რა მოხდა?
სამედიცინო მოწყობილობების კომპანიის — InMode-ის აქციების ფასი ოთხშაბათს მას შემდეგ დაეცა, რაც მენეჯმენტმა მეოთხე კვარტლის წინასწარი შედეგები გამოაცხადა. მათ ასევე წარმოადგინეს პროგნოზები 2023 წლისთვის. ეს მაჩვენებლები კარგად გამოიყურებოდა, მაგრამ, მიუხედავად ამისა, კომპანიის აქციების ფასი გუშინ თითქმის 10%-ით შემცირდა.
და რა?
2022 წლის 27 ოქტომბერს, InMode-ის მენეჯმენტმა განაცხადა, რომ მთელი წლისთვის $445-$450 მილიონის, ხოლო მეოთხე კვარტალში $124.3-$129.3 მილიონის ოდენობით შემოსავალს მოელოდა. გუშინ კი მენეჯმენტმა მეოთხე მეოთხედის შემოსავლის დიაპაზონი $133.2-$133.4 მილიონამდე გაზარდა.
იმის გათვალისწინებით, რომ კომპანიამ წინა პროგნოზები გაზარდა, გასაკვირია, რომ აქციების ფასი 10%-ით შემცირდა.
InMode-ის ბიზნეს მოდელი Intuitive Surgical-ის მსგავსია. Intuitive Surgical-ის აქციების ფასი გუშინ შემცირდა, რადგან მან ასევე წარადგინა წინასწარი ფინანსური შედეგები. მაგრამ Intuitive Surgical-ის შემთხვევაში ეს რიცხვები უოლ სტრიტის მოლოდინებს ჩამოუვარდებოდა.
შესაძლოა, InMode-ის აქციების ფასი Intuitive-თან ერთად ტანდემში შემცირდა. თუმცა, რა თქმა უნდა, InMode-ის აქციების ღირებულების შემცირება, მისი ძლიერი მაჩვენებლების გათვალისწინებით, თავსატეხს ქმნის.
ახლა რა?
ზოგიერთმა ინვესტორმა ეჭვქვეშ დააყენა InMode-ის პერსპექტივები 2023 წლისთვის, რადგან ბევრი ეკონომისტი მომავალ წელს რეცესიას მოელის. თუმცა, კომპანიის პოტენციალი საოცრად ძლიერია. მენეჯმენტის პროგნოზით, 2023 წლის მთლიანი შემოსავალი $525-$530 მილიონს, ხოლო 2022 წლის შემოსავალი — $454 მილიონს შეადგენს. აქედან გამომდინარე, 2023 წლის პროგნოზი დაახლოებით 16%-იან წლიურ ზრდას გულისხმობს. ეს არის InMode-ის ყველაზე ნელი ზრდის ტემპი ბოლო წლების განმავლობაში და შესაძლოა სწორედ ამან ახსნას გუშინდელი ვარდნა.
