ამერიკელთა თაობებს შორის აზრთა სხვადასხვაობა იწყება, როდესაც საქმე საპენსიო ასაკისთვის დაზოგვას ეხება.
Center for Generational Kinetic-ის (CGK) წლიური თაობა Z-ის კვლევის მიხედვით, თაობა Z-ის (10-25 წლის ასაკი) რესპონდენტთა 70%-მა განაცხადა, რომ მნიშვნელოვანია ახალი ინვესტიციის განხორციელება, რათა მათ მომავალში პენსიაზე გასვლა შეძლონ, როდესაც მილენიალთა 45% (26-41 წლის ასაკი) აპირებენ დაზოგვის საპენსიო ასაკამდე გადადებას აპირებს.
თაობა Z-ის მკვლევარმა – ჯეისონ დორსიმ განაცხადა, რომ კვლევის მიხედვით, თაობა Z რეალურად ზოგავს ფულს და ისინი ცდილობენ შეინარჩუნონ ფინანსური სახსრები, რომლის დახარჯვასაც აპირებდნენ. ეს კი ძალიან შოკისმომგვრელია, განსაკუთრებით მაშინ, როდესაც მათ მილენიალებს ვადარებთ.
მან ასევე დასძინა, რომ თუ ამჟამინდელი ტენდენციები გაგრძელდება, მილენიალები და თაობა Z, პენსიაზე გასვლის მიმართ ორი განსხვავებულად ჩამოყალიბებული თაობა იქნება. მან თქვა, რომ ოპტიმისტურად უყურებს თაობა Z-ის პენსიაზე გასვლის პერსპექტივას, რისი თქმაც მილენიალების შესახებ არ შეუძლია.
დასაქმების სიმყიფე ძალიან რეალური გახდა
მილენიალებმა ორი ძირითადი რეცესიული მოვლენა განიცადეს: ჯერ დიდი რეცესია 2010-იანი წლების ბოლოს და ახლა პანდემიით გამოწვეული ვარდნა 2020 წელს.
მიუხედავად იმისა, რომ ზოგიერთი მილენიალი 40 წელს გადაცილებულია და დასაქმების თვალსაზრისით 2008 წლის ფინანსური კრიზისიდან თავის დაღწევა შეძლო, Washington Post-ის ანალიზის მიხედვით, გამომუშავების კუთხით მდგომარეობა არ გაუმჯობესებულა.
დორსიმ აღნიშნა, რომ თაობა Z იყო ნომერ პირველი, რომელმაც პანდემიის დროს სამსახური დაკარგა. მისი თქმით, ისინი მუშაობდნენ საცალო ვაჭრობაში, კვების, სტუმარმასპინძლობისა და ყველა იმ ინდუსტრიაში, რომელზეც პანდემიამ ყველაზე მეტად იმოქმედა. ასე რომ, თაობა Z სრულწლოვნებამდე მივიდა, მაშინვე სამუშაო ძალად იქცა და შემდეგ სამუშაო დაკარგა.
შესაბამისად, მათი სამუშაოსადმი, დანაზოგებისა და პენსიისადმი ხედვა შეიცვალა. დასაქმების სიმყიფე მათთვის ძალიან რეალური გახდა.
დორსის თქმით, კიდევ ერთი მიზეზი თაობა Z-ის ასეთი დამოკიდებულებისა არის, რომ ისინი ხედავდნენ, როგორ იბრძოდნენ მათი მშობლები (თაობა X) გადარჩენისთვის. მიზეზი იმისა, რომ სამუშაოს ძებნისას თაობა Z-ის წარმომადგენლები უპირატესობას ანიჭებენ დასაქმებულების შეღავათებს, განსაკუთრებით დამსაქმებლების მათ საპენსიო ინტერესებთან თანხვედრას არის ის, რომ მათ არ სურთ მილენიალების მსგავს მდგომარეობაში აღმოჩნდნენ.
დორსიმ ასევე თქვა, რომ განსაკუთრებით შრომისუნარიანი თაობა Z-ის წარმომადგენლებს არ სჯერათ, რომ სოციალური უზრუნველყოფა იარსებებს ისეთი ფორმით, რომელიც რეალურად იზრუნებს მათ საჭიროებებზე. რაც კვლავ მიუთითებს იმაზე, თუ რატომ იღებენ ისინი ახლა ზომებს დაზოგვის, ინვესტირებისა და სხვა ამ ტიპის სარგებლის მიღების შესახებ.
