რა მოხდა?
გუშინ Amazon-ის აქციების ფასი 6.45%-ით გაიზარდა მას შემდეგ, რაც Bank of America-მ, კვარტალური ანგარიშის წარდგენისას, მოსალოდნელზე ძლიერი ფინანსური შედეგები დააფიქსირა და საფონდო ბირჟაზე მდგომარეობის გაუმჯობესება გამოიწვია.
და რა?
Bank of America-ს შემოსავალმა და მოგებამ უოლ სტრიტის მოლოდინებს გადააჭარბა: შემოსავალმა $24.5 მილიარდი შეადგინა (პროგნოზი – $23.5 მილიარდი), ხოლო მოგებამ – $7.1 მილიარდი (პროგნოზი – $6.4 მილიარდი). შემოსავლის დიდი ნაწილი განპირობებული იყო წმინდა საპროცენტო შემოსავლით, რომელიც 24%-ით – $13,8 მილიარდამდე გაიზარდა. თუმცა აღმასრულებელი დირექტორის – ბრაიან მოინიჰანის კომენტარები იყო ის, რამაც, შესაძლოა ბევრი ინვესტორი აიძულა, ეკონომიკის უფრო ნათელი პერსპექტივები დაენახათ: „ამერიკელი მომხმარებლები ინარჩუნებენ ხარჯვის ძლიერ, თუმცა ნელა მზარდ დონეს” – თქვა მოინიჰანმა.
სხვა მაკროეკონომიკურმა სიახლეებმაც, სავარაუდოდ, ხელი შეუწყო ამაზონის აქციების ფასის ზრდას. დიდი ბრიტანეთის მთავრობამ შეცვალა კურსი ზოგიერთი ახლახან გამოცხადებული გადასახადების შემცირების შესახებ. გადაწყვეტილებამ ხელი შეუწყო ინვესტორების შიშს, რომ საკამათო მასტიმულირებელი ზომები კიდევ უფრო გაზრდის ინფლაციას ევროპის ერთ-ერთ ყველაზე მნიშვნელოვან ბაზარზე.
ახლა რა?
თუ მოინიჰანი მართალია და აშშ-ში მომხმარებლები გააგრძელებენ ჯანსაღ დონეზე ხარჯვას, მიუხედავად მზარდი ინფლაციისა და პოტენციური რეცესიის შესახებ თითქმის მუდმივი გაფრთხილებისა, უდავოა, რომ Amazon მთავარი ბენეფიციარი იქნება. როგორც ქვეყნის ერთ-ერთი უმსხვილესი საცალო ვაჭრობის კომპანიის – Amazon-ის გაყიდვები და მოგება სამომხმარებლო ხარჯებთან მჭიდროდ არის დაკავშირებული.
Amazon და მისი ინვესტორები ასევე მიესალმებიან უფრო დიდ ეკონომიკურ სტაბილურობას ევროპაში. ბაზრის ბევრმა ანალიტიკოსმა გააფრთხილა ინვესტორები, რომ ევროპის ეკონომიკა შესაძლოა ღრმა და გახანგრძლივებულ რეცესიაში ჩავარდეს, ნაწილობრივ რუსეთ-უკრაინის ომისა და მზარდი ინფლაციის გამო. Amazon-ს დიდი ბრიტანეთისა და ევროპის სხვა ბაზრებზე წამყვანი ელექტრონული კომერციის ბიზნესი აქვს, ამიტომ თუ ეს ქვეყნები ამ საშინელ სცენარს თავიდან აიცილებენ, კომპანიისთვის ძალიან მომგებიანი იქნება.
უფრო მეტიც, თუ ეს მაკროეკონომიკური შფოთვა გადაჭარბებული აღმოჩნდა, Amazon-ის აქციების ფასმა, რომელიც წელს ჯერ კიდევ 30%-ზე მეტით არის შემცირებული, შესაძლოა, მომდევნო დღეებში და კვირებში ზრდა განაგრძოს.
