რა მოხდა?
გუშინ Alphabet-ის აქციების ფასი 7%-ზე მეტით შემცირდა მას შემდეგ, რაც AI ღონისძიებაზე, კომპანიის მიერ შექმნილმა OpenAI-ის ChatGPT-ის კონკურენტმა — Bard-მა დამსწრეებს არაზუსტი ინფორმაცია მიაწოდა.
და რა?
Alphabet-ის ღონისძიება გუშინ დილით ჩატარდა მხოლოდ ორი დღის შემდეგ, რაც კომპანიამ Bard AI-ს შესახებ განაცხადა. Microsoft-მა კი სამშაბათს გამოაქვეყნა თავისი Bing საძიებო სისტემის ChatGPT-ით აღჭურვილი ვერსია, რაც გვიჩვენებს, რომ საძიებო სისტემებს შორის „რბოლა“ ხურდება.
თუმცა, როგორც ჩანს, Alphabet ნაჩქარევად აცნობს საზოგადოებას Bards, რათა ChaGTP-ის საფრთხეს უპასუხოს. დემონსტრაციისას Bard-მა ჯეიმს უების კოსმოსური ტელესკოპის (JWST) შესახებ შეკითხვას არასწორი პასუხი გასცა.
Bard-ს მომხმარებელმა დაუსვა შეკითხვა ტელესკოპის შესახებ, ხოლო სისტემამ უპასუხა: „JWST-მა გადაიღო პლანეტის პირველი სურათები ჩვენი მზის სისტემის გარეთ“. სინამდვილეში, „ეგზოპლანეტის“ პირველი სურათი ჩილეში არსებულმა ტელესკოპმა გადაიღო 2004 წელს.
ეს ფაქტი საკმარისი აღმოჩნდა იმისთვის, რომ ბაზარზე კომპანიის აქციების მიმართ ნეგატიური განწყობა შექმნილიყო. გაჩნდა შიში, რომ, შესაძლოა, Alphabet ამჟამად Microsoft-თან კონკურენციაში მარცხდება.
როგორც ჩანს, ეს ასევე ადასტურებს Alphabet-ის წარმომადგენლების არგუმენტს კომპანიის AI ინსტრუმენტების გამოშვების წინააღმდეგ, მათი თქმით ტექნოლოგია ძალიან ხშირად არაზუსტი იყო.
ახლა რა?
რა თქმა უნდა, ამაზე საუბარი ჯერ ადრეა, მაგრამ Google Search, პროდუქტი, რომელზეც Alphabet-ის შემოსავლებისა და მოგების უმეტესი ნაწილი მოდის, რისკის ქვეშ არის, ვიდრე ოდესმე და საძიებო ბაზრის ზოგიერთი ნაწილი, სავარაუდოდ, გადავა გენერაციულ AI ინსტრუმენტებზე, როგორიცაა ChatGPT, რომელსაც პირდაპირი პასუხების გაცემა შეუძლია.
