პარასკევს თვითმფრინავის ნაწილების მიმწოდებელი კომპანიის — Kaman-ის აქციების ფასი გაორმაგდა მას შემდეგ, რაც გავრცელდა ინფორმაცია, რომ მის შეძენას კერძო კაპიტალის ფირმა — Arcline Investment Management გეგმავს.
Kaman-ის შესყიდვის შეთავაზება
Arcline Kaman-ის თითო აქციისთვის $46-ის გადახდას გეგმავს და მთლიანი ტრანზაქციის ღირებულება, ვალის ჩათვლით, $1.8 მილიარდს შეადგენს. S&P Global Market Intelligence-ის მონაცემებით Kaman-ს აქვს დაახლოებით $382 მილიონის მოცულობის გრძელვადიანი დავალიანება, პლუს სხვა ვალდებულებები, ჯამში დაახლოებით $828 მილიონი. როგორც პრესრელიზში Kaman-ის მენეჯმენტმა აღნიშნა, ეს ფასი დაახლოებით 110%-ით აღემატება იმ ზრდას, რომელიც კომპანიის აქციებმა ბოლო სამი თვის განმავლობაში დააფიქსირა.
იმის გათვალისწინებით, რომ გასულ კვარტალში კომპანიის გაყიდვები მხოლოდ 6%-ით გაიზარდა და Kaman-მა ზარალი განიცადა, ასეთი დიდი პრემიის მიღება აქციონერებისთვის ნამდვილად სასიამოვნო შედეგია.
რას უნდა მოელოდნენ Kaman-ის აქციონერები?
იმისთვის, რომ ეს გარიგება წარმატებით დაიხუროს, საჭიროა დასტური როგორც აქციონერებისგან, რაც, დიდი ალბათობით რთული არ იქნება, ასევე მარეგულირებლებისგან. ეს უკანასკნელი, შესაძლოა, გართულდეს, თუ გავითვალისწინებთ Kaman-ის პოზიციებს უკვე კარგად კონსოლიდირებულ საჰაერო კოსმოსურ და თავდაცვის ინდუსტრიაში, ასევე ბაიდენის ადმინისტრაციის პოტენციურ წინააღმდეგობას ამ სფეროში კიდევ უფრო მეტი კონცენტრაციის მიმართ.
მაგრამ თუ ყველაფერი გეგმის მიხედვით წარიმართება, Kaman-ისა და Arcline Investment Management-ის წარმომადგენლები იმედოვნებენ, რომ გარიგება 2024 წლის პირველ ნახევარში დაიხურება. სწორედ მაშინ მიიღებენ Kaman-ის აქციონერები თითო აქციისთვის $46-ს ნაღდი ფულით.
