მეტაპლატფორმსის ერთდღიანი კრახი საფონდო ბაზრისთვის ყველაზე უარესი ამბავია
შემოსავლების ცუდი შედეგების გამო, ფეისბუქის მშობელი კომპანიის აქციები 26%-ით დაეცა და დაახლოებით 251,3 მილიარდი დოლარის საბაზრო ღირებულება დაკარგა. მიუხედავად იმისა, რომ აქციები შეიძლება მალევე დაუბრუნდეს თავის ნიშნულს, იმის გათვალისწინებით, რომ ტექნოლოგიის სექტორი წელს ცვალებადობითაა მოცული, უოლ სტრიტზე განწყობა აშკარად შეიცვალა და ბუნდოვანებამ დაისადგურა.
მაიკლ ნათანსონმა, საბროკერო Moffett Nathanson-ის ანალიტიკოსმა, ჩანაწერი გამოაქვეყნა სათაურით – „ფეისბუქი: დასასრულის დასაწყისი?“
Facebook-ის მიერ ასეთი მასშტაბების კრახი გვიჩვენებს, რომ ტექნოლოგიური კომპანიები უკვე ძალიან გაიზარდნენ და გიგანტებად გადაიქცნენ, რომლებსაც ბაზარზე უპრეცენდენტო ძალაუფლება აქვთ. აშშ–ს ბევრი მეგაკაპიტალური კომპანია ფასდება, როგორც მზარდი აქცია, თუმცა ისინი შეიძლება დაზარალდნენ იმ შემთხვევაში, როცა მდიდარი შემოსავლიანობა იქნება”, – თქვა ფრედერიკ როლინმა, Pictet Asset Management-ის უფროსმა საინვესტიციო მრჩეველმა.
ასეთ დროს Meta იდეალური ქარიშხლის შუაგულში აღმოჩნდება, – წერს იუსეფ სკუალი, Truist Securities-ის ანალიტიკოსი. Meta-ს საბაზრო კაპიტალი, ოთხშაბათის დახურვის მდგომარეობით, შეადგენდა დაახლოებით 900 მილიარდ დოლარს. კომპანია წარმოადგენს ტექნიკური მეგაკაპების ერთ–ერთ ორიგინალურ Faang კოჰორტას, მათ შორის Google-ის მშობელს Alphabet Inc., Amazon.com Inc. და Apple Inc.
ეს არ არის პირველი შემთხვევა, როდესაც Meta-ს აქციები მკვეთრად დაეცა. აქციები 19%-ით შემცირდა 2018 წლის ივლისში, მომხმარებელთა ზრდის შენელების გამო, რაც ნიშნავს საბაზრო კაპიტალიზაციის დაახლოებით 120 მილიარდი დოლარის შემცირებას. იმ დროს მან დაამყარა რეკორდი ერთ დღეში ყველაზე დიდი ღირებულების დაკარგვით აშშ–ში სავაჭრო კომპანიისთვის.
”ჩვენ ვიმედოვნებთ, რომ კომპანიის შიდა სამზარეულომ შეცვალა პერსპექტივა,” – თქვა შამ პატილმა, Susquehanna Financial Group-ის ანალიტიკოსმა.
წყარო: bloomberg.
