მაშინაც კი, თუ დივიდენდურ აქციებს არ ფლობთ, მათი მიმზიდველობის შემჩნევა ადვილია – ნებისმიერ ინვესტიციას, რომელიც მოცემულ მომენტში თქვენს ჯიბეში ფულს დებს თავისი აშკარა დადებითი მხარე აქვს მაშინაც კი, თუ ეს დივიდენდები უზარმაზარი არ არის.
თუმცა არსებობს რამდენიმე საფუძვლიანი მიზეზი, რის გამოც ინვესტორებს შეიძლება სურდეთ თავიდან აიცილონ დივიდენდურ აქციებში ინვესტირება, თუნდაც მხოლოდ ამ დროისთვის. ამ სტატიაში მოცემულია 3 მიზეზი, რის გამოც მათი ყიდვა, შესაძლოა, თქვენს ინტერესებში არ იყოს.
- თქვენ ახლა შემოსავალზე მეტად ზრდა გჭირდებათ
შესაძლოა, დივიდენდური აქციების შეძენით გარკვეული შემოსავალი მიიღოთ, მაგრამ ამის ხარჯზე მზარდი პოტენციალის აქციების ფლობაზე უარის თქმით დიდი შესაძლებლობას გაუშვებთ ხელიდან.
ეს იმას არ ნიშნავს, რომ დივიდენდურ აქციებს კაპიტალის ზრდის პოტენციალი არ გააჩნია. მაგალითად, Procter & Gamble-ის აქციების ფასი 5 წლის განმავლობაში თითქმის 2-ჯერ გაიზარდა, ამას კი ემატება ამ პერიოდის განმავლობაში გაცემული $15.25-ის ტოლი დივიდენდები.
რაც შეეხება მზარდი პოტენციალის აქციებს, მაგალითად, Alphabet-ის აქციების ფასი ამავე პერიოდის განმავლობაში თითქმის 3-ჯერ გაიზარდა.
- არ გსურთ თქვენი გადასახადების გართულება (ან გაზრდა)
ინვესტორების მიერ გადასახადების გადადებისა და მინიმიზაციის მიმართულებით გაწეული ძალისხმევა სრულიად გასაგებია. თუმცა გადასახადების გადახდა ოდესღაც მაინც მოგიწევთ და თქვენი მთლიანი შემოსავლის შემცირება მხოლოდ იმისთვის, რომ საგადასახადო ტვირთი მიმდინარე წელს თავიდან აიცილოთ, სასურველი არ არის.
მეორეს მხრივ, თუ ახლა დივიდენდების შეგროვება (მაშინაც კი, თუ მათ რეინვესტირებას მიმართავთ) უფრო საგადასახადო ტვირთია, ვიდრე ღირებულება, შეიძლება უფრო ადვილი გზა ამ თავის ტკივილის არიდება იყოს.
- თქვენ უსაფრთხოების ცრუ გრძნობისკენ ხართ მიდრეკილი
დივიდენდური აქციების ფლობა ხშირად ინვესტორებს თავს იმაზე უფრო დაცულად აგრძნობინებს ვიდრე ეს რეალურ მდგომარეობას შეესაბამება.
მაგალითად, ავიღოთ Procter & Gamble. მიუხედავად იმისა, რომ კალიფორნიაში დაფუძნებული კომუნალური კომპანია იმ ბიზნესით არის დაკავებული (მომხმარებლებისთვის ელექტროენერგიის მიყიდვა), რომელიც, როგორც ჩანს, საუკეთესოდ შეეფერება საიმედო დივიდენდების გადახდის მხარდაჭერას, თავად ბიზნესი იმაზე ბევრად უფრო რთულია, ვიდრე გარეგნულად ჩანს. აღმოჩნდა, რომ კომპანია დამნაშავე იყო ტყის ხანძრების სერიაში, რომელმაც 2018-2020 წლებში კალიფორნიას დიდი ზიანი მიაყენა, რამაც, გარდა იმისა, რომ კომპანიის აქციების ფასი 80%-ით შეამცირა, Procter & Gamble-ს დივიდენდების გადახდის განუსაზღვრელი ვადით შეჩერება აიძულა. ამას არავინ მოელოდა.
დასკვნა
ეს ყველაფერი იმას არ ნიშნავს, რომ ყველა დივიდენდური აქცია ნებისმიერ ფასად თავიდან უნდა აიცილოთ. ბაზარზე მყარი დივიდენდების გადამხდელი უამრავი კომპანიაა და მათი ფლობისთვის კარგი მიზეზები არსებობს.
საქმე იმაშია, რომ თქვენი საინვესტიციო პორტფელის დივიდენდური აქციების ნაწილი ისევე უნდა იყოს დივერსიფიცირებული, როგორც მზარდი მხარე და დივიდენდების გადამხდელი კომპანიებიც რეგულარულად უნდა ამოწმოთ, რათა დარწმუნდეთ, რომ მათ კვლავ გააჩნია ის მყარი საფუძვლები, რომელმაც თავდაპირველად ყიდვის გადაწყვეტილებამდე მიგიყვანათ.
