როდესაც ბაზარი ისე მკვეთრად ეცემა, როგორც ეს 2022 წლის პირველ ნახევარში მოხდა, შესაძლოა, ინვესტირება ძალიან რთული ჩანდეს. როცა ხედავთ, როგორ მცირდება თქვენი საინვესტიციო პორტფელის ღირებულება, ისეთი შეგრძნება გეუფლებათ, თითქოს თქვენი სამომავლო მიზნები თქვენს თვალწინ ქრება. მიუხედავად ამისა, არსებობს გონივრული სტრატეგია, რომელიც ამ ყველაფრის გადალახვაში დაგეხმარებათ.
მოაწესრიგეთ თქვენი ფინანსური მდგომარეობა
Bear ბაზრები ხშირად იწვევს სამუშაო ადგილების დაკარგვას. მაშინაც კი, თუ სამსახურს შეინარჩუნებთ, შესაძლოა, მოულოდნელი ხარჯები გამოგიჩნდეთ. სწორედ ამიტომ, მნიშვნელოვანია, შექმნათ საგანგებო ფონდი, რომელიც გარკვეული ხარჯების წარმოქმნის შემთხვევაში თქვენი ინვესტიციების გაყიდვას აგარიდებთ თავიდან.
საგანგებო ფონდის გარდა, ვალის კონტროლი მნიშვნელოვანი ფაქტორია. თუ ვალის არსებობს შემთხვევაში ინვესტირება გსურთ, ამ ვალს სამი ძირითადი მახასიათებელი უნდა ჰქონდეს: დაბალი საპროცენტო განაკვეთი; მისი დაფარვა თქვენი ცხოვრების სტილს საფრთხეს არ უნდა უქმნიდეს; ის თქვენს მომავალში საკვანძო როლს უნდა თამაშობდეს.
გაიაზრეთ, რას ნიშნავს აქცია რეალურად
აქციები სხვა არაფერია თუ არა კომპანიის წილობრივი საკუთრება. ეს აქცია ღირებულებას დროთა განმავლობაში კომპანიის წარმადობისა და პერსპექტივის მიხედვით იღებს.
როდესაც bear market-ის დროს კომპანიის აქციების ფასი ეცემა, საკუთარ თავს ჰკითხეთ, თუ რატომ ხდება ეს. მიზეზი შეიძლება იყოს კომპანიის პერსპექტივის გაუარესება ან ბაზარზე არსებული პანიკა. თუ კომპანიის მომავალი კვლავ მყარად გამოიყურება, მაგრამ მისი აქციების ფასი დაბალია, შესაძლოა, ეს ინვესტირებისთვის შესანიშნავი შანსი იყოს.
გააცნობიერეთ, რომ ყოველთვის სწორი ნაბიჯის გადადგა შეუძლებელია
მიუხედავად იმისა, რომ დროთა განმავლობაში სიმდიდრის დასაგროვებლად ინვესტირება შესანიშნავი გზაა, ვერცერთი ინვესტორი ვერ მოქმედებს ბაზარზე იდეალურად, უორენ ბაფეტიც კი. ამიტომ, შეეგუეთ იმ აზრს, რომ შესაძლოა შეცდომები დაუშვათ. გარდა ამისა, მაშინაც კი, თუ სწორ გადაწყვეტილებას მიიღებთ, შეიძლება, კომპანიების პერსპექტივები მოულოდნელად გაუარესდეს.
შედეგად, მნიშვნელოვანია თქვენი ინვესტიციებისადმი დივერსიფიცირებული მიდგომა. დივერსიფიკაცია უარყოფითი შედეგებისგან ვერ დაგიცავთ, მაგრამ თქვენს პორტფელზე კონკრეტული კომპანიის მდგომარეობის გაუარესების ეფექტს შეამცირებს. ეს არის მნიშვნელოვანი ნაწილი იმაში, რომ bear market-ის დროს ინვესტიციებში დარჩენა შეძლოთ.
გრძელვადიანი პერსპექტივა
ამ ყველაფერთან ერთად მნიშვნელოვანია, რომ გრძელვადიანი ხედვა შეინარჩუნოთ, რადგან ბაზარს აღსადგენად დრო სჭირდება, ამიტომ მოთმინება გამოიჩინეთ.
გრძელვადიან პერსპექტივაში კომპანიის საბაზრო ფასი მის ფუნდამენტურ ბიზნეს სიძლიერეს უნდა პასუხობდეს და არა ბაზრის სენტიმენტებს. ზემოთ ჩამოთვლილ ნაბიჯებთან ერთად, bear market-ის დროს მოთმინების გამოჩენით და გრძელვადიანი მიდგომის შენარჩუნებით შეძლებთ, რომ ეს რთული პერიოდი გადალახოთ.
