რთული პროცენტი არის სიმდიდრის დაგროვების ერთ-ერთი ყველაზე მნიშვნელოვანი კომპონენტი. ეს მძლავრი ინსტრუმენტი თქვენი ანგარიშების ზრდას დააჩქარებს.
მოკლედ რომ ვთქვათ, რთული პროცენტი არის გამომუშავებული ფულის რეინვესტირება სესხზე ან დეპოზიტზე. ის გამოითვლება რეგულარულ, განსაზღვრულ ინტერვალებში და ყოველი ახალი პერიოდი ითვალისწინებს წინა პერიოდის ნებისმიერ დაგროვილ პროცენტს.
სხვა სიტყვებით, ეს არის „პროცენტის პროცენტი“, რაც თქვენს ბალანსს ჩვეულებრივ პროცენტზე უფრო სწრაფად ზრდის. ასეთ დროს, წლიური საპროცენტო განაკვეთის დარიცხვა პერიოდის განმავლობაში რამდენჯერმე ხდება, გარდა ამისა, ყოველი შემდეგი დარიცხვა ძირი თანხისა და უკვე დარიცხული პროცენტის ჯამზე ხორციელდება. მარტივი პროცენტი გამოითვლება მხოლოდ თავდაპირველი დეპოზიტის ან სესხის თანხის მიხედვით.
როგორ გამოითვლება რთული პროცენტი?
რთული პროცენტის გამოთვლა საკმაოდ მარტივია, როდესაც განტოლების დაშლა შეგიძლიათ. მიუხედავად იმისა, რომ ეს საშიშად გამოიყურება, მთავარია სწორი ცვლადები ჩასვათ შემდეგ განტოლებაში:
A = P(1+(r/n))(nt)
ამ ფორმულაში:
- A = თქვენი საბოლოო ბალანსი
- P = თქვენი ძირითადი, საწყისი ბალანსი
- r = თქვენი წლიური საპროცენტო განაკვეთი, გამოხატული ათწილადებში (1% = 0.01 და ა. შ.)
- n = რა სიხშირით აგროვებთ წელიწადში პროცენტს (დღიური დაგროვება = 365; ნახევარწლიური დაგროვება = 2 და ა. შ.)
- t = თქვენი დროის პერიოდი წლების განმავლობაში (1 წელი = 1; 6 თვე = 0.5 და ა. შ.)
მოდით, ეს ფორმულა მაგალითის მიხედვით გავაანალიზოთ. დავუშვათ, ₾10,000 შეიტანეთ 10-წლიან დეპოზიტზე, რომელიც ყოველდღიურად 5%-ის ოდენობით წლიურ პროცენტს გამოიმუშავებს. ამ მაგალითში:
- P = ₾10,000
- r = 0.05
- n = 365
- t = 10
შესაბამისად, თქვენი ფორმულა ასეთ სახეს მიიღებს:
A = ₾10,000(1+(0.05/365))(365)x(10) = ₾16,486.65სხვა სიტყვებით რომ ვთქვათ, 10 წლის განმავლობაში, თქვენი ანგარიშის ბალანსი ₾16,486.65-მდე გაიზრდება. გამოდის, რომ საწყის თანხას პროცენტების სახით ₾6,486.65 დაემატება.
შეგვიძლია იგივე მაგალითი გამოვიყენოთ და ამ შემთხვევაში გავიგოთ, რა შეიცვლება, თუ პროცენტის გამომუშავება არა ყოველდღიური, არამედ წლიური იქნება:
A = ₾10,000(1+(0.05/1))(1)x(10) = ₾16,288.95ამ შემთხვევაში თქვენი ანგარიში ₾16,288.95-მდე გაიზრდება, ანუ 10 წლის განმავლობაში, წინა შემთხვევასთან შედარებით, პროცენტების სახით დაახლოებით ₾200-ით ნაკლები დაგერიცხებათ.
რას ნიშნავს ეს თქვენთვის?
რთული პროცენტით სარგებლობის საუკეთესო გზა დაზოგვა და ინვესტირებაა. რაც უფრო ადრე შეუდგებით ამ საქმეს, მით უფრო მეტი დრო გექნებათ სიმდიდრის დასაგროვებლად.
შემნახველი ანგარიშები თქვენი მოკლევადიანი დანაზოგისთვის ღირებულ თავშესაფარს წარმოადგენს. მაღალშემოსავლიან შემნახველ ანგარიშებს, ფულის ბაზრის ანგარიშებს და სადეპოზიტო სერტიფიკატებს (CD) შეუძლია საპროცენტო განაკვეთი თქვენს სასარგებლოდ მომართოს. მთავარია იპოვოთ ანგარიშები მინიმალური გადასახადებით, უფრო მაღალი წლიური საპროცენტო სარგებელით (APY) და პროცენტის უფრო ხშირი დარიცხვის გრაფიკით.
თუმცა საუკეთესო ანგარიშების საპროცენტო განაკვეთებიც კი ფერმკრთალია საფონდო ბირჟის ანაზღაურებასთან შედარებით, რომელიც საშუალოდ 9%-10%-ს შეადგენს (ინფლაციის გარეშე).
ამრიგად, თუ ნამდვილად გსურთ სიმდიდრის შექმნა და თქვენი შემოსავლის პოტენციალის ათვისება, ინვესტირება – იქნება ეს საპენსიო თუ საბროკერო ანგარიშზე – თქვენი საუკეთესო მეგობარია. მოძებნეთ რისკის მიხედვით მორგებული ანგარიშები მინიმალური საკომისიო გადასახადითა და დივიდენდის ავტომატური რეინვესტირებით, რათა თქვენი შემოსავალი გაზარდოთ.
