მიუხედავად იმისა, რომ არც ერთი საჯარო ვაჭრობის აქცია არ არის ინფლაციის ზემოქმედებისგან სრულიად დაცული, ზოგიერთი მაინც სხვებზე უფრო მდგრადია. ამ თვალსაზრისით უნდა გავითვალისწინოთ Medical Properties Trust (MPT).
ეს ბირმინგემში (ალაბამა) დაფუძნებული უძრავი ქონების საინვესტიციო ტრასტი (REIT) არის ამერიკაში სიდიდით მეორე საავადმყოფოების მფლობელი, 9 ქვეყნის მასშტაბით დაახლოებით 46,000 საწოლით 438 დაწესებულებაში. დაახლოებით ნახევარი არის მწვავე მოვლის საავადმყოფოები, დანარჩენი კი ქცევითი ჯანმრთელობის, სტაციონარული სარეაბილიტაციო ცენტრები და სასწრაფო დახმარების კლინიკები.
გასული 20 წლის განმავლობაში MPT-მ S&P 500-ს აჯობა და უზრუნველყო 529.7%-ის ოდენობით მთლიანი ანაზღაურება, ფართო ბაზრის 419.7%-თან შედარებით. სხვაგვარად რომ ვთქვათ, 2002 წლის 21 აპრილს MPT-ში ჩადებული $10,000 ახლა იქნებოდა $62,970, S&P 500-ის $51,970-თან შედარებით.
ამ სტატიაში განვიხილავთ 4 მიზეზს, თუ რა აქცევს ამ კომპანიის აქციებს ინფლაციური გარემოსადმი გამძლედ.
- დივიდენდები
REIT-ები ვალდებულნი არიან თავიანთი დასაბეგრი შემოსავლის მინიმუმ 90% აქციონერებს გაუნაწილონ. დივიდენდების გადახდა დიდი ხნის განმავლობაში მიღებული პრაქტიკაა საჯარო კომპანიებისთვის აქციონერების შესანარჩუნებლად, განსაკუთრებით ინფლაციურ გარემოში.
მიმდინარე თვეში MPT-მ კვარტალური ანაზღაურება 4%-ით – აქციაზე $0.28-მდე გაზარდა და დივიდენდების ზრდის მერვე წელი დააფიქსირა. კომპანიის აქციის ფასი ამჟამად დაახლოებით $18.12-ს შეადგენს, ხოლო დივიდენდური სარგებელი – 5,86%-ს.
- ფასწარმოქმნის ძალა
Medical Properties Trust სარგებლობს თავისი ქონებით სარგებლობის საფასურის გაზრდის უნარით. კომპანიის 52 ოპერატორი ანგარიშვალდებულია სამმაგი წმინდა იჯარის გარიგებით, რომელშიც ოპერატორი პასუხისმგებელია ტექნიკურ მომსახურებაზე, დაზღვევასა და გადასახადებზე. MPT თავისი ბევრი მოიჯარისთვის ასევე არის კაპიტალის აქტიური მიმწოდებელი და არსებობს საფუძველი, რომ შესაძლებლობის შემთხვევაში, ამ დაფინანსების საპროცენტო განაკვეთის გაზრდით ისარგებლოს.
- მზარდი შემოსავალი და მომგებიანობა
როგორც ჩანს, Medical Properties Trust-ს ასევე გააჩნია მომგებიანობის ტრაექტორია, რომელიც არსებული წარმატების შესანარჩუნებლად არის საჭირო. ამის ერთ-ერთი მაჩვენებელია კომპანიის ფულადი სახსრები ოპერაციებიდან (FFO), რომელიც კაპიტალის REIT-ების შესაფასებლად ძირითადი ფაქტორია. MPT-ის კორექტირებული FFO აქციაზე $1.43-დან (2020 წელი) $1.65-მდე (2021 წელი) გაიზარდა და ამ წლისთვის მენეჯმენტის პროგნოზი ამ მაჩვენებლისთვის $1.81-$1.85-ს შეადგენს. ამასთან ერთად, გადასახდელი დივიდენდების კოეფიციენტი (73.80%), რომელიც მიმდინარე ფულადი სახსრების ნაკადზე არის დაფუძნებული, უნდა დაეხმაროს MPT-ს დივიდენდების ზრდის 8 წლიანი გამოცდილება კვლავ განაგრძოს.
- მოთხოვნა და აუცილებლობა
საკვებისა და თავშესაფრის მსგავსად, ჯანდაცვა ერთ-ერთი უმთავრესი აუცილებლობაა, განსაკუთრებით მაშინ, როდესაც საქმე ჰოსპიტალიზაციას ეხება. „ბეიბი ბუმერების“ (დემოგრაფიული აფეთქების პერიოდში დაბადებული ადამიანი, განსაკუთრებით 1946-1964 წლებში) დიდი კოჰორტა, ასაკის მატებასთან ერთად ამ მოთხოვნას კიდევ უფრო ზრდის. რაც შეეხება ინფლაციას, ჩვენ უბრალოდ უფრო მეტი უნდა გადავიხადოთ იმისთვის, რაც გვჭირდება და მომგებიანი ინვესტიცია Medical Properties Trust, შესაძლოა, იყოს სწორედ ის, რაც ამ ინფლაციურ გარემოში სარგებელს მოგვიტანს.
