საუკეთესო დივიდენდურ აქციებს ანაზღაურების სტაბილურად ზრდის ისტორია აქვს. ტოპ კლასები არის დივიდენდ არისტოკრატები და დივიდენდ მეფეები, კომპანიები, რომლებიც აფიქსირებენ დივიდენდების სტაბილურ ზრდას, შესაბამისად, 25 და 50 წლის განმავლობაში.
უფრო დაბალი კლასია დივიდენდების მიმღწევები – კომპანიები, რომლებმაც დივიდენდების სტაბილური ზრდა ათწლეულის ან უფრო მეტი ხნის განმავლობაში შეძლეს. ეს აქციები დივიდენდ არისტოკრატებად ჩამოყალიბების გზაზე დგანან. ამ სტატიაში განვიხილავთ სამი ასეთი კომპანიის აქციას. ესენია: Brookfield Infrastructure, Brookfield Renewable, Enterprise Products Partners.
Brookfield Infrastructure
2022 – ზედიზედ უკვე მეცამეტე წელს Brookfield Infrastructure-მა დივიდენდების ზრდა დააფიქსირა. ეს, გლობალური ინფრასტრუქტურის მფლობელს დივიდენდ არისტოკრატობისკენ მიმავალ გზაზე აყენებს. მიუხედავად იმისა, რომ 12 წელიწადში, შეიძლება, ბევრი რამ მოხდეს, არსებობს საფუძველი ვიფიქროთ, რომ მას შეუძლია ელიტარულ ჯგუფს შეუერთდეს.
Brookfield-ის საფუძველი არის მაღალი ხარისხის ინფრასტრუქტურული ბიზნესის დივერსიფიცირებული პორტფელი. კომპანია ფლობს კომუნალურ, სატრანსპორტო, ენერგეტიკულ და მონაცემთა ინფრასტრუქტურის აქტივებს, რომლებიც წარმოქმნის გრძელვადიანი კონტრაქტებითა და მთავრობის მიერ რეგულირებული განაკვეთების სტრუქტურებით გამაგრებულ სტაბილურად მზარდ ფულად ნაკადებს. კომპანია ამას ავსებს უმაღლესი დონის ფინანსური პროფილით, მაღალი დონის საკრედიტო რეიტინგით და დივიდენდის გადახდის მყარი კოეფიციენტით. ეს Brookfield-ს აძლევს ფინანსურ მოქნილობას, რათა თავისი ოპერაციების გაფართოება განაგრძოს.
კომპანია იზრდება გაფართოებაზე ორიენტირებულ პროექტებში ინვესტირებით და მაღალი ხარისხის ინფრასტრუქტურული ბიზნესების შეძენით. გასულ წელს Brookfield-მა $3 მილიარდი დახარჯა მთელ რიგ გარიგებებზე, მათ შორის, წამყვანი კანადური საშუალო კომპანიის შესყიდვაზე. კომპანია წინ მასიური ინფრასტრუქტურული ინვესტიციების შესაძლებლობას ხედავს, იმის გათვალისწინებით, რომ გლობალური საჭიროებაა ტრილიონობით დოლარის მოცულობის ინვესტიციების ჩადება ინფრასტრუქტურის შენარჩუნებასა და განვითარებაზე, რასაც მუდმივი ეკონომიკური ზრდა მოითხოვს. Brookfield-ის წარმომადგენლების აზრით, კომპანიას შეუძლია მომავალ პერიოდში დივიდენდები წლიური ტემპით 5%-დან 9%-მდე გაზარდოს.
Brookfield Renewable
Brookfield Renewable-სთვის უკვე მეთერთმეტე წელია, რაც კომპანია დივიდენდებს ყოველწლიურად მინიმუმ 5%-ით ზრდის. მიუხედავად იმისა, რომ დივიდენდ არისტოკრატის ტიტული, შეიძლება, ჯერ კიდევ შორს იყოს, კომპანია მძლავრი ზრდის ტენდენციაზე ორიენტირებული რჩება.
მომდევნო 30 წლის განმავლობაში, განახლებად ენერგიაზე გადასვლას ტრილიონობით დოლარის ოდენობით ინვესტიცია დასჭირდება. ეს პირდაპირ შეესაბამება Brookfield Renewable-ის სტრატეგიას. კომპანიას აქვს განახლებადი ენერგიის პროექტების განვითარების უზარმაზარი პოტენციალი, რამაც , მომავალი წლების განმავლობაში მისი ზრდა უნდა გააძლიეროს.
Brookfield მოელის, რომ ფულადი ნაკადები თითო აქციაზე ორნიშნა ტემპით გაიზრდება სულ მცირე 2026 წლამდე. ეს შეხედულება ადვილად ადასტურებს კომპანიის რწმენას, რომ მას შეუძლია გრძელვადიან პერსპექტივაში დივიდენდები წლიური 5%-დან 9%-მდე ტემპით გაზარდოს.
Enterprise Products
წელს ზედიზედ 23 წელი შესრულდა, რაც Enterprice Products Partners დივიდენდებს ზრდის. ამით კომპანიას 2 წელი აშორებს, რომ დივიდენდ არისტოკრატების რიცხვს შეუერთდეს.
მისი დივერსიფიცირებული საშუალო ბიზნესის წყალობით, კომპანია დიდი მოცულობით ფულად ნაკადს წარმოქმნის. Enterprice გასცემს დივიდენდებს და ამასთან ინარჩუნებს საკმარის ფულად რესურსებს იმისთვის, რომ კომპანიამ განვითარება და გაფართოება შეძლოს.
Enterprice Products Partners ცოტა ხნის წინ Navitas Midstream $3.25 მილიარდად შეიძინა. ეს გარიგება უახლოეს წლებში კომპანიის ზრდას და ორგანული გაფართოების პროექტებს შეუწყობს ხელს. ამ ინვესტიციებმა Enterprice-ს უნდა მისცეს შესაძლებლობა, რომ მომდევნო რამდენიმე წლის განმავლობაში დივიდენდური ანაზღაურება გაზარდოს.
