რა მოხდა?
გუშინ, ანალიტიკოსის დადებითი შეფასებების შემდეგ, Advanced Micro Devices-ის აქციების ფასი 9%-ზე მეტით გაიზარდა. გასული წლის განმავლობაში კომპანიის აქციებმა ღირებულების თითქმის 55% დაკარგა.
და რა?
Barclays-ის ანალიტიკოსმა — ბლეინ კერტისმა AMD-ის აქციებს ყიდვის რეკომენდაცია მიანიჭა. იგი მიიჩნევს, რომ ჩიპების მწარმოებლის აქციების ფასი დაახლოებით 11%-ით — $85-მდე გაიზრდება.
ბლეინი მოელის, რომ AMD-ს კონკურენტისგან — Intel-ისგან საბაზრო წილის მოპოვება შეუძლია. AMD-ის მაღალი წარმადობისა და ენერგოეფექტური EPYC პროცესორები განსაკუთრებით კარგად შეეფერება მონაცემთა ცენტრების მასიურ ინდუსტრიას. Intel გლობალური სერვერების ბაზარზე ამჟამად ლიდერობს, მაგრამ ბოლო წლების განმავლობაში ის AMD-სთან მიმართებაში ბაზრის წილს კარგავს.
აღმასრულებელმა დირექტორმა — ლიზა სუმ თქვა, რომ AMD-ის ახალი ჩიპები დაეხმარება მომხმარებლებს, შეამცირონ ქლაუდ გამოთვლითი ოპერაციების ხარჯები. თავის მხრივ, ბლეინ კურტისი ფიქრობს, რომ AMD-ს შეუძლია კიდევ უფრო გაიზარდოს ისეთი კომპანიების ხარჯზე, როგორიც არის Meta Platforms, განსაკუთრებით იმის გამო, რომ სოციალური მედიის გიგანტი მეტავერსულ ინვესტიციებს ზრდის.
უფრო მეტიც, ანალიტიკოსი თვლის, რომ Intel-ს არ ექნება პროდუქტი, რომელიც ეფექტურად კონკურენციას გაუწევს AMD-ის ჩიპებს 2024 წლამდე — და, პოტენციურად, 2025 წლამდეც კი.
ახლა რა?
მესამე კვარტალში AMD-ის მონაცემთა ცენტრების სეგმენტში შემოსავალი წლიდან წლამდე 45%-ით — $1.6 მილიარდამდე გაიზარდა. მიუხედავად ამ შთამბეჭდავი მიღწევებისა, AMD-ის წილი სერვერის ჩიპების ბაზარზე კვლავ 25%-ზე ნაკლებია, ხოლო Intel-ის წილის დაახლოებით 70%-ს შეადგენს. ეს AMD-ს დიდ სივრცეს უტოვებს იმისთვის, რომ მომდევნო წლებში მონაცემთა ცენტრების მზარდი გააფართოოს.
