რა მოხდა?
Rivian Automotive-ის აქციებმა სავაჭრო კვირა 5.5%-იანი ნახტომით გახსნა. ზრდა მას შემდეგ დაფიქსირდა, რაც ელექტრო პიკაპებისა და ჯიპების მწარმოებელი კომპანიის მენეჯმენტმა მნიშვნელოვანი განცხადება გააკეთა.
და რა?
გუშინ Rivian-ის წარმომადგენლებმა განაცხადეს, რომ კომპანია Ford Motor Company-ისა და General Motors-ის კვალს მიჰყვება და Tesla-სთან აფორმებს ხელშეკრულებას, ამ უკანასკნელის ჩრდილოეთ ამერიკის სუპედამტენების ქსელზე წვდომის მოსაპოვებლად. Rivian თავადაც აშენებს ელექტრომობილების დასამუხტი ლოკაციების ქსელს, მაგრამ ეს გარიგება კომპანიის მომხმარებლებს მომავალი წლიდან დამატებით 12,000 ლოკაციაზე წვდომით უზრუნველყოფს.
თავდაპირველ ეტაპზე Rivian გამოუშვებს ადაპტერებს, რომელთა საშუალებითაც მისი მომხმარებლები Tesla-ს ჩრდილოეთ ამერიკის დამუხტვის სტანდარტის (NACS) ფორმატის გამოყენებას შეძლებენ, 2025 წლიდან კი კომპანია თავისი მოდელებისთვის NACS-ის დამტენ პორტებს სტანდარტად აქცევს. Rivian ამ პორტებს შემდეგი თაობის R2 პლატფორმის მანქანებისთვისაც გამოიყენებს.
ახლა რა?
შესაძლოა, ეს ნაბიჯი Rivian-ის მენეჯმენტმა გადადგა იქიდან გამომდინარე, რომ ხედავს, NACS-ის მიღება გარდაუვალი ხდება. თუმცა ეს გადაწყვეტილებას ასევე უდავოდ ხელს უწყობს გაყიდვების სტიმულირებას.
ბოლო დროს გამოჩნდა ნიშნები, რომ მოთხოვნა შემცირდა. კომპანია ახლა აქვეყნებს რეკლამას თავის ვებგვერდზე, რომ მყიდველებს შეუძლიათ Quad-Motor R1T პიკაპის მიწოდებით ყიდვიდან 14 დღეში ან უფრო ნაკლებ დროში ისარგებლონ. ეს ამ კონკრეტული მოდელის მარაგში ჭარბი რაოდენობით არსებობაზე მიუთითებს. გარდა ამისა, Barron’s-ის ცნობით, Rivian-მა გასულ კვირას, ილინოისის ქარხანაში, ერთდღიანი ფასდაკლება მოაწყო.
Tesla-სთან დადებული შეთანხმება, ერთი შეხედვით, Rivian ინვესტორებისა და მომხმარებლებისთვის კარგი ამბავია. თუმცა მნიშვნელოვანია ყურადღება გავამახვილოთ იმაზე, თუ როგორ გამოსწორდება მოთხოვნის პრობლემა.
