რა მოხდა?
გუშინ, უოლ სტრიტის ანალიტიკოსმა განაცხადა, რომ SoFi Technologies-ს შესწევს უნარი, 2023 წლის პროგნოზებს გადააჭარბოს. შედეგად კომპანიის აქციების ფასი 7%-ზე მეტით გაიზარდა.
და რა?
SoFi ონლაინ ბანკს და პერსონალურ ფინანსურ კომპანიას ოპერირებს. გასული წლის განმავლობაში კომპანიის აქციების ფასი თითქმის განახევრდა, რადგან ინვესტორები წუხდნენ საკითხზე, გააჩნია თუ არა SoFi-ს რეალური კონკურენტული უპირატესობა და რას მოუტანს მზარდი საპროცენტო განაკვეთები ფინანსურ კომპანიას.
როგორც ჩანს, Mizuho-ს ანალიტიკოსი — დენ დოლევი თვლის, რომ ეს შიშები გადაჭარბებულია. ოთხშაბათს დენმა SoFi-ს აქციებს ყიდვის რეიტინგი შეუნარჩუნა და სამიზნე ფასი $6-დან $9-მდე გაზარდა. ანალიტიკოსის თქმით, მზარდმა საპროცენტო განაკვეთებმა შეიძლება SoFi-ს სასარგებლოდ იმუშაოს და უზრუნველყოს ის კონკურენტული უპირატესობა, რომელსაც ინვესტორები ეძებენ.
დენ დოლევი მიიჩნევს, რომ SoFi-ს შეუძლია 2023 წლის შემოსავლის პროგნოზს — $2 მილიარდს გადააჭარბოს, რადგან კომპანიას მომხმარებელთა დაბალ დანახარჯიანი დეპოზიტების მნიშვნელოვანი რაოდენობა გააჩნია.
ახლა რა?
დოლევის კომენტარები დამაინტრიგებელია და შეიძლება სწორიც აღმოჩნდეს, მაგრამ ინვესტორებმა უნდა გაითვალისწინონ, რომ SoFi Technologies რჩება ინვესტიციად, რომელსაც მაღალი რისკი და მაღალი ჯილდო ახასიათებს.
