არც ერთი ინვესტორი არ არის სრულყოფილი და თითოეული ჩვენგანი, სავარაუდოდ, მიიღებს საინვესტიციო გადაწყვეტილებას, რომელსაც მომავალში ინანებს. თუმცა, არსებობს რამდენიმე შეცდომა, რომელიც მრავალმა ინვესტორმა წარსულში დაუშვა და ახლა მათ მაგალითზე სწავლა შეგიძლიათ. ამ სტატიაში მოცემულია სამი კრიტიკული საინვესტიციო შეცდომა, რომლის დაშვებასაც ნებისმიერ ფასად უნდა მოერიდოთ.
- საგანგებო ფონდის შექმნის გარეშე ინვესტირება
ინვესტირება ძალიან მნიშვნელოვანია, თუმცა უფრო მნიშვნელოვანია, რომ გაგაჩნდეთ გარკვეული ფინანსური დაზღვევა იმ შემთხვევისთვის, თუ თქვენს ცხოვრებაში რაიმე არასწორად წარიმართება. ამიტომ, სანამ ინვესტირებას დაიწყებთ, აუცილებლად შექმენით საგანგებო ფონდი. იმის გასაგებად, თუ რა მოცულობის საგანგებო ფონდი უნდა შეადგინოთ, პირველ რიგში თქვენი ყოველთვიური ხარჯები გამოითვალეთ. ამის შემდეგ, თქვენი მიზანი უნდა იყოს 3-დან 6-თვემდე ხარჯების დასაფარად საკმარისი დანაზოგის შექმნა.
თუ მარტო ცხოვრობთ და მხოლოდ საკუთარ საარსებო წყაროზე ხართ პასუხისმგებელი, შესაძლოა, 3 თვეზე ორიენტირება საკმარისი აღმოჩნდეს, თუმცა, თუ ოჯახი გყავთ, მინიმუმ 6 თვის ხარჯების დასაფარად საკმარისი საგანგებო ფონდი უნდა შექმნათ.
არასოდეს იცით, როდის შეიცვლება თქვენი ცხოვრება. შესაძლოა, მანქანა გაგიფუჭდეთ, სახლს შეკეთება დასჭირდეს ან მოულოდნელად სამსახური დაკარგოთ. რაც არ უნდა მოხდეს, ძალიან მნიშვნელოვანია, რომ მშვიდად ყოფნა შეგეძლოთ, რაც ფინანსურ უსაფრთხოებას მოაქვს. თქვენთვის არახელსაყრელია ისეთ სიტუაციაში აღმოჩენა, როდესაც ხარჯების დასაფარად აქციების გაყიდვა მოგიწევთ, რადგან, შესაძლოა, თქვენი პოზიციების ზარალით გაყიდვა მოგიწიოთ.
- მხოლოდ ინდივიდუალურ აქციებში ინვესტირება
ინვესტირების ერთ-ერთი მთავარი საყრდენი დივერსიფიკაციაა. როგორც ამბობენ, ყველა კვერცხი ერთ კალათში არ უნდა მოათავსოთ. თქვენი საინვესტიციო წარმატება მხოლოდ რამდენიმე კომპანიაზე არ უნდა იყოს დამოკიდებული. დივერსიფიკაციის მიღწევის ერთ-ერთი საუკეთესო გზა საინდექსო ფონდებში ინვესტირებაა. მაგალითად, აიღეთ საინდექსო ფონდი, რომელიც S&P 500-ის წარმადობას იმეორებს. S&P 500 შედგება 500 უმსხვილესი ამერიკული კომპანიისგან და მოიცავს ნებისმიერ სექტორს, რომლის წარმოდგენაც შეგიძლიათ. თუ ინვესტიციას S&P 500-ის საინდექსო ფონდში ახორციელებთ, თქვენ მყისიერი დივერსიფიკაციის შესაძლებლობა გეძლევათ. გარდა ამისა, ამ ინვესტიციით თავს არიდებთ იმ დიდი მოცულობის სამუშაოს, რომელსაც ინდივიდუალური აქციების შერჩევა საჭიროებს.
არსებობს საინდექსო ფონდები, რომლებიც ინვესტიციის მრავალ სხვა ასპექტზეა ფოკუსირებული, იქნება ეს კომპანიის ზომა, ინდუსტრია, თუ ESG (გარემოსდაცვითი, სოციალური და მმართველობითი). სხვადასხვა საინდექსო ფონდების გამოყენებულა თქვენი საინვესტიციო პორტფელის დივერსიფიკაციის დონეს საგრძნობლად გაზრდის.
- ბაზართან სინქრონიზების მცდელობა
შესაძლოა, ინვესტორებმა იფიქრონ, რომ ბაზართან სინქრონიზება შეუძლიათ, მაგრამ, მკაცრი რეალობა ის არის, რომ, გრძელვადიან პერსპექტივაში, ეს შეუძლებელია. თქვენ, შეიძლება, ეს მოკლევადიან პერიოდში მოახერხოთ, თუმცა ეს არ არის სტრატეგია, რომელსაც დაეყრდნობით. ამის ნაცვლად, სჯობს დოლარის ღირებულების გაშუალებების სტრატეგიაზე ორიენტირდეთ.
დოლარის ღირებულების გაშუალდება არის შესანიშნავი საინვესტიციო სტრატეგია, რომელიც რეგულარულ ინტერვალებში კონკრეტული თანხების ინვესტირებას გულისხმობს და არ აქვს მნიშვნელობა, თუ რა ღირს ესა თუ ის აქცია მოცემულ მომენტში. ეს სტრატეგია ინვესტირების პროცესიდან ემოციებს გამორიცხავს, რაც მაღალი ცვალებადობის პირობებში განსაკუთრებით მნიშვნელოვანია. დოლარის ღირებულების გაშუალედების სტრატეგიის დროს გამოყენებული შუალედები თქვენზეა დამოკიდებული, ეს შეიძლება იყოს ყოველკვირეული, ყოველთვიური, კვარტალური და სხვა შუალედებით ინვესტირება. მნიშვნელოვანია, რომ განსაზღვროთ და დაიცვათ კონკრეტული განრიგი.
