რა მოხდა?
მზის ენერგიის კომპანიებს სამშაბათს ცვლილებების კარგი დღე ჰქონდათ, რადგან ბაზარზე ტექნოლოგიისა და ზრდის აქციების ფასები გაიზარდა. ბაზარზე ეს ძვრა გამოწვეული იყო იმით, რომ რუსეთმა უკრაინის საზღვრებიდან სახმედრო ძალები გაიყვანა.
Enphase Energy-ს აქციების ფასი დღეს 7.6%-ით იყო გაზრდილი, Sunrun-ის – 10.3%-ით, ხოლო Jinkosolar-ის – 13.3%-ით. ამ სამი კომპანიის აქციათა პოზიციები, დღეს, შესაბამისად 7.2%, 8.9% და 12.9%-იანი ნაზარდით დაიხურა.
Solar Energy Panels
მერე რა?
მზის ენერგიის კომპანიათა აქციები ძალიან მერყევია და როდესაც ბაზარზე ძვრებია, ამ აქციების ფასების მერყეობაც იზრდება. დღეს S&P 500 1.6%-იანი, ხოლო Nasdaq Composite 2.5%-იანი ნაზარდით დაიხურა, რაც, სავარაუდოდ, მზის პანელების აქციების მნიშვნელოვანი მამოძრავებელი ძალა იქნება.
სხვა ყურადსაღები ძვრა ბაზარზე იყო ნავთობის ფასის 3.6%-ით შემცირება, საბოლოოდ კი ნავთობის ფასმა ბარელზე $92 შეადგინა. ეს კი რუსეთ-უკრაინასთან დაკავშირებული დაძაბულობის შემსუბუქებამ გამოიწვია. ნავთობის დაბალი ფასები, ძირითადად, ნეგატიურ მოვლენად აღიქმება „მზის ენერგიის“ აქციებისთვის, მაგრამ ამ შემთხვევაში ეს ტრენდი არ შენარჩუნდა.
მორიგი პოტენციური დაბრკოლება იყო საპროცენტო განაკვეთების ზრდა. აშშ-ს 10 წლიანი ობლიგაციების საპროცენტო განაკვეთი, აგრძელებდა რა მყარ ზრდას წინა წლის განმავლობაში, 6 ბაზისური პუნქტით 2.04%-მდე გაიზარდა. მზის პანელების დეველოპერებისთვის მაღალი საპროცენტო განაკვეთები მაღალ საპროცენტო ხარჯებს ნიშნავს, რამაც შეიძლება ბაზარზე „მზის ენერგიის“ აქციების კონკურენტუნარიანობის შემცირება გამოიწვიოს. ჩვეულებრივ, როდესაც საპროცენტო განაკვეთები იზრდება, „მზის ენერგიის“ აქციების ფასი მცირდება, მაგრამ ამჯერადაც ბაზარმა საპიროსპირო მიმართულებით იმოძრავა.
ახლა რა?
დღევანდელი მოძრაობის დიდი ნაწილი შეიძლება დაკავშირებული იყოს იმასთან, რომ ბაზარი აღმავალი მიმართულებით მიემართება და მასთან ერთად „მზის“ აქციებსაც აღმავალი ტრენდი აქვს. თუ ქვემოთ მოცემულ სამთვიან გრაფიკს დააკვირდებით, ნახავთ, რომ მზის პანელების მწარმოებელი კომპანიების აქციებმა ბოლოს მომხდარი დიდი მოცულობით გაყიდვებით უფრო მეტად იზარალეს, ვიდრე მთლიანად ბაზარმა. ახლანდელი მოვლენები კი ამ დანაკარგებს ნაწილობრივ აბალანსებს.
Solar Energy Stocks’ Charts
გრძელვადიან პერსპექტივაში, მზის ენერგეტიკის აქციების ფასების ზრდა უცვლელი რჩება, რადგან ეს ინდუსტრია ბაზრის წილს წიაღისეული საწვავის ინდუსტრიიდან იღებს და ღირებულებაც ზრდას განაგრძობს. ამასთანავე, საპროცენტო განაკვეთების ზრდა იქნება ის წინაღობა, რომელთანაც გამკლავება პროექტების დამფინანსებლებს მოუწევთ. მზის ელექტროსადგურების ასაშენებლად საჭირო წინასწარი ხარჯები არ შეიცვლება, მაგრამ იმ ელექტრო ენერგიის ფასი, რაც ამ საქმის მომგებიანად ქცევისთვის არის საჭირო, შეიძლება საპროცენტო განაკვეთის მატებასთან ერთად გაიზარდოს.
სამომხმარებლო კუთხით თუ ვიმსჯელებთ, ნავთობისა და ბუნებრივი აირის ფასები მინიმალურ ზეგავლენას ახდენენ მზის ენერგიის პროექტებზე და მთლიანობაში წიაღისეული საწვავის ფასები ეკონომიკის გაძლიერებასთან ერთად იზრდება.
ბაზარზე დღევანდელი მოძრაობები შეიძლება მერყეობასთან იყოს დაკავშირებული, მაგრამ ბოლო თვეების განმავლობაში მზის ენერგიის მწარმოებელი კომპანიების აქციების ფასების შემცირება შეიძლეაბ დიდი შესაძლებლობა იყოს ინვესტორებისთვის. Enphase, Sunrun და Jinkosolar კი ის ლიდერები არიან, რომლებიც გრძელვადიან პერსპექტივაში გამარჯვებულები აღმოჩნდებიან.
