საინტერესო ფაქტები პიტერ თიელის შესახებ

პიტერ თიელი, გერმანელ-ამერიკელი ანტერპრენერი და ინვესტორი, 1967 წლის 11 ოქტომბერს ფრანკფურტში, დასავლეთ გერმანიაში დაიბადა. მან დააარსა ელექტრონული კომერციის გადახდების კომპანია — PayPal და პროგრამული უზრუნველყოფის ფირმა — Palantir Technologies. პიტერმა ასევე ჩადო ინვესტიცია რამდენიმე მნიშვნელოვან საწარმოში, მათ შორის Facebook-ში. დღეს კი მის შესახებ საინტერესო ფაქტებს შემოგთავაზებთ.

• სკოლაში პიტერი მათემატიკას სწავლობდა და პირველად კალიფორნიის მასშტაბით მათემატიკის კონკურსში გამოიჩინა თავი.
• სტენფორდის სამართლის სკოლის დამთავრების შემდეგ ტიელი მუშაობდა იურისტად, შემდეგ კი ფასიანი ქაღალდების ადვოკატად ნიუ-იორკში. თუმცა პიტერმა იგრძნო, რომ ეს ორი მიმართულება მისთვის მნიშვნელოვანი არ იყო და კალიფორნიაში დაბრუნდა.
• მეგობრებისა და ოჯახის ფინანსური მხარდაჭერის წყალობით, მან შეძლო $1 მილიონის მოზიდვა, რათა დაეარსებინა Thiel Capital Management და ვენჩურული კაპიტალის კარიერა დაეწყო.
• პიტერს სურდა შეექმნა ციფრული საფულე, რომელიც მომხმარებლებისთვის მეტ კომფორტსა და უსაფრთხოებას უზრუნველყოფდა. სწორედ ამ მიზნით, მან 1999 წელს შექმნა PayPal.
• 2003 წლის მაისმა პიტერმა დააფუძნა Palantir Technologies — მონაცემთა ანალიზის კომპანია. თავდაპირველად, Palantir-ის ერთადერთი მხარდამჭერი იყო ცენტრალური სადაზვერვო სააგენტოს საწარმოს კაპიტალის ფილიალი — In-Q-Tel, მაგრამ კომპანია სტაბილურად იზრდებოდა და 2015 წელს $20 მილიარდად შეფასდა, პიტერი კი მისი უმსხვილესი აქციონერი იყო.
• 2004 წლის აგვისტოში მან $500.000 ჩადო Facebook-ში, რის შედეგადაც კომპანიის 10.2%-იანი წილი მიიღო და დირექტორთა საბჭოს შეუერთდა. Facebook-ის გარდა პიტერმა სხვა მრავალ კომპანიაში ჩადო საწყის ეტაპზე ინვესტიციები, ესენია: LinkedIn, Booktrack, Slide, Friendster, RapLeaf, Geni, Yammer, YelpInc, Powerset და Practice Fusion.
• მას სჯერა, რომ კონკურენცია ახშობს პროგრესს, როგორც კი ის თავისთავად მიზნად იქცევა: „კონკურენტები მიდრეკილნი არიან დაივიწყონ ის საგნები, რომლებიც მეტოქეობის მიზეზია და უფრო მეტად ხდებიან ერთმანეთით მოჯადოებულნი“.
• შეერთებული შტატების ჭადრაკის ფედერაციამ პიტერს ოსტატის წოდება მიანიჭა. როგორც ამბობენ, მან გამოიყენა საჭადრაკო კონცეფციები, რათა მილიარდერი გამხდარიყო.