არსებობს უამრავი აქცია, რომელსაც რისკსა და ანაზღაურებას შორის მყარი ბალანსი გააჩნია. თუმცა მხოლოდ რამდენიმე კომპანიის აქცია შეიძლება ჩაითვალოს მართლაც „შეუჩერებლად“. ეს იშვიათი კომპანიები ყიდიან საქონელსა და მომსახურებას, რომლებიც მოთხოვნადია ეკონომიკური გარემოს მიუხედავად. ამ სტატიაში 3 ასეთ კომპანიას განვიხილავთ.
Alphabet
ამ კომპანიას ბევრი შესავალი ნამდვილად არ სჭირდება. სინამდვილეში, თქვენ არა მხოლოდ იცნობთ Alphabet-ს, არამედ ასევე მისი მინიმუმ ერთი სერვისის მომხმარებელი იქნებით. ეს კომპანია საძიებო სისტემების გიგანტის – Google-ის მშობელია, რომელიც, გლობალური სტატისტიკის მიხედვით, ჯერ კიდევ მსოფლიო ვებ ძიებების 91%-ს ახორციელებს. Alphabet ასევე ფლობს Youtube-ს, სადაც ყოველთვიურად, ციფრული ვიდეოების საყურებლად, 2 მილიარდზე მეტი ადამიანი შედის. პოპულარული ოპერაციული სისტემა – Android ასევე მას ეკუთვნის. Global Stats-ის ცნობით, Android მსოფლიოს მობილური მოწყობილობების 71%-ზე მეტს ამუშავებს.
Alphabet არ არის უბრალოდ ვებ კომპანია. ეს არის ინტერნეტ ინდუსტრიის ერთ-ერთი მუდმივი ცენტრი, რომელიც მომხმარებლებს კონტენტის შემქმნელებთან აკავშირებს. თითოეული ეს ძიება, ნახვა და აპლიკაციის ჩამოტვირთვა, შეიძლება, მხოლოდ მცირეოდენ შემოსავალს წარმოადგენდეს, მაგრამ, როდესაც საქმე მილიარდობით მომხმარებელს ეხება, კომპანია, შემოსავლების თვალსაზრისით, ძალიან დიდ მასშტაბებზე გადის.
მთელ მსოფლიოში კოვიდ-19-ის გავრცელებამ 2020 წლის მეორე კვარტალში კომპანიების უმეტესობა აიძულა შეემცირებინათ რეკლამა, რამაც Alphabet-ის გაყიდვების ზრდა დააზარალა, მაგრამ ეს 2010 წლის შემდეგ მხოლოდ ერთხელ მოხდა. ასეთი თანმიმდევრული წარმადობით ბევრი კომპანია ვერ დაიკვეხნის.
Upstart
Alphabet-ის სამი მოწინავე ბიზნესი კარგად არის ჩამოყალიბებული, Upstart კი ამ შკალის მეორე ბოლოშია. შედარებით უცნობი კომპანია არა მხოლოდ ახალგაზრდაა (10 წლის), არამედ გასული წლის $849 მილიონის მოცულობის შემოსავალი ნიშნავს, რომ ეს კომპანია ინვესტორების ყურადღების მისაპყრობად ძალიან მცირეა.
თუმცა Upstart-ის მცირე ზომას ან ცნობადობის ნაკლებობას თქვენი შეცდომაში შეყვანის უფლებას ნუ მისცემთ. ეს არის მიმართულება, რომლითაც საკრედიტო ბიზნესი მოძრაობს – შემოსავლის შარშანდელი 264%-იანი ზრდა ამაზე მეტყველებს.
მარტივად რომ ვთქვათ, Upstart კრედიტორებისთვის, პოტენციურ მსესხებლებს ალტერნატიული საკრედიტო ქულებით აფასებს. კომპანია, სხვადასხვა პერსონალური მონაცემების დასადგენად, ხელოვნურ ინტელექტს იყენებს, რათა დადგინდეს, თუ რამდენად სავარაუდოა, რომ ადამიანს სურს და შეუძლია სესხის გადახდა.
მართალია უცნაურად ჟღერს, მაგრამ ეს მეთოდი მუშაობს. კომპანიის მიერ ჩატარებულმა კვლევამ დაადგინა, რომ საშუალო ბანკთან შედარებით, მისი მიდგომა 75%-ით უფრო ნაკლებ საკრედიტო დეფოლტს იწვევს.
გაითვალისწინეთ, რომ Upstart-ის მცირე ზომა და ძალიან ძველი ბიზნესის კეთების მიმართ შედარებით ახალი მიდგომა, მომავალი არასტაბილურობის საფუძველია, მაგრამ თუ ამ რყევების გაძლების გამბედაობა გყოფნით, სავარაუდოა, რომ დიდი სარგებელს მიიღებთ.
Walmart
და ბოლოს, შეუჩერებელი აქციების სიას Walmart დაამატეთ. კომპანია რაიმე ზრდის ჯილდოს მოპოვებას ნამდვილად არ აპირებს. წლევანდელი გაყიდვების მოსალოდნელი 3.1%-იანი ზრდა საკმაოდ ტიპურია.
რამდენიმე წლის წინ კომპანიის სწრაფმა ზრდამ ის მოუხერხებელი გახადა, საჭირო გახდა კაპიტალური რემონტი, რაც გადაიზარდა ცარიელ თაროებსა და გულგრილ მომუშავეებში. ასევე უნდა აღინიშნოს, რომ Walmart-მა Amazon დიდი ხნის განმავლობაში კონტროლის გარეშე დატოვა და საკმაოდ გვიან მოეკიდა საკუთარ ელექტრონული კომერციის ბიზნესს სერიოზულად.
თუმცა, გაითვალისწინეთ, რომ კომპანიას მხოლოდ აშშ-ში 5,300-ზე მეტი ლოკაცია გააჩნია, რაც იმას ნიშნავს, რომ შეერთებული შტატების მოსახლეობის 95% Walmart-ის მაღაზიიდან 16 კილომეტრის მოშორებით ცხოვრობს. აშშ-ის გარეთ კი კომპანია 5,100-ზე მეტ მაღაზიას ფლობს.აღმასრულებელ დირექტორს – დაგ მაკმილონს, მტკიცედ აქვს გათვითცნობიერებული თუ რა მიმართულებით და როგორ უნდა იმოძრაოს კომპანიამ. რეალურად, სწორედ ის ხელმძღვანელობდა გაყიდვების ძალიან ძლიერ და საიმედო ზრდას მანამ, სანამ პანდემია გამოჩნდებოდა.
