Ზოგიერთ ინვესტორს შორის ახლა შფოთვაა იმის გამო, რომ ტექნოლოგიური ბაზრების აქციებმა ბოლო დროს მკვეთრი ვარდნა განიცადა. ზოგიერთ თავდაცვით სექტორში კი აქციების ფასი საკმაოდ გაიზარდა. ყოველივე ეს იწვევს ეჭვს, რომ საფონდო ბირჟამ შეიძლება კრახი განიცადოს. ეს კრახი, რა თქმა უნდა, ცუდი იქნება, მაგრამ როგორ შეიძლება ამის საკუთარი ინტერესებისთვის გამოყენება?
რას ნიშნავს საფონდო ბირჟის კრახი დივიდენდებისთვის
აქციების ფასები საფონდო კრახის დროს ეცემა, მაგრამ თუ კომპანია არ შეამცირებს დივიდენდებს, აქციების ფასის დაცემა შეიძლება გაზრდილ დივიდენდებს ნიშნავდეს მათთვის, ვინც მათ დაბალ ფასად ყიდულობს.
წარმოიდგინეთ კომპანია, რომელიც იხდის თითო აქციაზე 5 პენსის დივიდენს. თუ მისი აქციები £1-ად იყიდება, ეს ნიშნავს, რომ მისი დივიდენდის სარგებელი 5%-ია. თუ ჩავდებთ 1000 ფუნტს, 50 ფუნტის დივიდენდების მიღების საშუალება გაჩნდება. მაგრამ თუ აქციის ფასი 80 პენსამდე დაეცემა, 5 პენსის დივიდენდი თითო აქციაზე 6.25%-ს გამოიმუშავებს. ასე რომ, თუ აქციებში 1000 ფუნტს ჩადებთ, მომავალ წელს 62, 50 ფუნტის დივიდენდს მიიღებთ. ასე თქვენ გაზრდით პასიური შემოსავლების პერსპექტივებს.
მეორე მხრივ, ყველაფერი ასე მარტივად შეიძლება არ იყოს, რადგან დივიდენდები არასდროს არის გარანტირებული. საფონდო ბირჟის კრახი ზოგჯერ ეკონომიკური პერსპექტივის შემცირებითაა გამოწვეული, ასე რომ, სრულებით შესაძლებელია, როცა კომპანიის აქციების ფასი ეცემა, მისი მოგებაც დაეცეს, რამაც იძულებული გახადოს, შეამციროს დივიდენდები.
მოსაძიებელია აქციები, რომლებსაც მყარი საშემოსავლო ნაკადები აქვს. ამის გაკეთება შეიძლება რთული იყოს. საფონდო ბირჟის კრახი, რომელიც ეკონომიკური პერსპექტივის გაუარესებითაა გამოწვეული, ზოგჯერ მოთხოვნას ასუსტებს, რამაც შეიძლება ზიანი მიაყენოს კომპანიების შემოსავალს. ამიტომ, ბიზნესის არჩევისას, საჭიროა, გავიგოთ კრახის მიზეზი.
სავარაუდო კომპანიები, რომლებიც პასიურ შემოსავლად შეიძლება განვიხილოთ
თამბაქოს კომპანიები, როგორიცაა Imperial Brands, როგორც წესი, ვერ ხედავენ მათ პროდუქტზე მოთხოვნის ვარდნას, როცა ეკონომიკას უჭირს. მათთვის რისკს უფრო სიგარეტის მომხმარებელთა რაოდენობის შემცირება წარმოადგენს, ჯანმრთელობის გაუარესების გამო. ამან შეიძლება ზიანი მიაყენოს მათ მოგებას. თუკი საფონდო კრახი მის აქციებზე ფასს დასწევს, ეს საინვესტიციო პორტფელისთვის შეიძლება მიმზიდველიც კი აღმოჩნდეს.
წყარო: finance.yahoo
