რა მოხდა?
25 იანვარს, სავაჭრო დღის დასრულების შემდეგ, ელექტრომობილების (EV) მწარმოებელმა ლიდერმა კომპანიამ — Tesla-მ კვარტალური ანგარიში წარადგინა, გუშინ კი მისი აქციების ფასი 5%-ზე მეტით გაიზარდა.
და რა?
მეოთხე კვარტალში Tesla-ს შემოსავალი 37%-ით — $24.3 მილიარდამდე გაიზარდა. ელექტრომობილების ინდუსტრიის გიგანტის კორექტირებულმა წმინდა შემოსავალმა 43%-ით — $3.7 მილიარდამდე მოიმატა — ანუ EPS-მა (მოგება თითო აქციაზე) $1.19 შეადგინა. ეს მაჩვენებლები აღემატებოდა უოლ სტრიტის ანალიტიკოსების პროგნოზებს, რომლებიც Tesla-ს მიერ $24.2 მილიარდის ოდენობით შემოსავლისა და $1.13-ის ტოლი EPS-ის გამომუშავებას გულისხმობდა.
ანალიტიკოსებთან საუბრისას, მთავარმა ფინანსურმა დირექტორმა — ზაკ კირკჰორნმა ხაზი გაუსვა Tesla-ს შთამბეჭდავ საოპერაციო წარმადობას რთულ საბაზრო გარემოში. „სრული წლის განმავლობაში, შემოსავალი 50%-ზე მეტით გაიზარდა, საოპერაციო შემოსავალი გაორმაგდა, თავისუფალმა ფულადმა ნაკადებმა (FCF) 50%-ზე მეტით მოიმატა და ჩვენი მარჟებმა ინდუსტრიაში ლიდერობა შეინარჩუნა“, — განაცხადა ზაკმა.
ახლა რა?
Tesla-მ მეოთხე კვარტალში 439,701, ხოლო, მთლიანობაში, 2022 წელს 1.3 მილიონზე მეტი ელექტრომობილი გამოუშვა. მენეჯმენტი მოელის, რომ კომპანიის წარმოების მოცულობა 2023 წელს 1.8 მილიონ ელექტრომობილამდე გაიზრდება. გარდა ამისა, აღმასრულებელმა დირექტორმა — ილონ მასკმა თქვა, რომ Tesla-ს შესწევს უნარი აწარმოოს 2 მილიონი ავტომობილი, თუ მიმდინარე წელს მიწოდების ჯაჭვის მნიშვნელოვან შეფერხებებს არ ექნება ადგილი.
მასკმა ასევე აღნიშნა, რომ Tesla-ს მიერ ფასების ბოლოდროინდელმა შემცირებამ მოთხოვნის გაზრდას შეუწყო ხელი. „ჯერჯერობით იანვარში, ჩვენ ვიხილეთ კომპანიის ისტორიაში ყველაზე მეტი შეკვეთა, რაც წლის დასაწყისიდან კონკრეტულ თარიღამდე დაფიქსირებულა“ — განაცხადა Tesla-ს აღმასრულებელმა. „ამჟამად შეკვეთები ტემპი წარმოებისას თითქმის ორჯერ აჭარბებს.”
უფრო უკეთესი ის არის, რომ მასკის პროგნოზით, Tesla-ს ელექტრომობილების სწრაფად გაყიდვა გაგრძელდება, მაშინაც კი, თუ ავტომობილების მთლიან ბაზარს რეცესია მოიცავს.
