 2019 წლის დონესთან შედარებით 118%-ით იყო მომატებული, ახლა, ივლისის პირველი კვირების შემდეგ, 126%-ით არის გაზრდილი.
გასათვალისწინებელია ის ფაქტი, რომ ეს ყველაფერი მხოლოდ აშშ-ში არ ხდება. Mastercard-ის ფინანსური დირექტორის – საჩინ მეჰრას თქმით, აზიის წყნარი ოკეანის რეგიონი ბოლო დრომდე რთულ მდგომარეობაში იყო, მაგრამ ახალ ეს ბაზრები გაიხსნა და მეჰრას აზრით, ეს ფაქტი ზრდისთვის სივრცეს წარმოშობს.
როგორი იქნება Mastercard რეცესიის პირობებში?
ცხადია, რომ აშშ-ის ეკონომიკა წარსულისგან განსხვავებულ სიტუაციაში, იმის გათვალისწინებით, რომ ამ ქვეყანაში ტექნიკური რეცესიაა, მაგრამ სამომხმარებლო ხარჯების ჯანსაღი დონე და ძალიან ჯანსაღი შრომის ბაზარი შენარჩუნებულია. ყველას აინტერესებს გაუარესდება თუ არა მდგომარეობა, მაგრამ შეიძლება ეს არც მოხდეს.
ბიზნეს პერსპექტივიდან გამომდინარე, Mastercard საკმაოდ მტკიცედ გამოიყურება. ინფლაციის თვალსაზრისით, გადახდების ქსელმა, შესაძლოა, ჰეჯირების ფუნქცია შეასრულოს, რადგან, ფასების მატებასთან ერთად, Mastercard უფრო მეტ საკომისიო შემოსავლებს აგროვებს.
გარდა ამისა, Mastercard-ს უამრავი გეოგრაფიული და სექტორული მრავალფეროვნება გააჩნია. ასე რომ, მსოფლიოს სხვადასხვა მხარე და სხვადასხვა ინდუსტრია, შეიძლება, სხვადასხვა დროს განსხვავებულ ეტაპზე იმყოფებოდეს. ამიტომ, როდესაც მსოფლიოს ერთი ნაწილი ნელდება, სხვა რეგიონი, შეიძლება, ჯანსაღად გამოიყურებოდეს.
ყველა ფაქტორი გათვალისწინებით, შესაძლოა, დავასკვნათ, რომ კომპანია კარგად არის ბაზარზე პოზიციონირებული იმისთვის, რომ ნებისმიერ პრობლემას გაუმკლავდეს.
