პერსონალური ფინანსების მუდმივად განვითარებად ლანდშაფტში, ფინანსური კეთილდღეობისკენ სწრაფვა გახდა უმთავრესი მიზანი იმ ადამიანებისთვის, რომლებიც სტაბილურობასა და ზრდაზე არიან ფოკუსირებულნი. მიუხედავად იმისა, ახერხებთ თუ არა ბიუჯეტის, ინვესტიციების ან ვალის მართვის სირთულეებში ნავიგაციას, უნდა გახსოვდეთ, რომ დღეს მიღებული გადაწყვეტილებები საბოლოოდ თქვენს ფინანსურ მომავალს აყალიბებს. ამ უპრეცედენტო შესაძლებლობებისა და გამოწვევების ეპოქაში, გადამწყვეტი მნიშვნელობა აქვს იმ ცოდნითა და სტრატეგიებით აღჭურვას, რომლებიც საშუალებას მოგცემთ საკუთარი ფინანსური ცხოვრება გააკონტროლოთ. ჩვენი დღევანდელი სტატია სწორედ ამ საკითხს შეეხება — შემოგთავაზებთ წესებს, რომლებიც ფინანსური მომავლის გაუმჯობესებაში დაგეხმარებათ.
მიიღეთ მხოლოდ ისეთი საინვესტიციო გადაწყვეტილებები, რომელთა პატარა ბავშვისთვის განმარტვასაც შეძლებთ
(არა, „რადგან ილონ მასკი გასაოცარია!“ არ ითვლება.)
როგორც ლეგენდარული ინვესტორი — უორენ ბაფეტი ამბობს, ბიზნეს სკოლები უპირატესობას რთულ, კომპლექსურ ქცევას ანიჭებენ, თუმცა მარტივი ქცევა უფრო ეფექტიანია.
ეს მართალია მაშინაც, როდესაც საქმე ინვესტიციების ანალიზს ეხება. უნიკალური სავაჭრო შეთავაზების მსგავსად (USP) მსგავსად, თუ საკუთარ საინვესტიციო გადაწყვეტილებას ერთი ან ორი წინადადებით გასაგებად ვერ ხსნით, გამოდის, რომ მასში თავადაც ვერ გაერკვიეთ. ამის მნიშვნელობას ხაზს უსვამს კიდევ ერთი ამერიკელი ინვესტორი, პიტერ ლინჩი — იგი ამბობს: „იცოდეთ, რას ფლობთ და რატომ ფლობთ“.
„საუკეთესო ინვესტიცია საკუთარ თავში ჩადებული ინვესტიციაა“ — უორენ ბაფეტი
საკუთარ თავში ინვესტირება ნიშნავს, რომ არასოდეს შეწყვიტოთ ცოდნის შეძენა — ისეთი ცოდნის, რომელიც გაუმჯობესებთ მთლიანობაში როგორც ადამიანს და არა მხოლოდ — ინვესტორს.
ყოველდღიურად საკუთარ თავში ინვესტირებისთვის დროის გამოყოფა — უნარების გაუმჯობესება, კავშირების დამყარება, ჯანმრთელობაზე ზრუნვა და ა. შ. — საოცარ გრძელვადიან შედეგებს მოგცემთ. ეს იქნება საუკეთესო ინვესტიცია, რომლის განხორციელებასაც ოდესმე შეძლებთ.
თუ ფულს ნივთებზე დახარჯავთ, საბოლოოდ ისინი შეგრჩებათ და არა — ფული
ხშირად, როდესაც რაიმე ნივთს ყიდულობთ, დაუყოვნებლივ გაუფასურებას იწყებს არა მხოლოდ მისი ღირებულება, არამედ შესყიდვით გამოწვეული ემოცია. სწორედ ამიტომ, სანამ რაიმე ნივთს შეიძენთ, განსაკუთრებით არაარსებითს, საკუთარ თავს დასაფიქრებლად გარკვეული დრო მიეცით. ეს დაგეხმარებათ, იმპულსური შესყიდვები თავიდან აიცილოთ.
როდესაც სხვისთვის მუშაობთ, თქვენი შემოსავალი ყოველთვის შეზღუდულია
სხვისთვის მუშაობამ შეიძლება დიდი გამოცდილება და შემოსავალიც კი მოგცეთ, მაგრამ ეს პოტენციალი მაინც შეზღუდული იქნება. შეგიძლიათ სამსახურში გამომუშავებული ფული დაზოგოთ და საკუთარი საქმე წამოიწყოთ, ასევე მიმართოთ სიმდიდრის დასაგროვებლად ერთ-ერთი საუკეთესო საშუალებას — საფონდო ბირჟაზე ინვესტირებას. სწორი ცოდნითა და გააზრებული მიდგომით, ნებისმიერ ადამიანს შეუძლია წარმატებული საინვესტიციო მოგზაურობის დაწყება.
ვალის აღებას წუთები ჭირდება, მის დაბრუნებას კი — ხშირად ძალიან დიდი დრო
ფულის სესხება არის ინვესტიცია, რომელმაც ყოველთვის „ანაზღაურება“ უნდა მოგიტანოთ. ეს ანაზღაურება კი არა ნივთი, არამედ მისგან მიღებული სარგებელი იქნება. სწორედ ამიტომ, სანამ მომდევნო სესხს აიღებთ, ამაზე კარგად დაფიქრება ღირს. ყურადღება გაამახვილეთ იმაზე, თუ რამდენი დრო დაგჭირდებათ ვალის დასაფარად და რა გავლენას იქონიებს ეს ტვირთი თქვენს ყოველდღიურ ცხოვრებაზე მთელი ამ დროის განმავლობაში.
ეს თქვენი ცხოვრება დაა თქვენებურად იცხოვრეთ
ზოგჯერ ღირს იმის გათვალისწინება, თუ რას ფიქრობენ სხვები, მაგრამ არა მაშინ, თუ ეს სხვა ადამიანების სურვილების მიხედვით ცხოვრებას გულისხმობს.
ნუ იყიდით კონკრეტულ ავტომობილს ან სახლს სხვებზე შთაბეჭდილების მოხდენის მიზნით, დაფიქრდით, რა გსურთ რეალურად და არჩევანი სწორედ ამაზე დაყრდნობით გააკეთეთ.
ფულის დახარჯვისას მიიღეთ გადაწყვეტილება, რომელიც თქვენთვის შესაფერისია. ასევე მოიქეცით ინვესტირების დროს. შეარჩიეთ ისეთი პროფესია, რომელშიც საკუთარ თავს ხედავთ.
შედეგად, გარდა იმისა, რომ მიიღებთ უკეთეს გადაწყვეტილებებს პერსონალურ ფინანსებთან დაკავშირებით, ასევე იქნებით ბევრად ბედნიერი, რადგან საკუთარი სურვილისამებრ იმოქმედებთ.
სწორედ ამისთვის არ არის ფულიც?
