სრულიად გასაგებია, თუ ამ მომენტისთვის რაიმე აქციის შეძენისგან თავს იკავებთ. იგრძნობა, რომ უკრაინაში განვითარებული სამხედრო კონფლიქტის საზღვრები შეიძლება გაფართოვდეს და ქვეყნის საზღვრებს გასცდეს. მაშინაც კი, თუ ეს ასე არ მოხდა, რუსეთის წინააღმდეგ დაწესებული სანქციები და სხვა სადამსჯელო ქმედებები გლობალურ ეკონომიკაში არეულობას იწვევს.
როგორც ძველი ანდაზა ამბობს, ბედი გაბედულებს წყალობს. თუ თქვენ გრძელვადიან პერსპექტივაზე ორიენტირებული ინვესტორი ხართ, ახლა ნამდვილად კარგი დროა მზარდი პოტენციალის აქციებზე ფოკუსირებისთვის.
- Amazon
მიუხედავად იმისა, რომ ეს საკმაოდ პროგნოზირებადი, თითქმის კლიშედ ქცეული სარეზერვო ვარიანტია, Amazon მაინც დამაჯერებელ არჩევნად რჩება. არა მხოლოდ იმიტომ, რომ 2021 წლის ბოლოდან მისი აქციების ფასი 15%-ით არის შემცირებული, არამედ იმიტომ, რომ მისი ამჟამინდელი ფასი ზუსტად იმ ნიშნულზეა, რომელზეც 2020 წლის შუა პერიოდში იყო.
კომპანია მომავალი წარმატებებისთვის მზად არის, რადგან უფრო და უფრო მეტი მომხმარებელი მიმართავს მას, როგორც ტრადიციული მაღაზიების ალტერნატივას.
დაფიქრდით: ამაზონის ვებ სერვისებიდან (AWS) მიღებული შემოსავალი გასულ წელს 37%-ით – $62.2 მილიარდამდე გაზარდა, რაც კომპანიის მთლიანი შემოსავლის 13%-ს შეადგენს. AWS იმდენად მომგებიანია, რომ ამ ერთეულმა კომპანიის საოპერაციო შემოსავლის 75% უზრუნველჰყო.
გარდა ამისა, ტექნოლოგიური ბაზრის კვლევის ერთ-ერთი ჯგუფი მოელის, რომ ქლაუდ გამოთვლების ბაზარი 2025 წლამდე წლიური 17%-იანი ტემპით გაიზრდება. გაითვალისწინეთ ის ფაქტიც, რომ ამაზონი ახლა იწყებს სარეკლამო სივრცეების მიყიდვას იმ კომპანიებისთვის, რომლებიც ინტერნეტს პროდუქციის პოპულარიზაციისთვის იყენებენ. ამავდროულად ის უარს ამბობს დამაბნეველ ტრადიციულ საწარმოებზე და მისგან მხოლოდ უაღრესად ფოკუსირებული ზრდის მანქანა რჩება.
- Upstart Holdings
Upstart Holdings არის ალტერნატიული საკრედიტო რეიტინგის ბიურო. მარტივი სიტყვებით რომ ვთქვათ, Upstart, ხელოვნური ინტელექტის მხარდაჭერილი ალგორითმის გამოყენებით, ინდივიდის კრედიტუნარიანობას განსაზღვრავს. გარდა შემოსავლებისა და მიმდინარე ვალის დატვირთვისა, Upstart ასევე იყენებს ისეთ ინფორმაციას, როგორიც არის განათლების ისტორია და სხვა, ნაკლებად ტრადიციული მონაცემები.
კომპანია იტყობინება, რომ მისი დამტკიცების პროცესი იწვევს 75%-ით ნაკლებ სესხის დეფოლტს, ვიდრე შედარებითი სესხების გაცემაში ქვეყნის უმსხვილესი ბანკების გამოცდილება. გარდა ამისა, ის სესხის მიღებაში ეხმარება 26%-ით მეტ მსესხებელს, რომლებიც, სავარაუდოდ, სხვა კრედიტორების მიერ უარყოფულნი იქნებოდნენ.
Upstart Holdings იტყობინება, რომ 2021 წლის ბოლო მონაცემებით, 42 ბანკი და 150-ზე მეტი ინსტიტუციონალური კრედიტორი ეყრდნობა Upstart-ის საკრედიტო ქულების პლატფორმას. ანალიტიკოსებს სჯერათ, რომ კომპანიის მთლიანი შემოსავალი ამ წელს 65%-ით, ხოლო შემდეგ წელს თითქმის 35%-ით გაიზრდება. თქვენ შეგიძლიათ Upstart-ის აქცია ახლა ოქტომბრის პიკურ ფასზე 70%-ით ნაკლებად შეიძინოთ.
- Datadog
და ბოლოს, Datadog-ის აქციების ფასი ნოემბრის მაქსიმალური დონიდან 30%-ზე მეტით არის შემცირებული, რაც კომპანიის ისტორიის გათვალისწინებით, ძალიან კარგი ფასია.
ეს $40 მილიარდის ღირებულების პროგრამული უზრუნველყოფის კომპანია ბაზარზე 2010 წლიდან მოღვაწეობს და მას შემდეგ, შემოსავლების მნიშვნელოვან ზრდას აფიქსირებს. 2020 წლის გაყიდვების 66%-იანი ზრდის შემდეგ, წინა წლის გაყიდვებმა ეს მაჩვენებელი 70%-ით გაზარდა.
კომპანია მომხმარებლებს სთავაზობს სპეციალურად შექმნილ, ინდუსტრიისთვის სპეციფიკურ პროგრამულ უზრუნველყოფას, რომელიც ქლაუდ და კომპიუტერული ქსელების კონტროლის საშუალებას იძლევა. Datadog-ის პლატფორმები კლიენტ კომპანიებს საშუალებას აძლევს მონაცემების დამუშავებისას დატვირთვას დააკვირდეს, დაარეგისტრირონ ქსელის შეცდომები და ეს ინფორმაცია მომხმარებლისთვის ადვილად გასაგები ინტერფეისით წარმოაჩინონ. რამდენადაც სამყარო სულ უფრო ციფრული ხდება, მსგავსი პლატფორმები ნებისმიერი მსხვილი კომპანიისთვის სასურველი და საჭიროა.
