ფიდუციარი (ნდობით აღჭურვილი პირი) არის ადამიანი, რომელიც იურიდიულად ვალდებულია თქვენი ინტერესები საკუთარზე მაღლა დააყენოს. ის არის სუბიექტი ან ფიზიკური პირი, რომელიც სხვა პირისთვის პირად, სამართლებრივ ან ფინანსურ არჩევანს ხელმძღვანელობს. გავრცელებული ფიდუციური ურთიერთობები მოიცავს ფინანსურ პროფესიონალებს, როგორიც არის მრჩევლები და ბუღალტრები, სადაზღვევო აგენტები, კორპორაციული ოფიცრები და აღმასრულებლები.
ზოგიერთ პროფესიას გააჩნია კანონები, რომლებიც პიროვნების ფიდუციური პასუხისმგებლობის ზუსტ პარამეტრებსა და როლს განსაზღვრავს, მაგრამ, როგორც წესი, ფიდუციარები ვალდებულნი არიან:
- კლიენტის ინტერესები საკუთარზე წინ დააყენონ
- გამოავლინონ ნებისმიერი პოტენციური ინტერესთა კონფლიქტი
- იმოქმედონ კეთილსინდისიერად
- კლიენტები უზრუნველყონ ყველა შესაბამისი ფაქტითა და ზუსტი, საფუძვლიანი რჩევით
- არ გამოიყენონ კლიენტის აქტივები საკუთარი სარგებლისთვის.
რა იურიდიული პასუხისმგებლობა ეკისრება ფიდუციარს?
ფიდუციური მოვალეობის მქონე პირს ეკისრება იურიდიული პასუხისმგებლობა იმოქმედოს სხვისი ინტერესების სასარგებლოდ. ეს ცნობილია, როგორც ერთგულების მოვალეობა, რომელიც პროფესიონალებს, რომლებიც სხვისი საქმეების განკარგვით არიან დაკავებულნი, საკვანძო ხელმძღვანელობას უწევს.
ფიდუციური მითითებები ასევე იძლევა საშუალებას, რომ, უფლებების ბოროტად გამოყენების შემთხვევაში, მიღებულ იქნეს საკანონმდებლო ზომები. ინვესტირების თვალსაზრისით, ეს შეიძლება იყოს მრჩეველი, რომელიც, მეტი საკომისიო შემოსავლის მისაღებად, ზედმეტ სავაჭრო ოპერაციებს ატარებს.
რას ნიშნავს ეს თქვენთვის?
ფიდუციართან მუშაობა არ გაძლევთ ფინანსური ანაზღაურების ან მრჩევლის მიერ უფლებების ბოროტად არ გამოყენების გარანტიას. თუმცა, ეს ამცირებს რისკებს და ფიდუციარის მიერ თქვენი უფლებების დარღვევის შემთხვევაში სამართლებრივ ბერკეტს გაძლევთ. გარდა ამისა, ფიდუციარები თქვენს წინაშე არსებულ ვარიანტებთან დაკავშირებით უფრო გამჭვირვალეები არიან, რაც საშუალებას გაძლევთ ფინანსებთან მიმართებაში უფრო გააზრებული გადაწყვეტილებები მიიღოთ.
