Shark Tank-ის თანაწამყვანი — ბარბარა კორკორანი ცნობილია 2001 წელს თავისი ბიზნესის — The Corcoran Group-ის $66 მილიონად გაყიდვით. შესაძლოა, ტელევიზიიდან მას ბევრი ადამიანი იცნობდეს, მაგრამ დღეს ლეგენდარული ანტერპრენერის შესახებ ნაკლებად ცნობილ ფაქტებს შემოგთავაზებთ.
- ბარბარამ, ისევე როგორც ბევრმა სხვამ, ბიზნეს სამყაროში მოღვაწეობა მცირე თანხით დაიწყო. მან 1973 წელს საცხოვრებელი უძრავი ქონების კომპანია — Corcoran Group მხოლოდ $1,000-ით დააარსა და ნელ-ნელა ის $6 მილიარდიან ბიზნესად აქცია.
- მას ყოველთვის ანტერპრენერობა არ სურდა. ბარბარამ 1971 წელს წმინდა თომას აქვინელის კოლეჯი დაამთავრა განათლების სფეროში ხარისხით. ერთწლიანი სწავლების შემდეგ იგი ნიუ-იორკში, ახალი შესაძლებლობების საძიებლად, გადავიდა .
- ბარბარამ თავიდანვე გააცნობიერა მომხმარებლისთვის კონკურენტებზე მეტი ღირებულების შეთავაზების მნიშვნელობა. სწორედ ამიტომ, 1970-იანი წლებიდან, მან დაიწყო საინფორმაციო გაზეთის — Corcoran Report-ის გამოქვეყნება, რომელიც მკითხველებს აცნობდა ინფორმაციას უძრავი ქონების ტენდენციების შესახებ.
- ბარბარა წარმატებული მწერალია, მისი ნამუშევრები გამოქვეყნებულია Redbook-ში, The Daily Review-სა და More Magazine-ში. გარდა ამისა, ის არის New York Daily News-ის რეგულარული კონტრიბუტორი. ბარბარას წიგნების ავტორიცაა, მათ შორის არის ერთ-ერთი ყველაზე ცნობილი — Shark Tales: How I Turned $1000 into a Billion Dollar Business.
- ბარბარაზე დიდი გავლენა იქონია მამამ, რომელმაც ურჩია, საკუთარი თავისთვის ემუშავა, რადგან თავად მთელი ცხოვრება სხვისთვის მუშაობდა და ამით სიამოვნება ერთი წუთითაც არ მიუღია.
- იგი ერთ-ერთ ყველაზე მისაბაძ მაგალითად მიიჩნევს დედას, რომელსაც ბიზნეს სამყაროსთან არასოდეს ჰქონია შეხება, მაგრამ ოროთახიან სახლში 10 შვილის გაზრდა მოახერხა.
- ბარბარა შესანიშნავად იაზრებს კარგი განათლების მნიშვნელობას, მაგრამ ხშირად განიხილავს იმ ფაქტს, რომ ფორმალური განათლების სისტემა ბუნებრივ ტალანტს კლავს.
- 23 წლის ასაკში მას უკვე 20-ზე მეტი სამუშაო ჰქონდა გამოცვლილი.
- როდესაც საქმე Shark Tank-ში მონაწილე კომპანიებში ინვესტირებას ეხება, ბარბარა „დისკრიმინაციას“ არ მიმართავს. მისი ინვესტიციები მოიცავს ფირმებს სხვადასხვა ინდუსტრიებიდან, მათ შორისაა Cousins Maine Lobster, Daisy Cakes, Grace & Lace და Hold Your Haunches.
- ბარბარა ყველა საუკეთესო გარიგებას მხოლოდ თავისთვის არ ინახავს. იგი სხვებსაც აძლევს შესაძლებლობას, ჩადონ ინვესტიციები სხვადასხვა კომპანიებში მისი ფირმის — Barbara Corcoran Venture Partners-ის მეშვეობით.
- გაყიდვის დროისთვის, ბარბარას ფირმის — Corcoran Group-ის წლიური შემოსავალი დაახლოებით $100 მილიონს შეადგენდა. გარდა ამისა, კომპანიაში დასაქმებული იყო 850 აგენტი.
- ბარბარას 80-ზე მეტ კომპანიაში აქვს ინვესტიცია ჩადებული.
- მისი ქონება ამჟამად დაახლოებით $100 მილიონს შეადგენს.
- ბარბარა ბევრ ადამიანს დაეხმარა თავიანთი ფინანსური მიზნების მიღწევაში. მან ერთხელ თქვა, რომ 150 ბიზნეს პარტნიორი ჰყავს და თითოეულს გააჩნია წარმატებული ბიზნესი, რომელიც არაფრით დაიწყო. მილიარდერებად ქცევაში მათ სწორედ ბარბარა დაეხმარა.
