რა მოხდა?
„კორონავირუსის აქციები” Pfizer და Moderna კვლავ რჩება მრავალი ინვესტორის რადარში. რამდენიმე სასიხარულო ამბავმა გუშინ Pfizer-ის აქციების ფასი 3%-ით გაზარდა, მან S&P 500-ის 2.5%-იან ზრდასაც კი გადააჭარბა. Moderna-ს ზრდა უფრო მოკრძალებული იყო – 1.5%.
და რა?
პარასკევს, როგორც მოსალოდნელი იყო, სურსათისა და მედიკამენტების ადმინისტრაციამ (FDA) Pfizer’s Commirnaty-ისა და Moderna mRNA-1273-ის (ასევე ცნობილი, როგორც Spikevax) გადაუდებელი გამოყენების ავტორიზაციაში ცვლილება შეიტანა, რათა გათვალისწინებული იყვნენ მცირეწლოვანი ბავშვები. პირველს (შემუშავებული გერმანული ბიოტექნოლოგიების BioNTech-თან პარტნიორობით) მიენიჭა ავტორიზაცია 6 თვიდან 4 წლამდე ბავშვებისთვის, ხოლო მეორეს ასაკობრივი დიაპაზონი 6 თვიდან 5 წლამდეა.
FDA-ის ეს ნაბიჯი სიურპრიზი არ ყოფილა, განსაკუთრებით გასულ ოთხშაბათს მარეგულირებელი ვაქცინების საკონსულტაციო ჯგუფის წევრების ერთსულოვანი რეკომენდაციის შემდეგ.
შემდეგ, შაბათს, დაავადებათა კონტროლისა და პრევენციის ცენტრმა (CDC) ოფიციალურად რეკომენდაცია გაუწია ამ ასაკობრივი ჯგუფის ყველა ინდივიდისთვის ზემოთ ხსენებული ორი ვაქცინიდან ერთ-ერთის გამოყენებას. ეს მოიცავს ბავშვებს, რომელსაც უკვე ჰქონდათ და გამოჯანმრთელდნენ კოვიდ-19-სგან.
ახლა რა?
შეერთებულ შტატებში 20 მილიონი ბავშვია, ამიტომ Spikevax-ზე და Comirnaty-ზე მაღალი მოთხოვნა უნდა შენარჩუნდეს.
იმავდროულად, Pfizer-მა და მისმა კოლეგა Valneva-მ გააფორმეს ხელშეკრულება, რომლის თანახმადაც Pfizer €90.5 მილიონის ($95 მილიონი) მოცულობის ინვესტიციას განახორციელებს საფრანგეთში დაფუძნებულ ბიოტექნოლოგიურ კომპანიაში. ეს ნიშნავს 8%-ზე ოდნავ მეტ წილს Valneva-ში.
ორი კომპანიის წარმომადგენლებმა განაცხადეს, რომ ამ შემოსავლით Valneva ლაიმის დაავადების ვაქცინის კანდიდატს- VLA15-ს (რომელზეც ეს კომპანიები თანამშრომლობენ) განავითარებს.
