ასეთი კომპანია ადვილი საპოვნელი არ არის, ეს უნდა იყოს შესანიშნავი ბიზნესი, ცვალებად სამყაროში გრძელვადიანი პოტენციალით.
აღნიშნული აქციების ფასები მათი მაქსიმალური მაჩვენებლიდან შემცირდა 28%-დან 55%-მდე.
ჩამონათვალიდან სამივე ბიზნესს აქვს წვდომა უდიდეს ბაზარზე, მათ მიაღწიეს დიდ პროგრესს ბაზარზე დომინირების მიმართულებით.
სწორედ ამ მიზეზთა გამო ახლა შეიძლება იყოს შესანიშნავი დრო მათი შეძენისათვის.
ბოლო რამდენიმე თვე არ აღმოჩნდა დიდი სარგებლის მომტანი ინვესტორებისათვის. ზოგიერთი პოპულარული აქცია 30%-ით, 50%-ით ან ბევრად მეტით შემცირდა, სავარაუდოდ ბევრი ადამიანი, მათ შორის მკითხველებშიც აღმოჩნდა ამ მდგომარეობის მსხვერპლი.
ამაში კარგი ის არის, რომ ახლა შეიძლება კარგი დრო იყოს მომთმენი ინვესტორებისა და გრძელვადიანი ინვესტიციებისათვის. სამი შესანიშნავი ბიზნესი, რომლებიც უკვე საოცრად გაიზარდა, თუმცა ბოლო პერიოდში მათი აქციების ფასები შემცირდა არის MercadoLibre (NASDAQ:MELI), Etsy (NASDAQ:ETSY) და Airbnb (NASDAQ:ABNB). ყველას აქვს ზრდის პოტენციალი და ყველა დომინირებს თავის შესაბამის ინდუსტრიაში.
ლათინური ამერიკის ელექტრონული კომერცია
MercadoLibre-ს ხშირად ლათინური ამერიკის ამაზონს უწოდებენ. მას აქვს დომინანტური პოზიცია ზოგიერთ ბაზარზე, მათ შორისაა ბრაზილია და არგენტინა. თუმცა აღნიშნული სექტორი მოთამაშეთა რაოდენობის სიმცირეს არ უჩივის. გასათვალისწინებელია კომპანიის ჩაშლებიც, Mercado Pago გადახდების პლატფორმა რომელიც ადრეულ ეტაპზე მყოფ PayPal Holdings-ს წააგავს. კომპანიის დაკრედიტების ბიზნესი დიდწილად გავს Square Capital-ის დაკრედიტების ოპერაციებს. ასევე კომპანიის შიგნით არსებობს ბიზნესის კომპონენტები, რომლებიც ახლოსაა Shopify-სა და eBay-ს საქმიანობასთან. MercadoLibre-ში ინვესტიცია გავს ინვესტირებას შეერთებულ შტატებში თანაც რამდენიმე ყველაზე წარმატებულ კომპანიაში, მაგრამ მათი ზრდის ციკლის გაცილებით ადრეულ ეტაპებზე. MercadoLibre-ს აქციის ფასი 2021 წლის მაქსიმალურთან შედარებით 45%-ზე მეტით დაეცა, თუმცა ბიზნესი სწორი მიმართულებით მიდის. კომპანია შთამბეჭდავად იზრდება და აქვს მასიური შესაძლებლობები. ახლა შეიძლება იყოს შესანიშნავი დრო, რომ დაამატოთ ის გრძელვადიან საინვესტიციო პორტფელში.
ბაზრის უზარმაზარი შესაძლებლობა
დაახლოებით შვიდი წლის წინ, რამდენიმე ანალიტიკოსი ფიქრობდა Etsy-ს გაქრობაზე, ეს მაშინ ხდებოდა როდესაც ამაზონმა გაუშვა ხელნაკეთი და უნიკალური საქონლის პლატფორმა. ახლა Etsy-ს ჰყავს 90 მილიონამდე აქტიური მომხმარებელი და რეალიზაციის მოცულობა 3 მილიარდ დოლარზე მეტია, ეს რიცხვი თუ გეცოტავებათ გეტყვით რომ ეს მხოლოდ მესამე კვარტლის შედეგია.
Etsy თვლის, რომ უნიკალური და ხელნაკეთი ონლაინ შოპინგისთვის ბაზრის ზომა დაახლოებით 100 მილიარდი დოლარისაა, ჯამურ შედეგში კი თავად გამოირჩევა 12 მილიარდ დოლარზე მეტი საქონლის წლიური გაყიდვით. მაგრამ თუ თქვენ აერთიანებთ ყველა გაყიდვას Etsy-ის საცალო კატეგორიებში (არა მხოლოდ უნიკალური ნივთები), მაშინ ბაზარი არის 250 მილიარდი აშშ დოლარის მოცულობის. ოფლაინ გაყიდვების დამატების შემთხვევაში კი რაოდენობა 1.7 ტრილიონი აშშ დოლარის ტოლია.
უფრო მეტიც, ეს ციფრები მხოლოდ Etsy-ს ეხება. ის აგრესიულად აფართოებს ბრენდის პორტფოლიოს Reverb-ის (მუსიკის ბაზარი), Depop-ის (მოდა) და Elo7-ის (ბრაზილიის Etsy-ს) შეძენით და ეს შესაძლებლობას კიდევ უფრო მიმზიდველს ხდის. აქციების 55%-ზე მეტით გაუფასურება კარგი საშუალებაა მის შესაძენად.
მოგზაურობის ახალი გზა
Airbnb-ს აქციის ფასი აქ განხილულ სამ აქციას შორის ყველაზე ნაკლებად შემცირდა, შემცირება დაახლოებით 28%-ით იყო.
2021 წლის მესამე კვარტალში Airbnb-ის პლატფორმაზე მოხდა 79,7 მილიონი დაჯავშნა, ჯავშნების მოცულობა თანხაში 11,9 მილიარდი აშშ დოლარის იყო. ამან კომპანიისთვის 2 მილიარდ დოლარზე მეტი შემოსავალი და 834 მილიონი დოლარის წმინდა მოგება მოიტანა.
მოგზაურობასთან დაკავშირებული გაქირავების ბაზარი შეფასებულია 1,2 ტრილიონი დოლარის შესაძლებლობად მთელ მსოფლიოში, გრძელვადიანი გაქირავების ჩათვლით (Airbnb-ის ყველაზე სწრაფად მზარდი შემოსავლის მიმართულება) ბაზრის ზომა 3,4 ტრილიონი დოლარია. ასე რომ, მიუხედავად იმისა, რომ Airbnb-მა მიაღწია უზარმაზარ პროგრესს, მას მაინც შეიძლება ჰქონდეს უზარმაზარი ზრდა მომდევნო წლებში.
იყიდეთ გრძელვადიან პერსპექტივაში
გასაგებად რომ ვთქვათ, ეს არის აქციები, რომლებსაც ინვესტორები, ყიდულობენ და ინარჩუნებენ წლების განმავლობაში. ისინი აღნიშნულ შემთხვევაში ძალიან კარგად იქცევიან, რადგან მათი ზრდის პროგნოზირება გრძელვადიან პერიოდში საკმაოდ მარტივია, მიუხედავად იმისა რომ არავინ იცის რა მოხდება მოკლევადიან პერიოდში. სინამდვილეში, თუ ის ფაქტორები, რომლებიც ხელს უწყობენ აქციების ზრდას – როგორიცაა ინფლაცია და მზარდი საპროცენტო განაკვეთები – აღმოჩნდება იმაზე უარესი, ვიდრე მოსალოდნელია, ისინი შეიძლება კიდევ უფრო შემცირდეს. ანალიტიკოსები დარწმუნებულნი არიან რომ სამივე მათგანი 10 წელიწადში გაცილებით მეტი ღირებულის იქნება, მაგრამ ფასებმა შეიძლება არაერთი ცვლილება განიცადოს 2022 წლის განმავლობაში.
