შაბათს, 17 თებერვალს 14:00 საათზე თბილისში, Hilton-ში (მის: ჭავჭავაძის 64ა. დარბაზი — Magnolia), ჭავჭავაძის 64ა-ში, გაიმართება Investhub-ის ლექცია-მასტერკლასი — „ინვესტირების ანბანი — როგორ დავიწყოთ ინვესტირება მარტივად?“, სადაც G&T-ის ასოცირებული ბროკერი — ნიკოლოზ მაზანაშვილი ისაუბრებს შემდეგ საკითხებზე:
- რატომ არის ინვესტირება სარგებლის მომტანი?
- რამდენად მარტივია ამჟამად საქართველოში საფონდო ბირჟაზე ინვესტირების დაწყება?
- როგორ უნდა გავხდეთ ცნობილი კომპანიების (მაგ. Tesla, Google, Microsoft და სხვა.) აქციონერი?
- რომელ საინვესტიციო პროდუქტებში შეგვიძლია თანხის დაბანდება?
ღონისძიებაზე სტუმრები მიიღებენ საბაზისო ცოდნას, რომელიც მათ ინვესტირების დაწყებაში დაეხმარება, ამასთან გაიგებენ გასული წლის საბაზრო ტენდენციების და 2024 წლის მოლოდინების შესახებ. შეხვედრის ბოლოს დამსწრეებს კითხვების დასმის საშუალებაც მიეცემათ.
ღონისძიებაზე დასწრება უფასოა, ხანგრძლივობა — 2სთ. დასასწრებად აუცილებელია, გაიაროთ რეგისტრაცია ბმულზე. ადგილების რაოდენობა შეზღუდულია, ამიტომ ღონისძიებაზე დაიშვებიან მხოლოდ ის ადამიანები, რომლებიც რეგისტრაციისას მითითებულ ელფოსტაზე მოსაწვევებს მიიღებენ. ამასთან, გაითვალისწინეთ, რომ ბმულზე რეგისტრაციების მიღება შეწყდება პარასკევს, 16 თებერვალს, 15:00 საათზე.
