S&P 500 ინდექსი უახლოვდება „სასიკვდილო გადაკვეთას“, ავბედით ფიგურას გრაფიკზე, რომელიც აქტივების კლების ტენდეციას უსვამს ხაზს.
„სასიკვდილო გადაკვეთა“ ჩნდება მაშინ, როდესაც 50-დღიანი მოძრავი საშუალო კვეთს 200-დღიან მოძრავ საშუალოს. ამ მოვლენას, მრავალი გრაფიკზე დამკვირვებელი მიიჩნევს როგორც წერტილს, რომლიდანაც მოკლევადიანი კორექცია გრძელვადიან დაღმავალ ტრენდად გარდაიქმნება.
ბოლო შემოწმებისას, S&P 500 ინდექსი 0.6%-ით იყო შემცირებული. მისი 50-დღიანი მოძრავი საშუალო იყო 4,508.56 და 200-დღიანი მოძრავი საშუალო – 4,466.34, დიფერენციალი 42,22 პუნქტით, რომელიც, დაღმასვლის ასეთი ტემპებით, შეიძლება მომავალი კვირისთვის დაარღვიოს.
სამშაბათს Dow Jones Industrial Average (DJIA)-სთვის „სასიკვდილო გადაკვეთა“ მატერიალიზდა, 50-დღიანი მოძრავი საშუალო (34,990.79) 200-დღიან მოძრავ საშუალო ნიშნულზე (35,008.55) დაბლა ჩამოვიდა.
უამრავ სხვა აქტივშიც დაფიქსირდა „სასიკვდილო გადაკვეთები“, მათ შორის იყო ტექნოლოგიური აქციებით დატვირთული Nasdaq Composite Index.
S&P 500-მა ბოლოს „სასიკვდილო გადაკვეთა“ 2020 წლის 30 მარტს, პანდემიით გამოწვეული გაყიდვების მწვერვალზე დააფიქსირა. DJIA-მ კი „სასიკვდილო გადაკვეთის“ მატერიალიზება 2020 წლის 23 მარტს იხილა. ეს თარიღი ფართოდ განიხილება, როგორც Bear ბაზრის ფსკერი.
სპეციალისტების თქმით, ასეთი „გადაკვეთები“ შეიძლება სულაც არ იყოს საბაზრო დროის კარგი ინდიკატორი, თუმცა, იქიდან გამომდინარე, რომ ისინი კარგად არის ტელეგრაფირებული, ამ „ჯვრებს“ შეუძლია დაგვეხმაროს ეს მასიური ფასდაკლებით გაყიდვების მოვლენა ისტორიულ პერსპექტივაში ჩავსვათ.
ორშაბათს, Nasdaq Comoposite-მა 19 ნოემბრის პიკიდან 20%-იანი კლება აჩვენა, DJIA-მა კი ბოლო ორი წლის განმავლობაში პირველი კორექტირება დააფიქსირა – მინიმუმ 10%-იანი (მაგრამ არა უმეტეს 20%-ისა) კლება.ფართო ბაზარზე ვარდნა გრძელდებოდა, „თავშესაფარმა აქტივებმა“, როგორიც არის ოქრო ან 10-წლიანი სახაზინო ობლიგაციები, მოვაჭრეების ყურადღება მიიპყრო, რადგან მძაფრი შეტაკებები აღმოსავლეთ ევროპაში, გლობალური ეკონომიკის შენელებისა და სასაქონლო ფასების ზრდის პერსპექტივას აჩენს.
მაგალითად, ნედლი ნავთობის ფიუჩერსების ფასი 2008 წლის შემდეგ ყველაზე მაღალ ნიშნულამდე ავიდა, რადგან აშშ-მა და დიდმა ბრიტანეთმა გადაწყვიტეს რუსეთისგან ენერგორესურსების შეძენის აკრძალვა. რაც რუსეთის მიერ უკრაინაში შეჭრით არის გამოწვეული. ევროკავშირი, რომელიც რუსეთის ნავთობსა და ბუნებრივ აირზე არის დამოკიდებული, იმედოვნებს, რომ მომავალ ზამთარში მოსკოვის ენერგეტიკულ აქტივებს ჩამოშორდება.
გეოპოლიტიკური დაძაბულობა, რომელიც იმ შიშთან არის შერწყმული, რომ აშშ-ის ცენტრალურ ბანკსა და სხვა გლობალური მონეტარული პოლიტიკის შემქმნელებს, მზარდი ინფლაციური წნეხის წინააღმდეგ საბრძოლველად, შესაძლოა, საპროცენტო განაკვეთების აწევა დასჭირდეთ, ხელს უწყობს ბაზრის დაცემის საერთო ტონს.
