მას მერე, რაც 2022 წელი დაიწყო, Spotify-ის აქციების ფასი იკლებს. სამშაბათს აქციების სავაჭრო საათებში იგი თავისი ღირებულების თითქმის მეოთხედს შეადგენდა. ეს ყველაფერი უოლ სტრიტსა და სხვა, მაღალი დონის დაინტერესებულ მხარეებს მიზეზების გამოძიებისკენ უბიძგებს.
ამ საკითხს უფრო ფართო სპექტრში თუ შევხედავთ, კიდევ უფრო განგვაცვიფრებს, რადგან ჯერ კიდევ 2021 წელს SPOT დაახლოებით $337-ით ფასობდა თითო აქციაზე.
რა თქმა უნდა, შეუძლებელია ზუსტი ფაქტორების დადგენა, თუ რა აფერხებს SPOT-ს, მაგრამ დაახლოებით შეგვიძლია ვივარაუდოთ, რომ ეს მიზეზები ბაზრის ფართო კორექტირებისა და წამგებიანი ტექნოლოგიური აქციების ფონზე მოდის.
პანდემიის პერიოდში S&P 500-ის ცნობილმა კომპანიებმაც დიდი ზარალი ნახეს. მათ შორის: Netflix-მა და Peloton-მა. აქედან პირველის აქციები დაეცა დაახლოებით 39%-ით, მეორისა კი 25-ით.
Spotify-თან დაკავშირებით რამდენიმე საკითხია, რომელსაც შეგვიძლია ყურადღება მივაქციოთ. უნდა ითქვას, რომ კომპანიას გამომწერების მზარდობა აქვს, განსაკუთრებით აშშ–ში. თუმცა, სულ ახლახან Spotify-მ დახურა თავისი ერთ–ერთი პიონერი პოდკასტების სტუდია, გაათავისუფლა 10-15 თანამშრომელი. კომპანიას მრავალმილიარდ დოლარიანი ფსონი აქვს პოდკასტებზე, თუმცა, როგორც ჩანს, ეს არ იწვევს ნდობას ამ ფორმატში.
2021 წლის მესამე კვარტალში 300,000 პოდკასტის დამატების მიუხედავად, Spotify-მ მხოლოდ ჩართულობაზე ისაუბრა და აღნიშნა, რომ პროცენტი, რომელიც მხოლოდ პოდკასტის კონტენტზე იყო მიბმული, იზრდებოდა მთელი კვარტლის განმავლობაში.
2022 წელს კვლავ მწვავედ დგას კომპანიის მომგებიანობის სურათი, თუმცა იმედოვნებენ, რომ ვითარება გაუმჯობესდება. იმ ყველაფრის ფონზე, რაც ხდება: მასობრივი ინფლაცია, საპროცენტო განაკვეთების ზრდა და კიდევ უფრო უარესი – პოლიტიკური არასტაბილურობა, რა თქმა უნდა, ყველაფერზე აისახება. ზოგიერთები იმასაც ვარაუდობენ, რომ Spotify-ს შეუძლია, მიბაძოს Netflix-ს და ასწიოს ფასები. ამასთან, Spotify-ის ექნება HiFi მხარდაჭერაც, რომლითაც უკვე სარგებლობენ Apple Music და Amazon Music.
წყარო: digitalmusicnews
