რა მოხდა?
გუშინ Amazon-ის აქციების ფასი 3%-ზე მეტით გაიზარდა, როგორც ჩანს, იმ ცნობების საფუძველზე, რომ კომპანია გასაოცარ შენაძენს გეგმავს.
The Intersect-ის მოხსენების თანახმად, Amazon-ის დამფუძნებელმა — ჯეფ ბეზოსმა AMC Entertainment Holdings-ის, მსოფლიოში უდიდესი კინოთეატრების ქსელის, შესყიდვის შესაძლებლობის გამოსაკვლევად მრჩევლებს მოუხმო.
და რა?
მოხსენების თანახმად, Amazon AMC-ის 600 კინოთეატრს ჩრდილოეთ ამერიკაში, ევროპასა და ახლო აღმოსავლეთში, ხედავს, როგორც შესანიშნავ შესაძლებლობას, სადაც ელექტრონული კომერციის გიგანტს შეუძლია Amazon Prime წევრობის პროგრამას, ტექნოლოგიურ გაჯეტებს, სასურსათო პროდუქტების მიწოდებას და სხვა პროდუქტებს მარკეტინგი გაუწიოს.
მოხსენებაში ნათქვამია, რომ კინოთეატრებს ასევე გააჩნია პოტენციალი, შეაგროვოს ძალიან მნიშვნელოვანი მონაცემები თეატრის მაყურებლების პრეფერენციების შესახებ.
AMC საბაზრო კაპიტალიზაცია ამჟამად $2.5 მილიარდს შეადგენს, მაგრამ კომპანიას ბალანსზე $5 მილიარდზე მეტი დავალიანება აქვს და ბიზნესს პრობლემები მას შემდეგ შეექმნა, რაც პანდემია დაიწყო.
ახლა რა?
ფიზიკური ლოკაციების მქონე უზარმაზარი ბიზნესის შეძენა Amazon-ისთვის შეიძლება უჩვეულო ჩანდეს, მაგრამ კომპანიამ 2017 წელს თითქმის $14 მილიარდი დახარჯა Whole Foods-ის შეერთებაზე და მას შემდეგ დაინტერესდა გასართობი ობიექტებით. შარშან Amazon-მა $8.5 მილიარდი გადაიხადა MGM Studios-ისთვის, ისეთი ფრენჩაიზის პროდიუსერისთვის, როგორიც არის ჯეიმს ბონდის ფილმები და, ამასთან, აგრესიულად ხარჯავს Amazon Prime Video-ზე.
ბეზოსი დიდი ხანია განიხილავს ვიდეო გართობას, როგორც კომპანიის პრიორიტეტს. იგი თვლის, რომ Prime Video მომხმარებლებს Amazon-ზე მეტის დახარჯვისკენ უბიძგებს.
Amazon-ს არასოდეს ეშინია ექსპერიმენტების. მოხსენებაში ასევე ნათქვამია, რომ ბეზოსი განიხილავს აქციების ფასის კიდევ უფრო შემცირებამდე ლოდინს ან კინოთეატრის აქტივების გაკოტრების შემდეგ ყიდვას.
იმის გამო, რომ Amazon ორიენტირებულია ხარჯების შემცირებაზე, ფოკუსირება ისეთ ინდუსტრიაზე, როგორიცაა კინოთეატრები, უცნაურია, მაგრამ აქ შეიძლება გარკვეული სტრატეგიული ღირებულება იმალებოდეს. სავარაუდოდ, უფრო მეტს გავიგებთ უახლოეს კვირებში, თუ გარიგების ნიშნები გამოიკვეთება.
