რა მოხდა?
გუშინ, აღმოსავლეთის დროით 10:22 საათისთვის, ორი უმსხვილესი ციფრული გადახდების კომპანიის – Visa-ს და Mastercard-ის აქციების ფასები შესაბამისად, თითქმის 8%-ით და 6%-ით გაიზარდა მას შემდეგ, რაც Visa-მ თავისი ფისკალური წლის მეორე კვარტლისთვის ძლიერი ფინანსური შედეგები დააფიქსირა. Mastercard, რომელიც კვარტალურ ანგარიშს დღეს წარადგენს, ასევე სარგებლობს ამ იმპულსით, იმის გათვალისწინებით, თუ რამდენად მსგავსია ეს ორი კომპანია.
და რა?
Visa-ს მოგებამ თითო აქციაზე (EPS) $1.70 შეადგინა, ხოლო შემოსავალი $7.2 მილიარდს გაუტოლდა. კორექტირებული არა-GAAP (მოგება, რომელიც არ არის მომზადებული GAAP-ის (ბუღალტრული აღრიცხვის საყოველთაოდ მიღებული პრინციპები) გამოყენებით) მოგება აქციაზე $1.79 იყო. როგორც არა-GAAP მოგებამ, ასევე შემოსავალმა ანალიტიკოსების პროგნოზებს გადააჭარბა.
მთლიანი გადახდების მოცულობა წინა წელთან შედარებით 17%-ით გაიზარდა, ხოლო საზღვარგარეთული გადახდების მოცულობა – 38%-ით.
Visa-ს აღმასრულებელმა დირექტორმა – ალფრედ კელი უმცროსმა, კვარტალური ანგარიშის წარდგენისას თქვა, რომ ომიკრონის ვარიანტის ზემოქმედება ხანმოკლე იყო და გლობალური ეკონომიკური აღდგენა, რომელიც გასული წლის შუა პერიოდში დაიწყო, გაგრძელდა. მან დასძინა: „მიუხედავად იმისა, რომ გეოპოლიტიკური გარემო კვლავ გაურკვეველია, ჩვენ ველით მუდმივ ზრდას, რომელიც გამოწვეულია როგორც მოგზაურობის ძლიერი აღდგენით, ასევე გლობალური გადახდების ტრადიციული და ახალი გზების გამოყენებით.“
კონფერენციაზე, Visa-ს ფინანსურმა დირექტორმა – ვასანტ პრაბჰუმ განაცხადა, რომ რუსეთში ბიზნესის შეჩერება, რის შესახებაც კომპანიამ გადაწყვეტილება რუსეთის მიერ უკრაინაზე თავდასხმის შედეგად მიიღო, წლის მეორე ნახევარში შემოსავალს დაახლოებით 4%-ით დააზარალებს.
თუმცა ბრაბჰუმ ასევე თქვა, რომ მომდევნო კვარტალში მოსალოდნელია შემოსავლების 10%-19% დიაპაზონის ზედა ზღვართან მიახლოებული ზრდა და რომ მეოთხე კვარტლის შედეგები დაახლოებით მესამე კვარტლის შესაბამისი იქნება, რაც, როგორც ჩანს, ანალიტიკოსების პროგნოზებს აჭარბებს.
ახლა რა?
Visa-მ მოლოდინებს გადააჭარბა და მიუხედავად გეოპოლიტიკურ დაძაბულობასთან ერთად ბევრი სხვა პრობლემური მოვლენისა, რომელიც ახლა ბაზარზე ზემოქმედებს, ძლიერი შედეგები დააფიქსირა. ინვესტორები, რა თქმა უნდა, კმაყოფილნი არიან.
ბიზნესის მსგავსებიდან გამომდინარე, სავარაუდოა, რომ Mastercard ასევე მყარ შედეგებს წარადგენს და მომავლის ნათელ პერსპექტივას დაგვპირდება.
