“Average ticket” არის მეტრიკა, რომელიც თითო მომხმარებლის მიერ ერთ ვიზიტზე დახარჯული თანხას გვიჩვენებს. ეს მაჩვენებელი გამოითვლება მოცემულ პერიოდში დაფიქსირებული მთლიანი გაყიდვების გაყოფით იმ ვიზიტების რაოდენობაზე, რომლებიც მომხმარებლის მიერ განხორციელებული შესყიდვით დასრულდა.
ეს მეტრიკა გამოიყენება მრავალი კომპანიის მიერ ბიზნეს საქმიანობის, გაყიდვების აქტივობისა და მომგებიანობის ანალიზისას.
“Average Ticket”-ის გააზრება
“Average ticket” არის ბიზნესის წარმადობის მეტრიკა, რომელიც კომპანიებს ეხმარება, გააანალიზონ გაყიდვები და ტენდენციები. მას ხშირად აქვეყნებენ საცალო ვაჭრობის კომპანიები, საკრედიტო ბარათების გამყიდველები და ბროკერები/დილერები. ტერმინი “ticket” გულისხმობს მომხმარებლის მიერ განხორციელებულ შესყიდვას თითოეული ვიზიტისას და სიტყვიდან გამომდინარე არ უნდა დავასკვნათ, რომ ის აუცილებლად კონცერტის, თვითმფრინავის ან თეატრის ბილეთებთან არის დაკავშირებული.
“Average ticket”-ის გამოთვლა კომპანიების მმართველ გუნდებს ეხმარება, გაიაზრონ გაყიდვების ტენდენციები და ბიზნესის მთლიანი მომგებიანობა. კომპანიები “average ticket”-ის გამოსათვლელად დროის განსხვავებულ ჩარჩოებს იყენებენ. ზოგადად, ფირმები აქვეყნებენ სხვა სტატისტიკასაც, რომელიც ამ მაჩვენებლის დიაპაზონის დადგენაში გვეხმარება. ესენია: “lowest ticket”, “highest ticket” და “median ticket”.
“Average Ticket”-ის გამოთვლა
ამ მაჩვენებლის გამოსათვლელად, უნდა მენეჯმენტმა უნდა დაადგინოს კომპანიის მთლიანი გაყიდვები იმ პერიოდისთვის, რომლის შეფასებაც სურს. ამ ინფორმაციის მოძიების შემდეგ, მიღებული მაჩვენებელი იმავე პერიოდში განხორციელებული გაყიდვების რაოდენობაზე უნდა გაიყოს. ფორმულა ასე უნდა გამოიყურებოდეს:
“Average Ticket” = მთლიანი გაყიდვები (დოლარებში)/გაყიდვების რაოდენობა
ასე რომ, თუ თვეში კომპანიის წმინდა გაყიდვებმა $50,000-ს მიაღწია, ხოლო გაყიდვების რაოდენობამ — 1,000-ს, მაშინ “average ticket” $50-ს გაუტოლდება.
მაგალითები
საცალო ვაჭრობის კომპანიები, როგორიც არის, Home Depot, თავიანთ კვარტალურ ანგარიშებში “average ticket”-საც ითვალისწინებენ. მაგალითად, 2021 წელს ამ მაჩვენებელმა $83.04-ს მიაღწია, ხოლო 2020 წელს — $74.32-ს.
საკრედიტო ბარათების კომპანიებიც ასევე აქტიურად იყენებენ ამ მეტრიკას. მათ შემთხვევაში “average ticket” მომხმარებლების საკრედიტო ბარათებიდან ჩამოჭრილ საშუალო თანხას გულისხმობს. მაგალითად, 2021 წელს American Express-ის “average ticket”-მა გლობალურად $20.392-ს მიაღწია.
