რა მოხდა?
გუშინ ტექნოლოგიური გიგანტის — IBM-ის (International Business Machines) აქციების ფასი 3%-ზე მეტით გაიზარდა. მატება ძირითადად გამოწვეულია კომპანიის როლით ნახევარგამტარების წარმოების ახალ შეთანხმებაში, რომელიც გასულ კვირას კანადის პრემიერ მინისტრ ჯასტინ ტრუდოსა და შეერთებული შტატების პრეზიდენტ ჯო ბაიდენს შორის გაფორმდა.
და რა?
კანადის/აშშ-ის ნახევარგამტარული ინდუსტრიის წარმოების ახალი შეთანხმების შესახებ პარასკევს თეთრი სახლის მიერ გამოქვეყნებულ განცხადებაში ნათქვამია, რომ ორივე ქვეყანა განავითარებს შეფუთვის დერეფანს, ხოლო IBM ჩადებს მნიშვნელოვან ინვესტიციას და საქმიანობას კანადაში გააფართოებს.
არც თეთრ სახლს და არც კომპანიას არ გაუმხელია დეტალები, მაგალითად იმის შესახებ, თუ რა მოცულობის ინვესტიციას ჩადებს IBM ან რა სახის ფისკალურ სარგებელს მიიღებს ის გარიგებიდან. ეს შეთანხმება IBM-ს საშუალებას მისცემს, რომ საშინაო ტექნოლოგიური წარმოების პროცესში ჩაერთოს, რომლისგანაც აქამდე კომპანია დიდწილად გამოყოფილი იყო.
რაც შეეხება კანადას, პრემიერ მინისტრის ოფისის განცხადებაში ნათქვამია, რომ ქვეყანა $181.94 მილიონს დახარჯავს საშინაო ნახევარგამტარების ინდუსტრიაში კვლევის, განვითარებისა და წარმოების მიმართულებით.ახლა რა?
თუ IBM-ით აქამდეც არ იყავით დაინტერესებული, თავისთავად, მხოლოდ ნახევარგამტარების წარმოების დერეფნის შექმნა ამ კომპანიაში ინვესტირებისთვის საკმარისი მიზეზი არ არის. ამ საკითხთან დაკავშირებით დეტალები ჯერ კიდევ მწირია, მათ შორის უცნობია ვადები და გრძელვადიანი პოტენციალი. ჯერჯერობით, ეს მხოლოდ სიტყვებია.
ჩიპების წარმოების ახალი შეთანხმებით თუ მის გარეშე, IBM არის კომპანია, რომელმაც ბოლო რამდენიმე წელი საკუთარი თავის გარდაქმნაში და უფრო რელევანტურად ქცევაში გაატარა. IBM-ს ღრუბლოვანი გამოთვლის ჰიბრიდულ ლანდშაფტში განსაკუთრებით მნიშვნელოვანი ადგილი უჭირავს ახლა, როდესაც Red Hat მისი ოჯახის ნაწილია. ზემოაღნიშნული შეთანხმებიდან გამომდინარე ნებისმიერი დამატებითი პერსპექტივა ამ კომპანიის აქციების ფლობის მიზეზებს კიდევ უფრო ამყარებს.
