საფონდო ბირჟის საშუალო ანაზღაურება

აქციებისთვის გასული ათწლეული შესანიშნავი იყო. 2012 წლიდან 2021 წლამდე საფონდო ბირჟის საშუალო წლიური შემოსავალი S&P 500 ინდექსისთვის 14.8%-ს შეადგენდა. შესაძლოა, ანაზღაურება ერთი წლიდან მეორემდე რადიკალურად განსხვავდებოდეს და რეალობაში სწორედ ასე ხდება. ამ ათწლეულის განმავლობაში მხოლოდ ერთი წელი – 2014 მიუახლოვდა 14.8%-ს. არავინ იცის რომელი წლები იქნება საშუალოზე მაღალი ან დაბალი. სწორედ ამიტომ არის მნიშვნელობა გრძელვადიან პერსპექტივაზე ორიენტირება.

საფონდო ბირჟის საშუალო ანაზღაურებები

ზოგადად როდესაც ადამიანები „საფონდო ბირჟას“ ახსენებენ ისინი S&P 500-ს გულისხმობენ. ეს ინდექსი 500 უმსხვილესი ამერიკული კომპანიისგან შედგება. მიუხედავად იმისა, რომ აშშ-ის საფონდო ბირჟებზე ასობით აქცია მიმოიქცევა, S&P 500 მთლიანი ბირჟის ღირებულების დაახლოებით 80%-ს შეადგენს, რაც მას ზოგადად საფონო ბირჟის ეფექტურობის სასარგებლო ინდიკატორად აქცევს.

სხვადასხვა წლებში ბაზრის ანაზღაურება, შესაძლოა, საშუალო მაჩვენებლისგან მნიშვნელოვნად განსხვავებული იყოს. მაგალითისთვის გამოვიყენოთ 2012-2021 წლების პერიოდი:

• 4%-იანი კლება: 1 წელი
• ზრდა 2%-ით ან ნაკლებით: 1 წელი
• 20%-ზე მეტით მატება: 4 წელი
• 12%-19%-იანი ზრდა: 4 წელი

სხვაგვარად რომ ვთქვათ, ამ 10 წლიდან ექვსის ანაზღაურება საშუალო მაჩვენებლისგან ძალიან განსხვავდებოდა. ამ 6 წლიდან ორმა მნიშვნელოვნად დაბალი ანაზღაურება გამოიმუშავა, ხოლო ოთხმა – საშუალოზე არსებითად მაღალი. ორმა წელმა (2013 და 2019) გამოიმუშავა 30%-ზე მეტი შემოსავალი, რამაც დააბალანსა ის წლები, როდესაც ანაზღაურება საშუალოზე დაბალი იყო.

საფონდო ბირჟის 10-წლიანი, 30-წლიანი და 50-წლიანი საშუალო ანაზღაურება

მოდით, გადავხედოთ საფონდო ბირჟის საშუალო წლიურ შემოსავალს ბოლო 10, 30 და 50 წლის განმავლობაში S&P 500-ის გამოყენებით.

აღსანიშნავია, 1972 წლიდან მოყოლებული თითოეული წლის შედეგები რამდენად განსხვავდება საშუალო წლიური მაჩვენებლისგან:

• 20%-იანი ან უფრო მაღალი ანაზღაურება: 19 წელი
• 10%-20%: 13 წელი
• 0%-10%: 9 წელი
• 0%-10% ზარალი: 4 წელი
• 10%-20% ზარალი: 2 წელი
• 20%-ზე მეტი ზარალი: 3 წელი

საფონდო ბირჟის ანაზღაურება vs ინფლაცია

სშუალო შემოსავლის გარდა, ზემოთ მოყვანილი ცხრილი ასევე გვიჩვენებს სასარგებლო ინფორმაციას აქციების ინფლაციით კორექტირებული ანაზღაურების შესახებ. მაგალითად, 1972 წელს დაბანდებული $1 დღეს $46.69-ის ღირებულების იქნებოდა. თუმცა, ახლა $46-ს არ გააჩნია იგივე ღირებულება, რაც 1972 წელს. ინფლაციის გათალისწინების საშუალებით ნახავთ, რომ ეს $46 დღეს იყიდის იმავე რაოდენობის საქონელს ან მომსახურებას, რასაც 1972 წელს $6.88-ად იყიდდით.

აქციების ყიდვა და შენარჩუნება

ზემოთ განხილული წლიური ანაზღაურებების განხილვის საფუძველზე შეგვიძლია დავასკვნათ, რომ, დიდი ალბათობით, ინვესტორები საუკეთესო ანაზღაურებას გრძელვადიანი ინვესტირებით მიიღებენ. უბრალოდ არ არსებობს საიმედოდ ზუსტი გზა იმის პროგნოზირებისთვის, თუ რომელი წელი იქნება წარმატებული და რომელი – არაეფექტური.

თუმცა, ისტორიიდან ერთი რამ კარგად ვიცით: საფონდო ბირჟა უფრო მეტი წლის განმავლობაში გაიზარდა, ვიდრე დაეცა. ბოლო 50 წლიდან 40 შემთხვევაში S&P 500-ს ღირებულება გაიზარდა და 9.4%-ის ტოლი საშუალო წლიური შემოსავალი გამოიმუშავა. მიუხედავად ამისა, მხოლოდ რამდენიმე წლის შემთხვევაში იყო ანაზღაურება საშუალო წლიურ მაჩვენებელზე მაღალი. გაცილებით მეტ შემთხვევაში ანაზღაურება აჭარბებდა ან ჩამორჩებოდა საშუალო ნიშნულს.

რა იქნება გონივრული ნაბიჯი? შეიძინეთ ხარისხიანი აქციები (იდეალურ შემთხვევაში ბაზრის ნებისმიერ პირობებში ეს რეგულარულად გააკეთეთ) და ინვესტიციები მრავალი წლის განმავლობაში შეინარჩუნეთ. როგორც წესი, ინვესტორები, რომლებიც ცდილობენ, რომ საშუალო წლიურ ანაზღაურებაზე მეტი მოკლევადიანი სვლებით გამოიმუშაონ, საბოლოოდ საშუალოზე დაბალ შემოსავალს იღებენ. უფრო მეტიც, ასეთ სტრატეგიებს არსებითად მეტი დრო და ძალისხმევა სჭირდება. ამასთან, მათმა გამოყენებამ, შესაძლოა, უფრო მაღალი გადასახადები გამოიწვიოს, რაც მოგებას კიდევ უფრო შეამცირებს.

თუ სიმდიდრის დაგროვება გსურთ, აქციებში ინვესტირება შესანიშნავი დასაწყისია. იმისათვის, რომ საფონდო ბირჟის ინვესტიციებიდან საუკეთესო ანაზღაურება მიიღოთ, გამოიყენეთ აპრობირებული და ჭეშმარიტი მეთოდი: შეიძინეთ აქციები და შეინარჩუნეთ ისინი მაქსიმალურად დიდხანს.