სტრატეგიული ინვესტირება ყოველთვის უფრო შორს მიგიყვანთ ვიდრე – ემოციური. მაგრამ თუ ინვესტირება განერვიულებთ, მარტო არ ხართ. ბაზრები განიცდის ზრდას, ვარდნას და არასტაბილურობას წარსულში სერიოზული შედეგები მოჰყვა. საკუთარ თავზე რისკის აღება, რაც ინვესტირების დროს გარდაუვალია, შეიძლება, საშიში იყოს. მაგრამ შიში არის ემოცია, ხოლო ემოციები არის ის, რაც თქვენს საინვესტიციო გადაწყვეტილებაზე ცუდად იმოქმედებს.
Ally Invest-ის კვლევამ აჩვენა, რომ ზრდასრულთა 61%-ის აზრით საფონდო ბირჟაზე ინვესტირება საშიშია. Investopedia-ს კიდევ ერთი გამოკითხვა აჩვენებს, რომ შეძლებული მილენიალების (26-41 წლის ასაკი) ნახევარზე ნაკლები დარწმუნებულია ინვესტირებასა და საპენსიო დაგეგმვაში. მხოლოდ 37% გრძნობს, რომ ამის შესახებ ცოდნა გააჩნია.
აი როგორ უნდა იგრძნოთ თავი ინვესტირებით ნაკლებად შეშინებულად და იყოთ თქვენს გადაწყვეტილებებში ბევრად უფრო სტრატეგიულები.
- ორიენტირდით გრძელვადიან პერსპექტივაზე
ადვილია შეშფოთება მაშინ, როდესაც თქვენი აქტივები დარტყმას განიცდის. შეიძლება სულ უფრო მეტად გქონდეთ მიდრეკილება დაუყოვნებლივ დატოვოთ თქვენი პოზიციები მანამ, სანამ მდგომარეობა კიდევ უფრო გაუარესდება, მაგრამ მნიშვნელოვანია გვახსოვდეს, რომ ინვესტირება გრძელვადიანი თამაშია.
განიხილეთ თქვენი ფინანსური მომავალი. როგორია თქვენი საინვესტიციო ვადები? რაც უფრო ადრე დაიწყებთ ინვესტირებას, მით უფრო მეტი დრო ექნება თქვენს ინვესტიციას გასაზრდელად და ბაზრის ვარდნებისგან თავის დასაღწევად.
რაც მაღლა ადის, დაბლა ჩამოვა და პირიქით. ინვესტიციების საშუალო წლიური ანაზღაურება არის 10%, ასე რომ, თუ თქვენს ინვესტიციებს დროს მისცემთ, სარგებლის მიღებას შეძლებთ.
- ინვესტიცია ჩადეთ სტრატეგიებში და არა აქციებში
შიშის მსგავსად, სიხარბე კიდევ ერთი ემოციაა, რომელსაც შეუძლია იმოქმედოს ინვესტიციის გრძელვადიან ანაზღაურებაზე. ინვესტირებიდან ემოციის გამორიცხვის ერთ-ერთი გზა არის ინვესტირება სტრატეგიებში და არა აქციებში. როდესაც ირჩევთ აქციებს, დიდ დროს ხარჯავთ კომპანიის რეალურად შესწავლაში და მასში ინვესტირება თქვენთვის არა მხოლოდ ფინანსური, არამედ ემოციური პროცესიც არის. მაგრამ როდესაც ინვესტიციას სტრატეგიაში დებთ, თქვენ დგამთ ნაბიჯებს ბაზრებზე და არა ცალკეულ აქციებზე დაყრდნობით.
ბევრად უფრო ადვილია წონასწორობის შენარჩუნება, როდესაც დივერსიფიცირებულ საინვესტიციო პორტფელს ფლობთ. პორტფელის დივერსიფიკაცია გულისხმობს თქვენი ინვესტიციების სხვადასხვა ტიპის აქტივებზე ან ინდუსტრიებზე გადანაწილების პრაქტიკას, რათა ერთი ტიპის აქტივზე ან ცალკეულ ინდუსტრიაზე დამოკიდებულება თავიდან აირიდოთ. კვლევამ აჩვენა, რომ საშუალოდ, 25 ან მეტი წლის განმავლობაში, კარგად დივერსიფიცირებულ პორტფელს უფრო საიმედო შემოსავალი მოაქვს, ვიდრე – არადივერსიფიცირებულს.
- სტრატეგიული საინვესტიციო გადაწყვეტილებები მისაღებად AI გამოიყენეთ
ფინანსები მრავალი ადამიანის ყოველდღიური სტრესის საფუძველია. მრავალი კვლევის მიხედვით, ფულის მართვამ, შეიძლება, ადამიანის ფსიქიკურ ჯანმრთელობას დიდი ზიანი მიაყენოს. ადამიანი ემოციური არსებაა და ჩვენი ემოციების საინვესტიციო პროცესისგან განცალკევება, შესაძლოა, ადვილად ჟღერდეს, მაგრამ, რეალურად, ამის გაკეთება საკმაოდ რთულია.
ამიტომაც არის AI-ს (ხელოვნური ინტელექტი) გამოყენებით ინვესტირება მნიშვნელოვანი. ხელოვნური ინტელექტის სტრატეგიები ინვესტორებს ბაზარზე უფრო გონივრული ნაბიჯების იდენტიფიცირებაში ეხმარება. ეს იმიტომ ხდება, რომ AI საშუალებას გაძლევთ მიიღოთ უფრო დასაბუთებული, ინფორმირებული და ლოგიკაზე დაფუძნებული გადაწყვეტილებები. ლოგიკაზე, რომელიც მომდინარეობს ღრმა შესწავლის ალგორითმებიდან, რომლებიც თქვენთვის ციფრებს ამუშავებს.
ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა, გამოიწვიოს არსებითი დანაკარგები, ისევე როგორც – მოგება. ამიტომ, დეტალურად უნდა გააანალიზოთ, რამდენად მისაღებია ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა, აიღოთ თანხის დაკარგვის მაღალი რისკი. ვაჭრობის/ინვესტირების განხორციელება არანაირი ფორმით არ უზრუნველყოფს მოგებას.
