ROI (Return on Investment/განხორციელებული ინვესტიციიდან მიღებული სარგებელი) არის ფინანსური საზომი, როგორც წესი, გამოხატული პროცენტით ან კოეფიციენტით, რომელიც ზომავს დროთა განმავლობაში თქვენი ინვესტიციების მომგებიანობას.
- შეგიძლიათ გამოთვალოთ რამდენიმე ტიპის ROI, რათა გაითვალისწინოთ ისეთი ფაქტორები, როგორიც არის გადახდილი საკომისიო, გამომუშავებული დივიდენდები და რთული პროცენტის ეფექტი.
- ძირითადი ROI-ის გამოსათვლელად, ინვესტიციის საბოლოო ღირებულებას გამოაკელით ინვესტიციის საწყისი ღირებულება, მიღებული სიდიდე შეაფარდეთ თქვენი ინვესტიციის ღირებულებაზე და შედეგი 100%-ზე გაამრავლეთ.
- ისტორიული მონაცემების გათვალისწინებით თუ ვიმსჯელებთ, რაც უფრო ადრე ჩადებთ ინვესტიციას, მით უკეთეს ანაზღაურებას მიიღებთ. მაგალითად, 1957 წლიდან თანამედროვე S&P 500-ის ანაზღაურება თითქმის 1000%-ს შეადგენს, ხოლო 1971 წლიდან Nasdaq Composite-ის – თითქმის 14,000%-ს.
ინვესტირება ხშირად მდიდრების ინსტრუმენტად განიხილება. მაგრამ, სინამდვილეში, მათთვის, ვინც ჯერ არ გამდიდრებულა, ინვესტირება სიმდიდრის დაგროვების მნიშვნელოვანი კომპონენტია.
რა თქმა უნდა , ყველა ვინც ინვესტიციას დებს ავტომატურად მდიდარი არ ხდება. თუმცა თითქმის ყველა, ვინც ორმოცდაათი წლის განმავლობაში ინვესტირებით არის დაკავებული, უფრო მდიდარი ხდება ვიდრე ის, ვინც ამას არ აკეთებს.
ამის ერთ-ერთი ყველაზე დიდი მიზეზი ის არის, რომ ინვესტიციების ზრდა ინფლაციისგან მუდმივი ჰეჯირების ძალიან ეფექტური გზაა. გარდა ამისა, მიუხედავად პერიოდული ეკონომიკური ვარდნისა, ბაზარი, ისტორიულად, საბოლოოდ ყოველთვის წარმატებული წარმადობით ხასიათდება და დიდ წაგებასთან ერთად დიდი მოგების მიღების შესაძლებლობაც არსებობს. ROI კი არის ყველაზე დიდი არგუმენტი იმისა, თუ რატომ უნდა ჩადოთ ინვესტიცია (და ადრეული ინვესტირება, თუ ეს შესაძლებელია).
რას ნიშნავს ROI?
თქვენი ROI ან ინვესტიციის დაბრუნება, არის ფინანსური მეტრიკა (ჩვეულებრივ გამოხატული პროცენტულად), რომელიც თქვენი ინვესტიციების პოტენციურ და რეალურ მომგებიანობას ზომავს დროთა განმავლობაში.
ROI-ის გამოყენების გათავისება განსაკუთრებით მნიშვნელოვანია თვითმართული ინვესტორებისთვის, რადგან ამ მაჩვენებელს შეუძლია მათ მიაწოდოს მნიშვნელოვანი ინფორმაცია, რომელიც საინვესტიციო გადაწყვეტილებების მიღებაში დაეხმარება.
მოდით, პირველ რიგში საბაზისო გამოთვლები განვიხილოთ.
ROI-ს გამოთვლა
ROI-ის ფუნქცია არის შეადგინოს თანაფარდობა, რომელიც თქვენი ინვესტიციის პროცენტულ დანაკარგს ან მოგებას წარმოადგენს. შეგიძლიათ ROI-ის რამდენიმე ტიპი გამოთვალოთ, მაგრამ მოდით, უბრალოდ ძირითად ფორმულად შევხედოთ:
დავუშვათ, ყიდულობთ iLuvDogs 100 აქციას $1.50-ად, გამოდის რომ მთლიანი ინვესტიცია $150-ს შეადგენს. ერთი წლის შემდეგ თითო აქციას $5-ად ყიდით. თქვენი ROI-ის გამოსათვლელად, ცვლადები ზემოთ მოცემულ ფორმულაში შემდეგნაირად უნდა ჩასვათ:
განტოლების გასამარტივებლად:
რა თქმა უნდა, თქვენი გამოთვლები იშვიათად იქნება ასეთი მარტივი. უფრო რთული ROI ფორმულები, შეიძლება, შეიცავდეს ისეთ ფაქტორებს, როგორებიც არის საინვესტიციო ხარჯები (საკომისიო, საბროკერო გადასახადი და ა. შ.) გადასახადები, მიღებული დივიდენდები და ა. შ. ამ განტოლებების საბაზისო მონახაზი ასე გამოიყურება:
ამ განტოლების მრიცხველში ამატებთ ან აკლებთ ნებისმიერ შესაბამის შემოსავალს ან ხარჯს, რათა გამოთვალოთ თქვენი წმინდა მოგება, იმის მიხედვით, თუ რომელი ტიპის ROI-ის გამოთვლა გსურთ.
ახლა შეგიძლიათ გადახედოთ საკუთარ ინვესტიციებს და განსაზღვროთ ROI ან გადააფასოთ თქვენი საინვესტიციო სტრატეგიები.
