რა მოხდა?
მას შემდეგ, რაც ოთხშაბათს, ტეხასში მდებარე ქარხნის გაფართოებისა და ინდონეზიაში ახალი საწარმოს აშენების შესახებ ცნობები გავრცელდა, Tesla-ს აქციების ფასი თითქმის 4%-ით გაიზარდა. თუმცა გუშინ, აღმოსავლეთის დროით 12:25 საათისთვის ეს მაჩვენებელი 1.8%-ით დაეცა. საბოლოოდ აქციებმა სავაჭრო დღე მხოლოდ 0.28%-იანი ნაზრდით დაასრულა.
და რა?
გაფართოებული საწარმოო სიმძლავრე შეერთებულ შტატებსა და სამხრეთ-აღმოსავლეთ აზიაში კარგია, მაგრამ ჩინეთი რჩება ტესლას წარმოების ცენტრად, შანხაის ქარხნით, სადაც ტესლა უფრო მეტ ელექტრომობილს აწარმოებს, ვიდრე სხვაგან.
კომპანიის მენეჯმენტის მიერ გამოქვეყნებული გეგმების მიხედვით, შანხაის, Tesla-ს წარმოების სტრატეგიაში, კიდევ უფრო დიდი როლი უნდა ეთამაშა. ექსპანსია, რომელიც ქარხნის წარმოების სიმძლავრის წელიწადში 2 მილიონ მანქანამდე გაზრდას გულისხმობდა 2023 წლის შუა პერიოდში იყო დაგეგმილი.
მაგრამ, Bloomberg-მა გუშინ დილით გაავრცელა ინფორმაცია, რომ ჩინეთის მთავრობას აშფოთებს ქვეყანაში ილონ მასკის Tesla-ს ავტომობილების გაყიდვის ფაქტი, მაშინ როდესაც მილიარდერი ასევე მართავს Starlink-ის სატელიტურ ქსელს, რომელმაც შეიძლება Tesla-ს ავტომობილებისგან მონაცემები მიიღოს, რაც, პოტენციურად, ქვეყნის მონაცემთა გადაცემის კანონების დარღვევაა.
Bloomberg აღნიშნავს, რომ Tesla-ს მანქანები ამჟამად არ არის აღჭურვილი Starlink-ის მიმღებებით ან გადამცემებით და, შესაბამისად, ვერ გადასცემს მონაცემებს Starlink-ს. მიუხედავად ამისა, როგორც ჩანს, მთავრობა აყოვნებს Tesla-ს შანხაის ქარხნის ექსპანსიაზე თანხმობის განცხადებას და მიზეზად საფრთხეს ამ პრობლემას ასახელებს.
ახლა რა?
მართებულია, თუ არა ჩინეთის მთავრობის ღელვა? შესაძლოა. მართალია, Tesla-ს ავტომობილები ამჟამად არ არის Starlink-თან დაკავშირებული, მაგრამ შეიძლება ეს მომავალში მოხდეს. მეორეს მხრივ, ჩინეთის მთავრობამ შესაძლოა განზრახ შექმნას ასეთი წინაღობები, რათა, მაგალითად, Tesla-ს ჩინურ ბიზნესზე მეტი კონტროლი მოიპოვოს.
