Amazon-ის აქციების ფასი მას შემდეგ გაიზარდა, რაც ტექნოლოგიურმა გიგანტმა ბაზარი აქციების 1/20-თან შეფარდებით დაყოფით და $10 მილიარდის ღირებულების აქციების გამოსყიდვის გადაწყვეტილებით გააკვირვა. აღმოსავლური დროით 15:06 საათზე აქციების ფასი 6.2%-ით გაიზარდა.
ამაზონის ერთი აქციის ფასი ამჟამად თითქმის $3000-ს აღწევს. კომპანიას 1999 წლიდან dot-com-ის კრახამდე აქციების დაყოფა არ განუხორციელებია. დამფუძნებელი ჰეფ ბეზოსი, რომელიც კომპანიას გასულ ივლისამდე მართავდა, დიდი ხანი არ ინტერესდებოდა ისეთი მანევრებით, როგორებიც არის აქციების დაყოფა ან გამოსყიდვა და დაჟინებით ამტკიცებდა, რომ კომპანიის გრძელვადიან პერსპექტივაში განვითარებაზე იყო ორიენტირებული.
აქციების დაყოფა სავარაუდოდ ძალაში 6 ივნისს შევა. აქციების შესყიდვის ავტორიზაცია, ამავდროულად, კომპანიის საბაზრო კაპიტალის 1%-ზე ნაკლებს შეადგენს, მაგრამ ეს ნაბიჯი აღსანიშნავია, რადგან მიუთითებს ახალი აღმასრულებელი დირექტორის – ენდი ჯასის მზადყოფნაზე, აქციონერებს კაპიტალი დაუბრუნოს. ეს შეიძლებადივიდენდების გადახდის კუთხითაც სასარგებლო აღმოჩნდეს.
თუ გაინტერესებთ ახალი ამბების შემდეგ უნდა იყიდოთ თუ არა Amazon-ის აქციები, მათ დაყოფასა და გამოსყიდვას ყურადღებას ნუ მიაქცევთ. აქციების დაყოფა მათ რაიმე ღირებულებას არ მატებს, ეს უბრალოდ უფრო პატარა ნაწილებად დაყოფის პროცესია. გამოსყიდვის ავტორიზაციის მოცულობა კი საკმაოდ მცირეა იმისთვის, რომ აქციების ყიდვის გადაწყვეტილებისკენ გიბიძგოთ.
ამის ნაცვლად, ძირითად ბიზნესზე ფოკუსირდით. თუ ამას გააკეთებთ, აღმოაჩენთ, რომ ამაზონი, როგორც მსოფლიოში ყველაზე დიდი ელექტრონული კომერციის ბიზნესისა და წამყვანი ქლაუდ ინფრასტრუქტურის სერვისი Amazon Web Service-ში, კონკურენტული უპირატესობებით სარგებლობს. ასევე, მიუხედავად იმისა, რომ მსოფლიოში შემოსავლების მიხედვით მეორე კომპანიაა, ის მაინც სწრაფი ტემპებით იზრდება.
Amazon აგრძელებს სწრაფად ექსპანსიას და კომპანიის მენეჯმენტი მოგების მარჟის ზრდას იმედოვნებენ. აქციების დაყოფა საცალო ინვესტორებს მოეწონებათ და კომპანია, შესაძლოა, Dow Jones Industrial Average-ს დაემატოს. აქციების გამოსყიდვა კი შეიძლება მომავალი ახალი მოვლენების ნიშანი იყოს. მაგრამ დღეს აქციების ყიდვის რეალური მიზეზი შეიძლება ძირითადი ბიზნესის სიძლიერე და მისი კარგად შეფასებული ღირებულება იყოს.
