რა მოხდა?
Logitech International კლავიატურებსა და კომპიუტერის სხვა პერიფერიულ მოწყობილობებს აწარმოებს. გუშინ კომპანიის აქციების ფასი 11%-ზე მეტით შემცირდა მას შემდეგ, რაც აღმასრულებელი დირექტორის მოულოდნელი გადადგომის შესახებ გახდა ცნობილი.
და რა?
ოთხშაბათს, Logitech-ის მენეჯმენტმა განაცხადა, რომ აღმასრულებელი დირექტორი — ბრეკენ დარელი, სხვა შესაძლებლობების ძიების მიზნით, თანამდებობას ტოვებს. დარელის გადაწყვეტილება დაუყოვნებლის შევიდა ძალაში, თუმცა მენეჯმენტმა განაცხადა, რომ ის დარჩება რამდენიმე თვის განმავლობაში, რათა თანამდებობის შეუფერხებლად გადაცემის პროცესს ხელი შეუწყოს.
მუდმივი შემცვლელის მოძებნამდე აღმასრულებელი დირექტორის მოვალეობას დირექტორი — გაი გეხტი შეასრულებს.
„როგორც გამოცდილ აღმასრულებელ დირექტორს და Logitech-ის საბჭოს წევრს 2019 წლიდან, გაის კარგად ესმის Logitech-ის სპეციფიკა და მისი სტრატეგია“ — განაცხადა საბჭოს თავმჯდომარემ — ვენდი ბეკერმა. „მადლობას ვუხდით ბრეკენს Logitech-ის ლიდერობისთვის ტრანსფორმაციის საინტერესო ეპოქის პერიოდში“.
დარელი Logitech-ის აღმასრულებელი დირექტორი ათწლეულის განმავლობაში იყო და კომპანიის წარმატებაში მნიშვნელოვანი წვლილი შეიტანა. მან განაცხადა: „ვგრძნობ, რომ ეს კარგი დროა ლიდერობის სხვისთვის გადასაცემად“. დარელმა ასევე აღნიშნა, რომ Logitech-ის მომხმარებლად და აქციონერად დარჩება.
ახლა რა?
ამ სიახლის შემდეგ Citi-მ Logitech-ის აქციების ყიდვის რეკომენდაცია ნეიტრალური რეიტინგით შეცვალა. საინტერესოა, როგორ განვითარდება მოვლენები და რამდენად შეძლებს ახალი ხელმძღვანელობა გრძელვადიანი ზრდის მიზნებზე ორიენტირებას.
Logitech-ის აქციები გასული ათწლეულის განმავლობაში 700%-ზე მეტით გაიზარდა, თუნდაც ოთხშაბათის ვარდნის ჩათვლით. კომპანიის ბიზნესს ამ გარდამავალ პერიოდში სირთულეების გადალახვის ძალა უნდა გააჩნდეს, თუმცა ამ მომენტში, როგორც ჩანს, ინვესტორებს გაურკვევლობა აშინებს.
