რა მოხდა?
S&P Global Market Intelligence-ის მიერ მოწოდებული მონაცემების მიხედვით, 2022 წლის პირველ ექვს თვეში Coca-Cola-ს აქციების ფასი 6.3%-ით გაიზარდა, რადგან სასმელების მწარმოებელმა ოსტატურად შეძლო ნავიგაცია ინფლაციის შედეგად განადგურებულ ბაზარზე. შედარებისთვის, S&P 500 დაახლოებით 21%-ით დაეცა და bear market-ის ტერიტორიაზე მოექცა.
სხვა სამომხმარებლო პროდუქტების მწარმოებელი კომპანიებისგან განსხვავებით, კოკა-კოლას ბრენდის ღირებულების ძალამ მისცა საშუალება, რომ ხარჯების ასანაზღაურებლად ფასები გაყიდვებზე დიდი დარტყმის გარეშე გაეზარდა.
და რა?
გარკვეულ ბაზრებზე, მაგალითად ლათინურ ამერიკაში, სადაც Coca-Cola გამაგრილებელი სასმელების დომინანტი პროვაიდერია, კომპანიის საფასო მოქმედებებს ყოველთვის არ მოჰყვება დაუყოვნებლივი კონკურენცია, ამიტომ მას შეუძლია ამ პროცესში ბაზრის გარკვეული წილი დათმოს. თუმცა, კონკურენტები შეძლებენ მიიღონ მოგება მხოლოდ იქამდე, სანამ ისინიც, მომატებული ხარჯების დასაფარად, იძულებულნი არ გახდებიან, რომ ფასები გაზარდონ.
მიუხედავად იმისა, რომ კოკა-კოლა ამ დროისთვის ფართო ბაზრის ინდექსს სჯობნის, ძალიან დიდი ხნის განმავლობაში გამაგრილებელი სასმელების მწარმოებელი კომპანიის აქციები წარმადობა ჩამორჩენილი იყო.
ახლა რა?
თუმცა, ერთ-ერთი მთავარი მიზეზი, რის გამოც ინვესტორები Coca-Cola-ს აქციების ყიდულობენ არის დივიდენდური ანაზღაურება, რომელიც ამჟამად ყოველწლიურად 2.8%-ს შეადგენს. გარდა ამისა, კომპანია 60 წელზე მეტი ხნის განმავლობაში ყოველწლიურად ზრდიდა დივიდენდურ ანაზღაურებას, რაც მას დივიდენდ მეფედ აქცევს.
რამდენიმე წლის წინ J.P. Morgan Asset Management-მა აღმოაჩინა, რომ საშუალო წლიური ანაზღაურება კომპანიებისა, რომლებიც დივიდენდურ ანაზღაურებას 40 წლის განმავლობაში ზრდიდა 1972-დან 2012 წლამდე, 9.5%-ს შეადგენდა, დივიდენდების არ გადამხდელი აქციების ანაზღაურება კი 1.6% იყო.
თუმცა, დივიდენდების გარდა კოკა-კოლას ინვესტორებს შეუძლიათ ისარგებლონ იმ შემობრუნებით, რომელსაც მისი ბიზნესი მოწმობს: გაყიდვები და მარჟები იზრდება, ასევე, კომპანია უფრო მეტ თავისუფალ ფულად ნაკადებს აწარმოებს. ეს არის ის ფაქტორები, რომლებმაც წლის პირველ ნახევარში კოკა-კოლას აქციების ფასის ზრდა გამოიწვია.
