Microsoft და Amazon არიან იმ კომპანიებს შორის, რომლებიც მილიარდობით დოლარის ღირებულების ინვესტიციებს ახორციელებენ საფრანგეთში — ეს არის ნაწილი ქვეყნის პრეზიდენტის, ემანუელ მაკრონის ინიციატივისა, მიიზიდოს საერთაშორისო ინვესტორები.
გუშინ Microsoft-ის წარმომადგენლებმა განაცხადეს, რომ ტექნოლოგიური გიგანტი 4 მილიარდი ევროს ($4.32 მილიარდი) ოდენობით ინვესტიციას ჩადებს საფრანგეთში ხელოვნური ინტელექტის (AI) მონაცემთა ცენტრისა და ქლაუდ ინფრასტრუქტურის ასაშენებლად.
„ჩვენ ვაშენებთ უახლეს ქლაუდ და ხელოვნური ინტელექტის ინფრასტრუქტურას, ვეხმარებით ადამიანებს AI უნარების დაუფლებაში და მხარს ვუჭერთ ფრანგულ სტარტაპებს“ — განაცხადა Microsoft-ის ვიცე-თავმჯდომარემ და პრეზიდენტმა, ბრედ სმიტმა.
$3.3 მილიარდიანი ინვესტიცია ვისკონსინში
საფრანგეთის ხელოვნური ინტელექტის სექტორებში ინვესტირება დაანონსდა ყოველწლიურ სამიტზე — „Choose France”, რომელიც გუშინ დაიწყო. Microsoft გლობალური მასშტაბით დგამს ქმედით ნაბიჯებს ხელოვნური ინტელექტის ინფრასტრუქტურის ასაშენებლად და გასულ კვირას კომპანიამ დააანონსა $3.3 მილიარდის დაბანდება ვისკონსინში, AI მონაცემთა ცენტრის მშენებლობისთვის.
გარდა ამისა, Amazon-ის წარმომადგენლებმა განაცხადეს, რომ ტექნოლოგიური კომპანია 1.2 მილიარდ ევროზე ($1.3 მილიარდი) მეტს დააბანდებს საფრანგეთის ოპერაციებში, რათა გაზარდოს თავისი AI გავლენა და, მიწოდების დაჩქარების მიზნით, მხარი დაუჭიროს ლოჯისტიკური ქსელის გაფართოებას.
Amazon საფრანგეთში სამუშაო ადგილებს შექმნის
Amazon-ის ინვესტიცია გაზრდის Amazon Web Services (AWS) ქლაუდ და ლოჯისტიკურ ინფრასტრუქტურებს, შესაბამისად, პარიზისა და Auvergne-Rhône-Alpes რეგიონებში. ტექნოლოგიური გიგანტის წარმომადგენლები აცხადებენ, რომ გეგმა ითვალისწინებს 3,000 მუდმივი ახალ სამუშაო ადგილის შექმნას საფრანგეთში, სადაც Amazon-მა ახლახან დააანონსა 2,000 დამატებითი მუდმივი თანამდებობა.
როგორ აფასებენ ანალიტიკოსები Microsoft-ისა და Amazon-ის აქციებს?
Microsoft-ის აქციების ამჟამინდელი ფასი დაახლოებით $414.00-ს შეადგენს. კომპანიას ამ ეტაპზე 33 ანალიტიკოსი აფასებს. საშუალო სამიზნე ფასი $489.56-ს შეადგენს, მაქსიმალური პროგნოზი — $600.00-ს, ხოლო მინიმალური — $450.00-ს. საშუალო სამიზნე ფასი Microsoft-ის აქციების ამჟამინდელი ფასიდან დაახლოებით 18.3%-იან ზრდას გულისხმობს. კომპანიის აქციებს 33 ანალიტიკოსიდან 31-მა მიანიჭა ყიდვის რეკომენდაცია, 1-მა — ნეიტრალური რეიტინგი, ხოლო 1-მა — გაყიდვის რეკომენდაცია.
Amazon-ის აქციების ამჟამინდელი ფასი კი $187.00-ს შეადგენს. კომპანიას ამ ეტაპზე 41 ანალიტიკოსი აფასებს და აქციებს ყველა მათგანი ყიდვის რეკომენდაციას ანიჭებს. საშუალო სამიზნე ფასი $220.00-ს შეადგენს, მაქსიმალური პროგნოზი — $245.00-ს, ხოლო მინიმალური — $200.00-ს. საშუალო სამიზნე ფასი Amazon-ის აქციების ამჟამინდელი ფასიდან დაახლოებით 18%-იან ზრდას გულისხმობს.
ამ კომპანიების აქციების შეძენა საქართველოს ბანკის მობილბანკში შეგიძლიათ ბმულზე.
