გუშინ აშშ-ის ელექტრომობილების ინდუსტრიის ლიდერის — Tesla-ს აქციების ფასმა 2%-ით დაიკლო მას შემდეგ, რაც კომპანიამ თავისი Model Y ავტომობილების ფასი ევროპის რამდენიმე ქვეყანაში შეამცირა. იგივე მოხდა ჩინეთში ერთი კვირის წინ.
გასული წლის განმავლობაში ელექტრომობილების მწარმოებლის აქციების ფასი 102%-ით გაუმჯობესდა.
ცნობილი გახდა, რომ Tesla-მ Model Y ავტომობილების ფასი გერმანიაში, საფრანგეთში, ნორვეგიასა და ნიდერლანდებში შეამცირა.
უკანა წამყვანი თვლების Model Y ვარიანტი გერმანიაში ახლა 42,990 ევროდ ($46,714) არის ხელმისაწვდომი, რაც ძველ ფასს დაახლოებით 4.2%-ით ჩამოუვარდება. Model Y Long Range-ის ღირებულება კი 8.1%-ით შემცირდა 49,990 ევრომდე (54,321 $).
Tesla-მ Model Y-ისთვის ფასი საფრანგეთში 6.7%-ით შეამცირა, ნიდერლანდებში — 7.7%-ით, ხოლო ნორვეგიაში — 7.1%-ით.
ევროპაში ფასების შემცირება მოჰყვა ელექტრომობილების მწარმოებლის მიერ წარმოების უმეტესი ნაწილის გაჩერებას ბერლინის ქარხანაში 29 იანვრიდან 11 თებერვლის ჩათვლით, რადგან წითელ ზღვაში ჰუსიტების დაჯგუფების მიერ გემებზე თავდასხმები ნაწილების დეფიციტს იწვევს.
Tesla-მ გასულ წელს რამდენჯერმე შეამცირა ფასები, როგორც ჩინეთში, ასევე შეერთებულ შტატებში. ეს ნაბიჯები გადადგმულ იქნა შენელებულ მოთხოვნასთან და მზარდ კონკურენციასთან გამკლავების მიზნით. უორენ ბაფეტის მიერ მხარდაჭერილი ჩინური ფირმა BYD, 2023 წლის ბოლო კვარტალში გლობალური გაყიდვებით უსწრებს Tesla-ს.
გასულ წელს Tesla-ს გუნდის მიერ მიღებულმა გადაწყვეტილებამ ინდუსტრიაში ფასების ომი გამოიწვია და Tesla-ს მარჟებზე იმოქმედა, რის გამოც ბევრმა ეჭვქვეშ დააყენა აღმასრულებელი დირექტორის — ილონ მასკის გადაწყვეტილება. თუმცა მასკი მზად იყო, მოკლევადიან პერსპექტივაში უარი ეთქვა მარჟების ზრდაზე მიწოდების უფრო მაღალი მოცულობის მისაღწევად და დაჟინებით ამტკიცებდა, რომ Tesla მზად იყო გრძელვადიან პერსპექტივაში მიწოდების გასაზრდელად. ეს იყო გათვლილი ნაბიჯი, რადგან Tesla-მ წელი დაასრულა მიწოდების მკვეთრი ზრდით, მიუხედავად ყველა შეფერხებისა. Cybertruck-ის დიდი ხნის ნანატრმა გამოშვებამ კი ხელი შეუწყო ინვესტორების განწყობის ამაღლებას.
Tesla-ს აქციების ამჟამინდელი ფასი დაახლოებით $214.00-ს შეადგენს. ამ ეტაპზე კომპანიას უოლ სტრიტის 30 ანალიტიკოსი აფასებს. საშუალო სამიზნე ფასი $247.60-ს შეადგენს, მაქსიმალური პროგნოზი — $380.00-ს, ხოლო მინიმალური — $85.00-ს. საშუალო სამიზნე ფასი Tesla-ს აქციების ამჟამინდელი ფასიდან დაახლოებით 15%-იან ზრდას გულისხმობს. კომპანიის აქციებს ამ 30 ანალიტიკოსიდან 12-მა მიანიჭა ყიდვის რეკომენდაცია, 13-მა — ნეიტრალური რეიტინგი, ხოლო 5-მა — გაყიდვის რეკომენდაცია.
Tesla-ს აქციების შეძენა საქართველოს ბანკის მობილბანკში შეგიძლიათ ბმულზე.
