სავარაუდოდ, ამ კვირაში Tesla Motors-ში, Bath & Body Works-ში ან AMTD Digital-ში ინვესტირება მომგებიანი არ იქნება. მოდით, თითოეული მათგანი განვიხილოთ.
Tesla Motors
როგორც ჩანს Tesla-ს აქციები აღდგა – ამჟამად ფასი $920-ს აჭარბებს. ასეთი შედეგი ბოლო ოთხი თვის განმავლობაში პირველად ვიხილეთ. ელექტრომობილების წამყვანი მწარმოებლის აქციების ფასი საწვავის ფასის ვარდნის ფონზე იზრდება. უცნაურია, მაგრამ Tesla-ს ფასი მაღლა მიიწევს მაშინ, როდესაც აღმასრულებელმა დირექტორმა – ილონ მასკმა 5-9 აგვისტოს შუალედში თითქმის $7 მილიარდის ღირებულების აქციები გაყიდა.
გრძელვადიან პერსპექტივაში ტესლას წინააღმდეგ ფსონის დადება არ ღირს, თუმცა მოკლე ვადაში სხვა უკეთესი ინვესტიციების პოვნა შეიძლება. უნდა აღინიშნოს, აქციების 1/3 შეფარდებით დაყოფის ინფორმაცია არ ყოფილა მოულოდნელი სიახლე ან ფასების ზრდის კატალიზატორი. უნდა გაითვალისწინოთ, რომ ტესლას აქციები საკმაოდ მერყევია და არავის არავის გაუკვირდება, თუ ეს ზრდის პროცესი ხანმოკლე შესვენებას აიღებს.
Bath & Body Works
Bath & Body Woks-მა გასულ თვეში მოკლევადიანი პერსპექტივები შეამცირა. საცალო ქსელმა, რომელიც სპეციალიზებულია საპნების, სანთლების, სუნამოების და ლოსიონების წარმოებაში, განაცხადა, რომ წინა წელთან შედარებით, ფისკალურ მეორე კვარტალში გაყიდვები 6%-7%-ით შემცირდება. მანამე კომპანია დაბალ ერთნიშნა ზრდას ვარაუდობდა. მენეჯმენტმა მოგების პერსპექტივა დაახლოებით მესამედით შეამცირა. ანალოგიური შემცირება განხორციელდა მთელი წლის პერსპექტივის თვალსაზრისითაც.
Bath & Body Works კვარტალურ ანგარიშს ხვალ წარადგენს. კომპანიის მიერ მითითებების შემცირების შემდეგ ვნახეთ ინფლაციური ზეწოლა, რომელმაც საცალო მოვაჭრეებზე უარყოფითად იმოქმედა. თუმცა აქციების ფასი პროგნოზების შემცირებამდე ერთი დღით ადრე უკვე 33%-ით გაზრდილი იყო.
AMTD Digital
ციფრული გადაწყვეტების აზიური პლატფორმა გასულ წელს გამოვიდა საჯარო ასპარეზზე და მაშინ კომპანიის აქციების ფასი $7.80-ს შეადგენდა. ახლანდელი ფასი – $192.50-ს აღწევს, რაც თითქმის 25-ჯერ ზრდაა. საბაზრო კაპიტალი ჯერ კიდევ ვერ ამართლებს აქციას, რომლის შემოსავალი დაახლოებით $25 მილიონს შეადგენს. როგორც ჩანს, ამ კვირაში AMTD Digital-ის აქციების ფასი ან საგრძნობლად გაიზრდება, ან ძალიან შემცირდება. ნაკლებად სავარაუდოა, რომ ფასი უცვლელი დარჩეს.
ამ კომპანიებს წინ უსწორმასწორო გზა ელის. თუ უსაფრთხო აქციებს ეძებთ, ნაკლებად სავარაუდოა, რომ ამ კვირაში ისინი Tesla-ში, Bath & Body Works-ში ან AMTD Digital-ში აღმოაჩინოთ.
