2023 წლის ბოლო კვარტალში უორენ ბაფეტის Berkshire Hathaway-მ ტექნოლოგიური გიგანტის — Apple-ის დაახლოებით 10 მილიონი აქცია გაყიდა, რომელთა საერთო ღირებულებამაც თითქმის $2 მილიარდი შეადგინა. გარდა ამისა, Berkshire-ის პორტფელში სხვა მნიშვნელოვანი ცვლილებებიც დაფიქსირდა.
Apple-ის, HP-ისა და Paramount-ის დიდი შემცირება
გასული წლის მეოთხე კვარტალში ბაფეტმა მნიშვნელოვნად შეამცირა წილები სამ ისეთ კომპანიაში, რომელთა აქციებსაც ინვესტორი დიდი ხანია ფლობს — Apple, HP და Paramount Global. Berkshire-ის მენეჯმენტმა განაცხადა, რომ კომპანიამ Apple-ში წილი დაახლოებით 10 მილიონი აქციით, ანუ თითქმის $2 მილიარდით შეამცირა და ამჟამად უორენ ბაფეტის კომპანია ტექნოლოგიური გიგანტის 900 მილიონს აქციას ფლობს.
გარდა ამისა, Berkshire-მა გაყიდა თავისი პოზიციების უმეტესი ნაწილი HP-ში — წილი დაახლოებით 80 მილიონი აქციით შეამცირა და წელი კომპანიის დაახლოებით 23 მილიონი აქციით დაასრულა. Paramount Global-ის წილი კი Berkshire-ის პორტფელში 30 მილიონით აქციით შემცირდა დაახლოებით 63 მილიონამდე.
პორტფელში ორ ენერგეტიკული კომპანიის პოზიცია გაძლიერდა
2023 წლის ბოლო თვეში Berkshire-ის პორტფელში სამი მნიშვნელოვანი დანამატი დაფიქსირდა. კომპანიამ შეიძინა Chevron-ის დამატებით 16 მილიონი აქცია და Occidental Petroleum-ის 19 მილიონი აქცია. გარდა ამისა, Berkshire-მა Sirius XM-ის დამატებით დაახლოებით 30 მილიონი აქცია შეიძინა და ამით კომპანიაში თავისი წილი გააოთხმაგა.
სრულად დახურული პოზიციები
Berkshire-მა წლის ბოლო კვარტალში სრულად გაყიდა ოთხი კომპანიის აქციები. ამ მხრივ ორი ყველაზე მსხვილი ტრანზაქცია იყო ფინანსური მომსახურების კომპანიის — StoneCo თითქმის 11 მილიონი აქციის და სახლების სამშენებლო ფირმის — D.R Horton-ის დაახლოებით 6 მილიონი აქციის გაყიდვა. ამასთან, Berkshire-მა დახურა უფრო მცირე პოზიციები სადაზღვევო კომპანიებში — Globe Life და Markel.
ინვესტირებისადმი “buy-and-hold” მიდგომით განთქმულ უორენ ბაფეტს ამ პერიოდის განმავლობაში ახალი პოზიციები არ გაუხსნია.
ამ კომპანიების აქციების შეძენა საქართველოს ბანკის მობილბანკში შეგიძლიათ ბმულზე.
