რა მოხდა?
წამახალისებელი კვარტალური და წლიური ანგარიში იყო ფაქტორი, რომელმაც გასულ კვირაში Zim Integrated Shipping Services-ის აქციების ფასი გაზარდა. S&P Global Market Intelligence-ის მონაცემებით, საკონტეინერო ლოჯისტიკის კომპანიის აქციების ფასი ორშაბათიდან პარასკევის ჩათვლით თითქმის 23%-ით გაიზარდა.
და რა?
გასულ ორშაბათს Zim-მა კვარტალური ანგარიში წარადგინა. ერთი შეხედვით, კომპანიის მეოთხე კვარტლის მაჩვენებლები სუსტი იყო, რადგან Zim-მა როგორც შემოსავლის, ასევე მოგების კლება დააფიქსირა.
ვარდნა საკმაოდ მკვეთრი იყო — წლიდან წლამდე შემოსავალი 37%-ით, ხოლო მოგება 76%-ით შემცირდა. ამიტომ, სულაც არ იყო გასაკვირი, რომ მომდევნო დღეს JPMorgan Chase-ის ანალიტიკოსმა — სამუელ ბლენდმა Zim-ის აქციების სამიზნე ფასი $30.40-დან $27-მდე შეამცირა.
თუმცა, რაც მთავარია, ბლენდმა აქციებს ყიდვის რეკომენდაცია შეუნარჩუნა. ამასთან უნდა აღინიშნოს, რომ Zim-ის კვარტალურმა შედეგებმა ანალიტიკოსების პროგნოზებს გადააჭარბა. შემოსავალმა $2.19 მილიარდი შეადგინა (ანალიტიკოსების მოლოდინი — $1.92 მილიარდი), ხოლო EPS-მა (მოგება თითო აქციაზე) — $3.44 (მოლოდინი — $2.5).
ახლა რა?
Zim-ისთვის 2022 წლის ბოლოს მაკროეკონომიკური გარემო რთული იყო მაღალი ინფლაციის, მზარდი საპროცენტო განაკვეთების და გლობალური ეკონომიკის გამო. ახლა გარემო გარკვეულწილად ნათელია და ინვესტორები უახლოეს თვეებში Zim-ისა და მისი კონკურენტებისთვის უკეთეს პირობებს მოელიან.
