მეტავერსში ინვესტირების კარგი მიზეზი არსებობს. მესამე მხარის კვლევითი ჯგუფები, როგორიცაა Prophecy Market Insights, Grandview Research, Bloomberg Intelligence და სხვები, ვარაუდობენ, რომ 2030 წლისთვის მეტავერსი $800 მილიარდს ან მეტს შეადგენს, რაც მას ამ ათწლეულის ზრდის ერთ-ერთ დიდ ტენდენციად აქცევს.
მეტავერსის ტენდენცია ჯერ კიდევ ძალიან ახალგაზრდაა. გაითვალისწინეთ, რომ Facebook-მა მხოლოდ 2021 წლის ოქტომბერში დაირქვა Meta Platforms, რამაც მეტავერსული აქციების მიმართ ფართო საზოგადოების ინტერესი გამოიწვია. დღევანდელ ინვესტორებს შეუძლიათ პოტენციურად მომგებიანი ტენდენცია ძალიან ადრეულ ეტაპზე აითვისონ.
მოდით განვიხილოთ, თუ როგორ უნდა ჩადოთ ინვესტიცია მეტავერსში.
შეგიძლიათ მეტავერსში ინვესტირება?
დიახ, მეტავერსში ინვესტირება შეგიძლიათ. თუმცა, მეტავერსი ცალკეული ციფრული სამყარო არ არის, შესასწავლია ბევრი სხავდასხვა სახის მეტავერსი. ისინი ერთნაირი არ არის, ამიტომ ინვესტირების დაწყებამდე საჭიროა საფუძვლიანი კვლევის ჩატარება.
შესაძლოა, ინვესტორების საუკეთესო ინტერესებში იყოს ფოკუსირება რეალურ სამყაროში არსებულ კომპანიებზე, რომლებიც შემოსავლებს მეტავერსიის ტენდენციის საშუალებით გამოიმუშავებს.
კომპანიები, რომლებიც მეტავერსში ინვესტიციებს დებს
ასობით საჯარო კომპანიას სურს დაგარწმუნოთ, რომ მათი აქციები მეტავერსულია. Meta-ს რებრენდინგის განცხადების შემდეგ საჯარო კომპანიების რაოდენობა, რომლებიც კვარტალურ საკონფერენციო ზარებში მეტავერსს ახსენებს, გაორმაგდა. თუმცა, ცოტა კომპანია აბანდებს მეტავერსში იმდენ ფულს, რამდენსაც Meta Platforms, Snap და Nvidia.
თავისი Oculus ჩაფხუტით, Meta Platforms-მა მეტავერსის მიმართულებით უკვე მნიშვნელოვანი ნაბიჯი გადადგა. ციფრული სამყარო, რომელიც რეალურ დროში ურთიერთქმედების, ეკონომიკური აქტივობის და უფრო ფართო გამოცდილებების შესაძლებლობას იძლევა, უამრავ ინფრასტრუქტურასა და განვითარებას მოითხოვს. Meta ყოველ კვარტალში მილიარდობით დოლარს ხარჯავს Reality Labs-ის ბიზნეს სეგმენტზე. კომპანიის წარმომადგენლებს მიაჩნიათ, რომ მეტავერსი ძალიან გაიზრდება და ლოჯისტიკური გამოწვევების გადასაჭრელად ემზადებიან.
Snap არ არის უზარმაზარი მოთამაშე მეტავერსის სივრცეში, მაგრამ Snapchat-ის აპლიკაციის დედა კომპანიას სხვა მიმართულება აქვს. ის ყოველ კვარტალში ხარჯავს ასობით მილიონ დოლარს კვლევასა და განვითარებაზე, ჯერჯერობით ეს მისი ყველაზე დიდი საოპერაციო ხარჯია. ამ ხარჯების დიდი ნაწილი მისი ვირტუალური რეალობის (VR) და გაფართოებული რეალობის (AR) პროგრამული შესაძლებლობების განვითარებაზე მოდის. მეტავერსში მთავარია VR და AR კონტენტი. იმ თანხის გათვალისწინებით კი, რომელსაც Snap კონტენტის საშუალებით გამოიმუშავებს, დიდი შანსია, რომ მისი ტექნოლოგია მეტავერსში ბევრმა მომხმარებელმა გამოიყენოს.
Nvidia არის მეტავერსის კიდევ ერთი პოტენციური არქიტექტორი, რომლის უგულებელყოფა შეუძლებელია. მწარმოებლები სულ უფრო ხშირად მიმართავენ მეტავერსულ კომპანიებს, რათა თავიანთი ქარხნებისთვის ციფრული „ტყუპები“ შექმნან, რაც მათ პრობლემების მოგვარების და პროცესების გაუმჯობესების საშუალებას აძლევს. კარგი ხელოვნური ინტელექტის (AI) პროგრამული უზრუნველყოფა ხელს უწყობს სიმულაციების დაჩქარებას და Nvidia AI-ს მიმართულებით მოწინავეა. Nvidia-ს ხელოვნურ ინტელექტს უკვე 25000-ზე მეტი კომპანია იყენებს. ეს არის მთავარი მიზეზი, რის გამოც კომპანიები სულ უფრო ხშირად მიმართავს Nvidia-ს მეტავერსულ გადაწყვეტას, სახელწოდებით Omniverse.
ისეთ აქციებს, როგორიცაა Meta Platforms, Snap და Nvidia პოტენციური უარყოფითი მხარეც გააჩნია. როგორც აღინიშნა, ეს კომპანიები მეტავერსის მიმართულებით მნიშვნელოვან რესურსებს ხარჯავს. თუმცა, შესაძლებელია, რომ მეტავერსი არ აღმოჩნდეს ისეთი, როგორც ყველა იმედოვნებს. თუ ეს მიმართულება საბოლოოდ მომგებიანი არ აღმოჩნდება, მაშინ, უმჯობესი იქნებოდა ამ კომპანიებს გაწეული ხარჯები აქციონერებისთვის კაპიტალის დასაბრუნებლად გამოეყენებინათ.
ამ კომპანიების აქციების შეძენამდე მნიშვნელოვანია საფონდო ბირჟაზე ინვესტირების საფუძვლები გვესმოდეს.
მეტავერსის ფონდები
Roundhill Investments გთავაზობთ გაცვლით სავაჭრო ფონდს (ETF), რომელსაც ეწოდება Metaverse ETF. ეს ETF მოიცავს Meta Platforms-ს, Snap-სა და Nvidia-ს, ისევე როგორც ათობით სხვა კომპანიას, რომელიც მეტავერსზეა ორიენტირებული. ამ ფონდში ინვესტირება, შესაძლოა, მეტავერსის პოტენციურად მზარდი ტენდენციით სარგებლობისთვის შესანიშნავი გზა იყოს, რომელიც დივერსიფიკაციის საშუალებასაც გაძლევთ. თუმცა, ETF-ებში ინვესტირება აქციებში ინვესტირებისგან განსხვავდება, რადგან ETF მენეჯერებს შეუძლიათ აქტიურად იყიდონ/გაყიდონ პოზიციები და ინვესტორს მენეჯმენტის საკომისიო დააკისრონ.
შეჯამება
მეტავერსული ტენდენცია არის საინტერესო შესაძლებლობა, რომელშიც ინვესტირება რამდენიმე სხვადასხვა მიმართულებით არის შესაძლებელი. თუმცა მნიშვნელოვანია, რომ მის გარშემო არსებულ ემოციურ აჟიოტაჟში არ ჩაერთოთ. თითოეული მეტავერსული ინვესტიცია ფრთხილად განხილვას საჭიროებს და ეს სეგმენტი თქვენი მთლიანი საინვესტიციო პორტფელის მხოლოდ ნაწილს უნდა წარმოადგენდეს.
