დღეს, სავაჭრო სესიის დასრულების შემდეგ, Micron Technology ფისკალური 2024 წლის მესამე კვარტლის შედეგებს გამოაქვეყნებს. ინვესტორებისთვის განსაკუთრებით საინტერესო იქნება განახლებებს იმის შესახებ, თუ როგორ სარგებლობს ჩიპების მწარმოებელი კომპანია ხელოვნურ ინტელექტზე (AI) მზარდი მოთხოვნით და პარტნიორობით AI სივრცეში ყველაზე პოპულარულ კომპანია Nvidia-სთან.
Visible Alpha-ს მიერ შედგენილი შეფასებით, ანალიტიკოსები ვარაუდობენ, რომ Micron-ის შემოსავალი ფისკალური 2024 წლის მესამე კვარტალში $6.7 მილიარდს შეადგენს, რაც აღემატება როგორც წინა კვარტლის, ისე გასული წლის იმავე პერიოდის შედეგებს.
უოლ სტრიტზე ასევე მოელიან, რომ წმინდა მოგება $399.39 მილიონს მიაღწევს, ანუ კორექტირებული მოგება თითო განზავებულ აქციაზე (EPS) $0.30 იქნება. შედარებისთვის, გასული წლის იმავე კვარტალში კომპანიამ $1.9 მილიარდის ოდენობით — ანუ თითო აქციაზე -$1.73 — წმინდა ზარალი დააფიქსირა.
| მაჩვენებელი | ანალიტიკოსების პროგნოზი | ფისკალური 2024 წლის II კვ. | ფისკალური 2023 წლის III კვ. |
| შემოსავალი | $6.7 მილიარდი | $5.82 მილიარდი | $3.75 მილიარდი |
| კორექტირებული EPS | $0.3 | $0.71 | ($1.73) |
| წმინდა მოგება | $399.39 მილიონი | $793 მილიონი | ($1.9 მილიარდი) |
ძირითადი მეტრიკა — ძლიერი პროგნოზი ხელოვნურ ინტელექტთან დაკავშირებით
J.P. Morgan-ისა და Citi-ის ანალიტიკოსები მოელიან, რომ Micron-ის მენეჯმენტი მეოთხე კვარტლისთვის მოსალოდნელზე ძლიერ პროგნოზებს წარადგენს, რამაც შეიძლება ინვესტორები გააოცოს და აქციების ფასი გაზარდოს.
Citi-ის ანალიტიკოსები მიიჩნევენ, რომ მეოთხე კვარტალში კომპანიის შემოსავალი $8 მილიარდს მიაღწევს. მათ Micron-ის აქციების სამიზნე ფასი $150-დან $175-მდე გაზარდეს.
გარდა ამისა, ერთი კვირის წინ BofA-მ Micron Technology-ის აქციების სამიზნე ფასი $144-დან $170-მდე გაზარდა და Micron-ს უწოდა „მეხსიერების პროდუქტების საუკეთესო ამერიკული კომპანია“.
ანალიტიკოსების განმარტებით, მათ სჯერათ, რომ მოწყობილობებში AI მახასიათებლების დანერგვა, იგივე Edge AI, ნელა, მაგრამ სტაბილურად შეავსებს ბირთვულ ან მონაცემთა ცენტრის AI აპარატურას. მათ აღნიშნეს, რომ Edge AI-ის ორი ყველაზე მნიშვნელოვანი ბენეფიციარები კომპიუტერული და მეხსიერების ჩიპების მწარმოებლები იქნებიან.
ანალიტიკოსების თქმით, AI პერსონალურ კომპიუტერებზე მზარდი მოთხოვნისა, მათთვის მეტი მეხსიერების საჭიროების და ამ პროდუქტების მაღალი ფასის გამო, ისინი მიიჩნევენ, რომ Micron-ის გაყიდვები, კალენდარულ 2025 და 2026 წლებში, შესაბამისად, 10%-ით და 12%-ით გაუმჯობესდება. ისინი ასევე მიიჩნევენ, რომ კორექტირებული მოგება თითო აქციაზე ამ წლებში, შესაბამისად, 20%-ით და 21%-ით გაიზრდება.
Nvidia-სთან პარტნიორობა
Micron ჩიპების მწარმოებელი გიგანტის — Nvidia-ს პარტნიორია და მას უზრუნველყოფს მეხსიერების გადაწყვეტებით AI ჩიპებისთვის.
კომპანია აწარმოებს მაღალი გამტარობის მეხსიერების (HBM) ჩიპებს, რომლებიც გამოიყენება Nvidia-ს AI გრაფიკული დამუშავების ერთეულებში (GPU), რაც მას საშუალებას აძლევს, Nvidia-ს წარმატებისგან სარგებელი მიიღოს.
როგორ აფასებს უოლ სტრიტი Micron-ის აქციებს?
Micron Technology-ის აქციების ამჟამინდელი ფასი დაახლოებით $139.00-ს შეადგენს. კომპანიას ამ ეტაპზე 19 ანალიტიკოსი აფასებს. საშუალო სამიზნე ფასი $152.56-ს შეადგენს, მაქსიმალური პროგნოზი — $200.00-ს, ხოლო მინიმალური — $3.00-ს. საშუალო სამიზნე ფასი Micron Technology-ის აქციების ამჟამინდელი ფასიდან დაახლოებით 9.7%-იან ზრდას გულისხმობს. კომპანიის აქციებს 19 ანალიტიკოსიდან 18-მა მიანიჭა ყიდვის რეკომენდაცია, 1-მა — ნეიტრალური რეიტინგი და არცერთმა — გაყიდვის რეკომენდაცია.
Micron Technology-ის აქციების შეძენა საქართველოს ბანკის მობილბანკში შეგიძლიათ ბმულზე.
