გასული კვირა ინვესტორებისთვის რთული იყო, რადგან Dow Jones Industrial Average და S&P 500 5%-ით შემცირდა. ამ კლების უმეტესი ნაწილი იმ ახალ ამბავს მოჰყვა, რომ ინფლაცია 40 წლის მაქსიმუმს მიუახლოვდა, რაც ფედერალური სარეზერვო სისტემის (Fed) მიერ საპროცენტო განაკვეთების მომდევნო აგრესიულ ზრდაზე მიგვანიშნებს.
თუმცა, ბევრი ინდივიდუალური აქცია კარგ შედეგს აფიქსირებდა, განსაკუთრებით დადებითი კვარტალური ანგარიშის გამოქვეყნების შემთხვევაში. მოდით, გადავხედოთ სამ კომპანიას, რომელიც ამ კვირაში ანგარიშებს წარადგენს: Kroger, Jabil და Adobe.
Kroger
Kroger-ის აქციებმა დარტყმა მიიღო მას შემდეგ, რაც კონკურენტმა – Walmart-მა, გასულ თვეს, 2022 წლის მოგების პერსპექტივა შეამცირა და ხუთშაბათს [16 ივნისი] გავიგებთ, თავიდან აიცილა თუ არა სუპერმარკეტების ქსელმა მოგების ეს გამოწვევები.
არსებობს კარგი მიზეზი იმის დასაჯერებლად, რომ Kroger-ს შეუძლია თავის დიდ კონკურენტს აჯობოს. კომპანიამ გასულ კვარტალში ზრდის წყვეტა, ნაწილობრივ ახალი პროდუქტებისა და მომზადებული საკვების ნიშების გარშემო მღელვარების წყალობით აანაზღაურა. თვალი ადევნეთ შესადარებელი მაღაზიების გაყიდვებს იმაში დასარწმუნებლად, რომ Kroger-ის ბაზრის წილი იზრდება.
2022 წლის დასაწყისში Kroger-მა ხარჯები გაზარდა და ინვესტორები იმედოვნებენ, რომ, ვერტიკალურად ინტეგრირებული მიწოდების ჯაჭვის დახმარებით, კომპანია პოზიტიური იმპულსის გაზრდას შეძლებს.
Jabil
ელექტრონიკის წარმოების სპეციალისტი – Jabil თავის უახლეს კვარტალურ შედეგებს ხუთშაბათს [16 ივნისი] გამოაცხადებს. ბოლო ანგარიშის წარდგენისას კომპანიამ ყველანაირი მოლოდინებს გადააჭარბა. გაყიდვები 11%-ით გაიზარდა და კიდევ უფრო შთამბეჭდავი იყო ერთ აქციაზე მოგების (EPS) ზრდა – 23%.
ყურადღება გაამახვილეთ Jabil-ის საოპერაციო მარჟაზე იმაში დასარწმუნებლად, რომ კომპანია კვლავ სარგებლობს მზარდი მოთხოვნით სმარტფონების, ქლაუდ სერვისებისა და საავტომობილო ნიშების მიმართულებით. გასულ კვარტალში ეს მეტრიკა გაყიდვების 5%-ზე დაბალი იყო, მაგრამ ფასების ზრდის ფონზე მატების პერსპექტივა გააჩნია.
Jabil-მა 2022 წლის პერსპექტივა ჯერ კიდევ მარტში გაზარდა და მენეჯმენტი $32.6-ის ტოლ შემოსავალს პროგნოზირებს. ეს მაჩვენებელი 2021 წლისას დაახლოებით 11%-ით აჭარბებს. საინტერესოა, კომპანიის Apple-თან პარტნიორობა რამდენად დააჩქარებს მის ზრდას.
Adobe
მიუხედავად იმისა, რომ Adobe-მა გასულ კვარტალში გაყიდვებისა და ფულადი სახსრების ნაკადების ახალი რეკორდი დაამყარა, მარტის ბოლოს კომპანიის აქციების ფასი შემცირდა. ინვესტორების მთავარი საზრუნავი ის არის, რომ პანდემიის ადრეულ ფაზებზე კომპანიის ციფრულ მედიაპროდუქტებზე მოთხოვნის გაზრდის შემდეგ, მატება შენელდება.
ეს შენელება, სავარაუდოდ, Adobe-ის გრძელვადიან პერსპექტივას არ ემუქრება. კომპანია, როგორც Kroger და Jabil, კვარტალურ შედეგებს ხუთშაბათს გამოაცხადებს. მარტში კომპანიის წარმომადგენლებმა ივარაუდეს, რომ გაყიდვები დაახლოებით 15%-ით გაიზრდებოდა. პირველ კვარტალში ეს მაჩვენებელი 17%-ით გაიზარდა.
გარდა ამ რიცხვების მიღწევისა, ინვესტორები იმედოვნებენ, რომ დროთა განმავლობაში Adobe-ს შეუძლია შემოსავლის უფრო ნათელი პერსპექტივა ჰქონდეს, რადგან სულ უფრო მეტ ბიზნესსა და მომხმარებელს შემოქმედებითი სამუშაო ქლაუდ სერვისების პლატფორმებზე გადააქვს.
