ამერიკულმა მულტინაციონალურმა საინვესტიციო ბანკმა და ფინანსურმა კომპანიამ Morgan Stanley,თავისსავე რეიტინგში, ორი ბანკის მაჩვენებელი გაზარდა. ასევე ოპტიმისტური პროგნოზებიგამოაქვეყნა სხვა მოთამაშეებთან მიმართებაში.
ფინანსური ინსტიტუტის ანალიტიკოსების განცხადებით, სექტორი, მალე, დიდი ალბათობით, საპროცენტო განაკვეთების მატების საუკეთესო შედეგებს აჩვენებს.
მიუხედავად, იმისა რომ COVID-19-ის ახალი შტამის, „ომიკრონის“ გამოჩენამ, ფინანსურ წრეებში დიდი შფოთვა გამოიწვია და შედეგად, ბანკების აქციებზე ფასი დაეცა, Morgan Stanley-ის ანალიტიკოსი ბეტსი გრასეკი კლიენტებს ურჩევს, „შეიძინონ ბანკის აქციების კლება“.
რას ნიშნავს ეს?
„ჩვენ უკვე ნანახი გვაქვს ეს ფილმი. ვირუსი არსად მიდის, მაგრამ მეცნიერები ქმნიან ვაქცინებს მის წინააღმდეგ საბრძოლველად. თუ „ომიკრონისთვის“ ახალი ვაქცინა გახდება საჭირო, Pfizer-ისა და Moderna-ს წარმომადგენლების თქმით, მის წარმოებას (2022 წლის) პირველ კვარტალში, ბაზარზე გამოტანასა და გავრცელებას კი მეორე კვარტალში შეძლებენ. ყველაზე უარეს შემთხვევაში, ეკონომიკური კუთხით, ეს გამოიწვევს ზრდის ტემპის კლებას და არანაირი „ლოქ დაუნი“ (აშშ-ში) აღარ იქნება“.
ბეტსი გრასეკის თქმით, ბანკებმა, მზარდი [საპროცენტო] განაკვეთების პერიოდში, ყველაზე დიდი ზრდა აჩვენეს, ვიდრე S&P 500 SPX-ში შემავალმა ნებისმიერმა სექტორმა.
გარდა ამისა, ანალიტიკოსის თქმით, საბანკო სექტორი აღმოჩნდა ერთადერთი, რომელმაც ჩვენა საუკეთესო შედეგები, რეალური შემოსავლების ზრდის პერიოდში. გრასეკი ამბობს, დაახლოებით, 25 საბაზისო პუნქტით საპროცენტო საკომისიოს მომატება, ბანკებს, ერთ აქციაზე, 1.5%-იან ზრდას მისცემს.
Fed-ის უკანასკნელი მონაცემების მიხედვით, 2022 წელს მოსალოდნელია განაკვეთის ზრდა 1/4 პუნქტზე მეტით.
ბეტსი გრასეკის თქმით,Well Fargo, დაბალი შეწონილობიდან, თანაბარ შეწონილობამდე გაიზარდა და მისი საფასო ტარგეტი $61 გახდა. ასევე თანაბარ წონამდე გაიზარდა Goldman Sachs Group Inc, რომლის ფასის ტარგეტი, მოცემული მომენტისთვის, $479-ია.
ამავდროულად, გრასეკის თქმით, რეიტინგში იკლო Citigroup Inc-ის პოზიციებმა და ჭარბი წონიდან, თანაბარ წონამდე დაიწია, შედეგად, მისი ფასის ტარგეტი $82-ით განისაზღვრა.
იგივე შეფასება მისცა Bank of New York Mellon Corp-ს, რომელიც თანაბარ წონაზე დავიდა, სამიზნე ტარგეტით $59.
ბეტსი გრასეკი ამბობს, რომ Morgan Stanley უპირატესობას Synchrony Financial-სა და Capital One-ს ანიჭებს, რადგან მათი სავაჭრო ფასისა და მოგების კოეფიციენტის თანაფარდობა მინიმალურ ზღვარს უახლოვდება, რამდენადაც მოსალოდნელია კრედიტების ზრდა.
რაც შეეხება საპროცენტო განაკვეთების მატებას, „აშკარა გამარჯვებულები“ არიან Wells Fargo და State Street, როგორც ანალიტიკოსი ამბობს „მათი კურსის სენსიტიურობისა და მიმზიდველი შეფასებების გათვალისწინებით.
ბეტსი გრასეკი Wells Fargo-ს აქციებზე ფასების 28% -იან, State Street-ის აქციებზე კი 42%-იანი ზრდის პოტენციალს ხედავს.
რაც შეეხება კომერციული კრედიტების ზრდას, Morgan Stanley-ის ყურადღება Regions Financial-მა მიიქცია, რომელიც უმეტესწილად, კომერციულ და სამრეწველო კრედიტებზეა დამოკიდებული.
„მიუხედავად იმისა, რომ კვლავ არსებობს აქტივების ლიმიტების მოხსნისა და და შემდგომი მარეგულირებელი ქმედებების რისკები, მაღალი ტარიფები ამ რისკების ალბათობას ამცირებს“, – ამბობს Wells Fargo-ს შესახებ ბეტსი გრასეკი.
აღსანიშნავია, რომ Wells Fargo-ს აქციებმა (მათი ფასი) რამდენიმე დღის წინ, 4%-ით მოიმატა. 2021 წელს, ეს აქციები, ჯამში, 65%-ით გაიზარდა. S&P 500-ინდექსის მონაცემებით, დაფიქსირდა 22.1%-იანი ზრდა.
რაც შეეხება სხვა მოთამაშეებს, Morgan Stanley-ის ანალიტიკოსის თქმით, Goldman Sachs-ის აქციები 2.5%-ით, Citigroup-ის აქციები კი 0.7%-ით გაიზარდა. ამავე დროს, BNY Mellon-მა 1.5%-იანი, PNC 1.7%-იანი მატება აჩვენა.
